Yohana 8:12 - Dadiya NT

¹² Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Yohana 8:12 Iomraidhean Croise

Matta 5:14

“Nǝjen jǝ́ nyalǝm yooligɨɨ. Tuulɔ nɨ ja mɔ a dʌbʌl tuli ke bɔ jǝ yʊtǝm.

Luka 2:32

Nyalǝm nɨ a nʊng ń a daagɔ Bʌtʌbɔ woi, nyalǝm nɨ a bɛ nǝn dʊʊlǝn a daagɔ nǝbam mʊnɔ nǝbɔ Israilaɨ.”

Yohana 12:35

Nǝngɔ Yesu a sʊwa ji gɔ, “Nyalǝmɔ gǝ na jǝbɔ jen, kumtɨnɔ mɨsɔ lada lɛ. Jǝ́ yɔ yɔmɔ kwama nyalǝmɔ jǝbɔ jeni, kage kumtojiligɔ a nya jen. Nʊ nɨ yɔ yɔm lɛ a kumtojilii, mɨsɔ nyǝm daa nɨ lɛ gǝ shum lɛ woi.

Yohana 12:36

Jǝ́ nǝ bɨlǝngkɛl a nyalǝmɔ gǝm nǝn kwama jǝ́ dakini jǝbɔ gɨɨ, sǝ jǝ́ yǝlam bɛtɔ lɔ nyalǝmɨ.” Nǝn kwama Yesu a dɨm sʊwatǝm kɛl nɨɨ, nǝngɔ a shu a wuum nǝn dul gǝnɨ.

Yohana 12:46

Mǝ bɛ na nyalǝm a mʊgɔ yooli nɨ, sǝ nʊ nɨ gwam nǝ bɨlǝngkɛl lɛ a daa mɨ woi, a yɨ bɔ a mʊgɔ kumtojili.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 3:19

Jʊ wɔ a bwɨ Kwaama a maa jim borangɨ, nyalǝmɔ a bɛ a yooligɔ gǝm, nǝbɔ a swɨ duddugigɔ a laa nyalǝmɔ, jʊ a bwɨɨ maajɨ jinɔ na a bwɨla gwam.

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

Yohana 9:5

Kwama mǝ fɔ a yooli nɨɨ, nǝmǝ mǝ nyalǝm yooligɨɨ.”

Maajɨ Bɛtɔ Twamagɨɨ 13:47

Tɛlalɔ a kwɛl a sʊwa nǝn sʊwaɨ gɔ, “ ‘Mǝ ya ń sǝ ń yǝlam nyalǝm a daagɔ Bʌtʌbɔ woi, sǝ ń bɛ nǝn bʊʊtǝm a yooligɔ gǝm gwam.’ ”

Maajɨ Bɛtɔ Twamagɨɨ 26:23

Jǝ sʊwa lɛ gɔ Kiristi nɔɔ nɔɔ gaalan, yǝlam nǝ tɨkǝga a guntǝm a bwaa. N gola guntǝm gǝnɔ a bwaaɨ, bɛ lɛ nǝn nyalǝm a Yahudawagɔ gǝm jǝbɔ Bʌtʌbɔ gwamɨ.”

2 Bitrus 2:17

Nǝb bwɨlam nɨ mɨ nǝn kaa jǝl. Ja maa na dɨyalɨ mwɛ nɨ a gʊmɨ, na lul mwɛ nɨ yʊwagɔ a gungʌmi. Bɨlǝngǝn Kwaama a fɛka jim daa yɨm a mʊgɔ kumtojili.

2 Bitrus 2:4

Kwaama a nyʊwa bɔ bʊnatǝm bɛtɔ twama gǝnɨ kwama ja maam bwɨlangkɛlɨ, a mal ji a lɔ kǝla. A tʊng ji a bʊwantɨn nɨ a tushi a fi kumtojilii, sǝ ba la nǝn di mwatɨtǝm borangɔ.

1 Yohana 1:6

Na bǝ sʊwa bǝngɔ bǝ yɨ yɨm dakini lɛ jǝbɔ Kwaamaɨ, la bǝ yǝm a kumtojilii, bǝ maa gabakɛl, mɨ bǝn nǝn bɨlǝngkɛl.

Yahuza 1:13

Ja maa na fʊnɨ mwɛ wɨma wʊnɨ mʊla lɛɨ, jǝ maa lɨyal lɛ nǝn gunidul jinɔ. Jǝ maamɔ nyanyamɨtɨn nɨ gǝ dǝngla tǝm lɛɨ, wʊnɨ ja fɛka gǝm daa kumtojili nɨ mɨ dɨtǝm woi.

Yahuza 1:6

Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

Dʊgam Nyangnyang 21:24

N nyalǝm gǝn bǝlǝntǝmɔ yɔm yɔm lɛɨ. Fɔlɔlɔm yooligɔ jǝ bɛ bɛ nǝn dʊʊlǝn jinɔ wo.