Yohana 6:42 - Dadiya NT

⁴² Nǝngɔ ja sʊwa gɔ, “Bwɛ nɨ ke bɔ Yesu bʊla Yusufui, wʊnɨ bǝ nyǝm nɛnɛ gɔ jǝbɔ tɛtɛ gɨɨ ka? A la a maa nyǝn sʊwa lɛ gɔ, ‘Mǝ gǝla a dʌbʌli?’ ”

Yohana 6:42 Iomraidhean Croise

Markus 6:3

Bwɛ nɨ ke bɔ bʊla Maryamui ka? Kɨla bǝ Yakubui, jǝbɔ Yusufu, jǝbɔ Yahuza, jǝbɔ Saminu nǝ fɛlatǝm kanjǝl nɨ ka? Kɛtǝlam gǝnɔ nɔɔtǝnɔ bǝ yǝm dakinii ka?” Ja kal nǝl nǝn kanjǝl nɨ gǝ maa lɛɨ.

Luka 4:22

Gwam jinɔ jǝ woi, jǝ sʊwa kɛl nyan nɛ a dul gǝn. Ja ta kang a nyiyo a kɛl nyantɨn nɨ jela lɛ a nyiyo gǝnɨ. Jǝ bʌbko lɛ gɔ, “Bwɛ nɨ n ke bɔ bʊla Yusufui ka?”

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Yohana 3:13

Mɨ nǝn nʊ nɨ wo gwi a yɔ a dʌbʌli, na ke bɔ Bʊla Nǝlɨ, wʊnɨ a gǝla a dʌbʌl a bɛɨ.

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Yohana 6:43

Nǝngɔ Yesu a jǝla ji gɔ, “Jǝ́ bǝla kʊngatǝmɔ wo a kʊm jen.

Yohana 6:62

La nǝl jenɔ yǝlam nyǝn na jǝ́ kuwo Bʊla Nǝlɨ gwi shu lɛ a daagɔ a jelʌmi?

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

1 Korinti 15:47

Nǝfili na tɨkǝgagɔ a jel a tǝm, n boli. Na yogɔ a jel a dʌbʌl.

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.