1 Timote 3:2 - A SƐB-SÕW

² A lɛ ƴãw a, a fɛr'a kɛ́ a Lãw-yir-kaarɛ ta tɛr sãwna bɛ yere ɩ, ʋ kul pɔw been yõ, ɛ́ mɩ́ nyɔw ʋ tʋɔra a dɩb nɩ a nyub ƴãw, ʋ bãw yã, ɛ́ bãw ʋ tʋɔra maal-tɛrʋ, ʋ nɔnɛ a sãanbɛ tɛrʋ, ɛ́ ɩ nɩr na na tʋ̃ɔ́ wule a nɩbɛ a,

1 Timote 3:2 Iomraidhean Croise

Ɩzayi 56:10

A Ɩsɩrayɛl gùrbɛ ɩ n zɔn bɛ za, bɛ bɛ mɩ́ bãwnɩ bom za ɩ. Bà-gbili nɛbɛ, na kʋ̃ tʋ̃ɔ́ wowri a. Bɛ mɩ́ gã gã na ɛ́ a bɛ tɩɛrʋ yaarɛ, bɛ nɔnɛ nɩ gʋ̃ɔ.

Luka 1:6

Bɛ za ayi tɩ ɩ n nɩ-mɩn a Naaŋmɩn niŋé ɛ́ tɩ sàwr a Sore nɛ-ƴãwnɩ za, nɩ a lɛ ʋ na yel a ceretete.

Luka 2:36

Pɔw-naaŋmɩn-ƴɛ̀r-manɛ kãw mɩ̀ tɩ be n a be, Ana, Fanɩɛl pɔwyaa, na tɩ ɩ a Asɛɛr yir dɔwlʋ nɩr a. Ʋ tɩ kor'ɩ yaga. Ʋ na tɩ kul a sɩr maalɩ yome ayopõi a n'a,

Ʋrɔm 12:13

Nyɩ sõwne a nyɩ yɛbr a na fɛrɛ a, ɛ́ páwr a sãanʋ deb ƴãw.

Filib 2:15

lɛ n'a nyɩ kʋ̃ tɛr sãwna bɛ yere ɩ, ɛ́ vɩɛl ɩ Naaŋmɩn bibiir na bɛ tɛr faalʋ a, vʋʋrɛ nɩ a tẽ-daa zu nɩbɛ sɔgɔ na fa ɛ́ sãw bɛ za a, nyɩwrɛ a bɛ sɔgɔ mɛ̃ ŋmar-bie salom zu a,

1 Timote 3:12

A dɩakɩr mɩnɛ, bɛ kul pɔw beƴeni ɛ́ kaarɛ a bɛ bibiir nɩ a bɛ yir zie vla.

1 Timote 3:8

A dɩakɩr mɩnɛ mɩ̀ a, a sɛw na kɛ́ bɛ ɩ nɩbɛ na ƴãwnɛ bɛ tʋɔra a, bɛ ta tɛr ƴɛ̀r-nɛ́ɛ ayi ɛ, ta nɔnɛ dãa ɩ, ɛ́ ta tu tɛra na waar'ɩ vĩ a pùor ɛ.

1 Timote 4:3

A nɩbɛ bɛ ŋa na diwr'ɩ a kul-taa bɛrɛ, ɛ́ yel kɛ́ a bʋ̃-dɩrɩ a mɩnɛ ciir'a. Ɛcɛ Naaŋmɩn ír a na, kɛ́ a bɛlɩ dem na sàw de ʋ a, bɛl na bãw a yel-mɩŋa a, bɛ mɩ́ dɩrɛ a puore nɩ ʋ barka.

1 Timote 5:10

A fɛr'a kɛ́ bɛ bãw ʋ a ʋ ɩ-vɩɛlɩ zũú: ʋ na guoli bibiir a, ʋ na kaa sãanbɛ zie a, ʋ na pɛ́w a kɩrɩta-nɩbɛ gbɛ́ɛ a, ʋ na mɔwlɩ a bɛlɩ dem na be kpɩɛrʋ pʋɔ a, ʋ na ƴãw fãw tu ɩ-vɩɛlɩ za pùor a.

1 Timote 5:22

Ta zɛ̃zɛ̃ ír nuru dɔwlɩ nɩr kãw za zu kʋ̀ ʋ tõ-nʋɔr kãw a Lãw-yir pʋɔ ɩ, ta pʋɔ fʋ tɔ yel-bebe pʋɔ ɩ. Ɛ́ a fʋ̃ʋ mɩŋa a, ƴãw fãw tɛr a fʋ vɩɛlʋ.

1 Timote 5:9

Pɔw-kʋɔr na bɛ tɛr yome lɩz'a ata nɩ dɔwlɛ, ɛ́ kul dɛb-been a, a bɛ tɛr sɔ́r kɛ́ bɛ sɛb a ʋ yúor ƴãw a pɔw-kɔbɛ pʋɔ ɩ.

2 Timote 2:24

Ɛcɛ Sore tõ-tõ-bie bɛ sɛw kɛ́ ʋlɛ nɩ nɩr zɛbr taa ɩ. A sɛw na k'ʋʋ tɛr nɔ̃wfʋ a nɩbɛ za ƴãw, k'ʋʋ tʋ̃ɔ́ wule a nɩbɛ, ɛ́ sàwr dier a nɩbɛ po-to-yele.

Títɩ̀ 2:2

Yel a dɛb-nyamɛ kɛ́ bɛ mɩ́ nyɔw bɛ tʋɔra a dɩb nɩ a nyub pʋɔ, kɛ́ bɛ ƴãwnɛ bɛ tʋɔra, kɛ́ bɛ bãw yã, ɛ́ tɛr naaŋmɩn-sàw-deb na vɩɛl a, nɩ nɔ̃wfʋ nɩ kanyir.

Ebre 13:2

Nyɩ taa yiire a sãanʋ deb yele bɛrɛ ɩ. Bʋ̃ʋ n'ʋ vɛ̃, a sãanʋ deb ŋa pʋɔ n'a bɛ mɩnɛ de malkɩ mɩnɛ sãanʋ ɛ́ bɛ bãwnɩ a ɩ.

Ebre 3:14

Bʋ̃ʋ n'ʋ vɛ̃, tɩ lɩɛb'ɩ a Kɩrɩta taabɛ, tɩmɛ wa tɛr a tɩ tɩɛrʋ kpɛ̃w za tɩ ta n a baarʋ daar a.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Pɩɛr 4:9

Nyɩ mɩ́ sàw de taa sãanʋ ɛ́ ta 'hũ'hune ɩ.

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.