Yohana 6:51 - Dadiya NT

⁵¹ Nǝmǝ mǝ jǝjalǝn kʊlɨ nɨ a gǝla a dʌbʌli. Na nʊ nɨ a ja jǝjalǝn nɨ, yɨ yɨ nǝn kʊlɨ mɨ dɨltǝm wo. Jǝjalǝn nɨ n nam bʊtɔ mɨ, wʊnɨ mǝ nǝ lɛɨ sǝ yooli nɨ a nya kʊlɨɨ.”

Yohana 6:51 Iomraidhean Croise

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

Luka 22:19

Nǝngɔ a do kʊkkʊmɔ, a buu Kwaama gǝm kangɨ, a kǝl, a nǝ jii, a sʊwa gɔ, “Wʊnɨ n bʊtɔ mɨ wʊnɨ mǝ nǝ a kɛl dul jeni. Ya jǝ́ maa lɛ nyɔ sǝ ya jǝ́ bʊʊla lɛ nǝn mǝ.”

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:29

Nǝn tǝmsɛlɨgɔ, nǝngɔ Yohana a kuwo Yesu bɛ lɛ a daa gǝ woi, nǝngɔ a sʊwa gɔ, “Jǝ́ dʌng bɛ gal Kwaamaɨ, wʊnɨ a dem bwɨlangkɛl yooli nɨɨ.

Yohana 11:26

Nʊ nɨ nǝn kʊlɨ, a nǝ bɨlǝngkɛl a daa mɨ woi, mɨsɔ bʊla lɛ wo. Ń nǝ bɨlǝngkɛl nǝn jʊ nɨ ka?”

Yohana 3:13

Mɨ nǝn nʊ nɨ wo gwi a yɔ a dʌbʌli, na ke bɔ Bʊla Nǝlɨ, wʊnɨ a gǝla a dʌbʌl a bɛɨ.

Yohana 3:14

“Kanga Musa a gungʌm sɔɔ maalʊ a swɛ a mʊgɔ kuuli, n kanga jǝ gungʌm Bʊla Nǝlɨ lɛɨ,

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:33

Jǝjalǝn Kwaamaɨ nʊ nɨ gǝla lɛ a dʌbʌli, wʊnɨ nǝ yooligɔ kʊlɨ lɛɨ.”

Yohana 6:35

Nǝngɔ Yesu a jǝla ji gɔ, “Nǝmǝ mǝ jǝjalǝn kʊlɨgɨɨ. Nʊ nɨ a bɛ daa mǝ woi, mɨsɔ nyʊwa jʊwan nɛ wo. Nʊ nɨ a nǝ bɨlǝngkɛl a daa mǝ woi, mɨsɔ yǝla lɛ a nyʊwa diil mwɛn wo tag.

Yohana 6:41

Nǝngɔ Yahudawagɔ a maa kʊngatǝm a dul Yesui, jʊ a bwɨɨ, a sʊwa gɔ, “Nǝmǝ mǝ jǝjalǝn nɨ a gǝla a dʌbʌli.”

Yohana 6:47

“Bɨlǝngǝn mǝ sʊwa jen nɛɨ, nʊ nɨ a nǝ bɨlǝngkɛl a daa mǝ woi, a nya kʊlɨ nɨ mɨ dɨltǝm woi.

Yohana 6:48

Nǝmǝ mǝ jǝjalǝn nɨ nǝ kʊlɨ lɛɨ.

Yohana 6:50

Jǝjalǝnɔ wɔ wʊnɨ gǝla lɛ a dʌbʌli, sǝ nʊ nɨ pʌd a ja jǝjalǝn nɨɨ, mɨsɔ bʊla lɛ.

Yohana 7:38

Nʊ nɨ a nǝ bɨlǝngkɛl a daa mǝ woi, ‘Laa mwɛ nɨ nǝ kʊlɨ lɛɨ, jel jel a nǝl gǝn,’ kanga mʊlalɨ kɛl Kwaamaɨ a sʊwaɨ.”

2 Korinti 5:19

Jʊ nɨ gǝ nʊng gɔ nǝn Kwaama nǝn kang gǝn gǝ dɔ kʊm yooligɔ lɛ jǝbɔ gɨɨ, a gola Kiristii. Mɨ gǝ kiyo bwɨlangkɛl jinɔ lɛ a dul jin. Nǝn gɔ a nǝ nǝn kɛl dɔtǝm kʊm nǝbɨɨ.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Afisa 5:25

Jǝ́ batǝmɔ, jǝ́ swɨ nɔɔtǝlam jenɔ kanga Kiristi a swɨ mʊrkalɨ nǝb bwangtǝm Kwaamaɨ, a nǝ dul gǝnɔ a kɛl dul gǝnɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Ibranii 10:20

Bǝ dɔ daagɔ a gola fɨgɔ gǝm, wʊnɨ nǝn kʊlɨɨ, wʊnɨ a wum bǝm dwang nyanga kanɨ, nǝn gɔ n bʊtɔ gǝnɨ.

1 Bitrus 2:4

Bɛ jǝ́ bɛ a daa gǝ woi, wʊnɨ n tɛl kʊlɨɨ. Nǝn gɔ tɛl nɨ nǝbɔ a kɔɨ, wʊnɨ Kwaama a jǝgǝm gǝn n jǝ bʊmǝn nyan a daa gǝ woi.

1 Yohana 2:2

Gǝ nǝn kang gǝn nǝn gɔ a tǝla tʊʊm gǝnɔ na kǝlǝmtǝm bwɨlangkɛltɨn bǝnɨ, n ke bɔ a bǝn kwaagɔ, pʌd jǝbɔ bwɨlangkɛl yooligɔ gwam.

1 Yohana 4:10

Swɨtǝmɔ a na nyɔ: Ke bɔ bǝn bǝ swɨ Kwaama lɛɨ, nǝn gɔ a swɨ bǝnɨ, a twam Bʊla gɔ sǝ ba tǝla tʊʊm gǝnɔ na kǝlǝmtǝm bwɨlangkɛl bǝnɨ.

1 Yohana 4:14

Bǝ kuwo, bǝ nǝ nyiyo bǝngɔ Tɛtɛ a twam Bʊla gɔ sǝ a yǝlam Nǝbʊʊlɨ yooligɨɨ.