Yohana 4:21 - Dadiya NT

²¹ Yesu a sʊwa gǝn gɔ, “Nɔɔlɨ, nǝ bɨlǝngkɛl nǝn mǝ, kwamagɔ bɛ lɛ wo wʊnɨ mɨsɔ jǝ́ dʊʊl Tɛtɛ lɛ a dʌbʌl yem nɨɨ, mɨsɔ jǝ́ dʊʊl gǝm lɛ a Urushalimaɨ.

Yohana 4:21 Iomraidhean Croise

Matta 18:20

A daa nɨ nǝbɔ yo, a yɔ nǝn a taal, a mʊrka nǝn dun mɨɨ, mǝ tǝmɨ mǝ na a tɨbǝl jin.”

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Luka 21:24

Jǝ jʌbo jʌbo kaam nǝbɔ nǝn gulʌn. Ja taba kaamɨ tag ja yɔ nǝn ji a jwaalɛn a tǝm Bʌtʌbi gwam. Bʌtʌbɔ fala fala Urushalimagɔ, a yɔ nǝn a kwama dɨltǝm Bʌtʌbi.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Yohana 16:32

Kwamagɔ bɛ lɛ wo, a kwɛl a bɛ, wʊnɨ jǝ́ kwɨya lɛ win win, jǝ́ mwal jǝ́ shu a lɔ jen jǝ́ bǝla ɨ kwaamɨ wini. Mǝ ke bɔ kwaamɨ win, Tɛtɛ mɨ gǝ na jǝbɔ mǝ.

Yohana 4:23

Kwamagɔ bɛ lɛ wo, a kwɛl a bɛ, wʊnɨ nǝb dʊʊltǝm Kwaamaɨ dǝngdǝngɨɨ jǝ dʊʊl gǝm a mʊgɔ yʊwa jǝbɔ bɨlǝngkɛl. Kwaama a saa nǝbɔ nyɔ sǝ ja dʊʊl gǝm.

Yohana 5:25

Bɨlǝngǝn mǝ sʊwa jen nɛɨ, kwamagɔ bɛ lɛ wo, a kwɛl a bɛ bɛɨ, nǝb nɨ a bʊlalaɨ, jǝ nyʊwa nyʊwa diil Bʊla Kwaamaɨ. Nǝb nɨ a nyʊwaɨ, jǝ bʊʊ bʊʊ.

Yohana 5:28

“Ka jǝ́ ta lɛ kang a nyiyo a kɛl nɨ gǝm, jʊ a bwɨɨ kwamagɔ bɛ lɛ wo, nǝb nɨ pʌd a mʊgɔ tuutɨnɨ jǝ nyʊwa nyʊwa diil gǝnɔ,

Maajɨ Bɛtɔ Twamagɨɨ 6:14

Nǝn nyʊwa gǝn sʊwa lɛ gɔ Yesu Bwɛ Nazarat nɨ kʌb kʌb daa nɨ, fʌto fʌto jǝfʊlǝntɨn nɨ Musa a bǝla bǝmɨ.”

Afisa 2:18

N daa gǝ woi gwam bǝnɔ yo bǝ nya bɛtǝm a daagɔ Tɛtɛ woi a gola Yʊwagɔ wini.

Afisa 3:14

N dul kɛl nɨ mǝ jʊng a kǝga Tɛtɛɨ mǝ maa kelii,

1 Timoti 2:8

A daa maatǝm keli gwam mǝ swɨ lɛ batǝmɔ a maa keli, jǝ gung kang sagsag lɛ, mɨ nabwɨl wo jǝbɔ gʊbkatǝm.

1 Bitrus 1:17

Jǝ́ jo gǝn gɔ Tɛtɛ a daa maatǝm keli. Nǝn gɔ maa nǝbɔ gǝm gwam borang lɛ a jʊtǝb nɨ ja maaɨ, mɨ nǝn swɨtǝm dul. A kɛl dul jʊ nɨɨ, bɛ jǝ́ nyʊwa taal gǝnɔ nǝn kwama nɨ jǝ́ faabǝm a yooli nɨɨ.

Dʊgam Nyangnyang 21:22

Mǝ kuwo bɔ Kan Kwaaman wo a mʊgɔ tuulɔngɔ gǝm, jʊ a bwɨɨ Kan Kwaaman gǝnɔ nǝn Tɛlalɔ Kwaama Nǝ kwaan, jǝbɔ Bɛ Gal nɨ tag.