Yohana 8:6 - Dadiya NT

⁶ Ja bʌ gǝn jʊ nɨ sǝ ja tɛl gǝn, sǝ ja nya gǝn nǝn bwɨlangkɛl nɨ jǝ yɔ lɛ nǝn gɔ a kan borangɨ. Nǝngɔ Yesu a lii, a maa mʊlalɨgɔ a tǝm nǝn bawuli kang gǝnɨ.

Yohana 8:6 Iomraidhean Croise

Matta 10:16

“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Matta 15:23

Yesu a swa bɔ lɔl a daa gǝ woi, nǝngɔ bɛtɔ mɛlalɨ gǝnɔ a bɛ a daa gǝ woi ja tɨtǝn jǝ kel gǝn nɛ gɔ, “Kaa gǝn ya yilo, jʊ a bwɨɨ a tɨtǝn bwang bǝm lɛ gaba wulongɔ lɛ, mǝla bǝm lɔl lɛ nǝn wi.”

Matta 16:1

Kaa di nǝbɔ Farisaɨ jǝbɔ nǝbɔ Sadukiyaɨ, ja bɛ sǝ ja tɛl gǝn, sǝ ga nʊng ji kaa jǝ laatǝm kang a dʌbʌl, wʊnɨ yǝlam jim jǝ nʊngtǝm lɛɨ.

Matta 19:3

Nǝngɔ kaam nǝbɔ Farisaɨ a bɛ a daa gǝ woi, sǝ ba jǝ tɛl gǝnɨ. Ja bʌ gǝn gɔ, “A diil bǝnɔ gǝmɨ, n dǝngdǝng nǝl a dem kang a nwala gɔ gǝm, a gola kaa kɛl ka?”

Matta 22:18

Yesu a nyǝm bwɨlang bʊʊlalɨ jini, nǝngɔ a sʊwa gɔ, “Jǝ́ nǝb fentogɔ, n wɛ a bwɨ jǝ́ swɨ lɛ jǝ́ tɛl ɨɨ?

Matta 22:35

Kaa nǝ mɛlatǝm diil a kʊm jin a maa Yesu gǝm bʌtʌm kɛl tɛltǝm gɔ,

Matta 26:63

Yesu a gar bɔ kɛl. Nǝngɔ dalɨ nǝkǝla nɨ a bʌ gǝn gɔ, “N mʊrka ń jǝbɔ Kwaama nɨ nǝn kʊlɨɨ, sʊwa nǝn, na mʊ nǝn Kiristi, bʊla Kwaamaɨ.”

Markus 10:2

Kaam nǝbɔ Farisaɨ a bɛ a daa gǝ woi sǝ jǝ tɛl gǝn nǝn bʌbotǝm kɛl gɔ, “A diilɔ gǝmɨ, n dǝngdǝng nǝl a dem kang a nwala gɔ gǝm ka?”

Markus 12:15

Bǝ ywa ka? Ka bǝ ywa lɛ ka?” Yesu a nyǝm fento jinɔ, nǝngɔ a sʊwa ji gɔ, “N wɛ a bwɨ jǝ́ shi mɨ kwalɨ lɛɨ? Jǝ́ bɛ mɨ nǝn kemʌnɔ jǝ́ ywam kemʌn tǝm lɛɨ n kuwo.”

Markus 3:2

Kaam nǝbɔ saa gola sǝ jǝ ka kɛl Yesui. Nǝngɔ ja ya Yesu gǝm nu kɛna gung nʊ nɨ lɛ nǝn Kum Fǝbtǝmɨ.

Markus 8:11

Nǝbɔ Farisaɨ a bɛ ba tǝl gʊbkatǝm kɛl jǝbɔ Yesu. Jǝ swɨ lɛ ja tɛl gǝn. Nǝngɔ ja bʌ gǝn gɔ a nʊng ji jǝ laatǝm kang a dʌbʌl kwama.

Luka 10:25

Na kaa nǝ mɛlalɨ diil Musaɨ a gun a tɛl Yesu gɔ, “Feyi, wɛ mǝ maa lɛ sǝ n nya kʊlɨ nɨ mɨ dɨtǝm woi?”

Luka 11:16

Tangǝn nǝbɔ a tɛl Yesu gɔ ga maa jim jǝ laatǝm kang a dʌbʌl kwama.

Yohana 8:2

Nǝn kumsʌl butʌb nǝngɔ Yesu a yǝla shu a talɨ Kan Kwaamanɨ. Nǝbɔ gwam a bɛ daa gǝ woi, nǝngɔ a yɨ mɛla jim lɛɨ.

1 Korinti 10:9

Ka bǝ tɛl lɛ Tɛlalɔ na nɨ kaamɨ a maaɨ, sɔɔtɨnɔ a jʌbo jii.