Yohana 3:5 - Dadiya NT

⁵ Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 3:5 Iomraidhean Croise

Matta 18:3

Nǝngɔ a sʊwa gɔ, “N bɨlǝngǝn mǝ sʊwa jen nɛɨ, na jǝ́ fʌto bɔ jǝ́ yǝla nǝn dul jenɔ na bɛtɔ dwalǝnɨ, mɨsɔ jǝ́ dɔ fɔlɔn lɔ Kwaamaɨ lɛ.

Matta 19:24

Mǝ sʊwa jen nɛ tag, bwa nɨ namtenʌm a dɔ bʊwa lalʌmʌn, na nǝ shilo dɔ dɔ fɔlɔn lɔ Kwaamaɨ.”

Matta 21:31

“A mʊgɔ ji nɨ yoi, n nʊ won a maa jʊ tɛtɛ ji swɨ lɛɨ?” Nǝngɔ ja sʊwa gɔ, “N bwɛ tɨkǝgagɔ.” Nǝngɔ Yesu a sʊwa ji gɔ, “N bɨlǝngǝn mǝ sʊwa jen nɛɨ, nǝb yotǝm kemʌn tǝmɔ jǝbɔ nɔɔtǝm bulonɔ jǝ dɔ dɔ fɔlɔn lɔ Kwaamaɨ ja laa jen.

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Matta 5:20

Mǝ sʊwa jen nɛ, na dǝngdǝng jenɔ a laa bɔ a nǝb mɛlalɨ diili jǝbɔ a nǝbɔ Farisaɨ, mɨsɔ jǝ́ dɔ fɔlɔn lɔ Kwaamaɨ lɛ wo.

Markus 10:14

Yesu a kuwo nyɨɨ, nǝl gǝnɔ a kala dangǝn, nǝngɔ a sʊwa ji gɔ, “Jǝ́ bǝla bɛtɔ dwalǝnɔ a bɛ a daa mɨ woi. Bɛ ka jǝ́ kaa ji lɛ. Fɔlɔn lɔ Kwaamaɨ na a jii.

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Markus 9:47

Na nu mʊnɔ dǝg ń dǝg ń maatǝm bwɨlangkɛlɨ, kʊʊtam gǝn. A laa jǝl ń dɔ fɔlɔn lɔ Kwaamaɨ nǝn nugɔ win, na jǝ mal ń mal ń a mʊgɔ lɔ kǝla nǝn nugɔ yoi.

Luka 13:24

“Jǝ́ maa kwaan bʊtɔ jǝ́ dɔ a nyanga kan nɨ a gwag gwagɨ. Mǝ sʊwa jen nɛ nǝbɔ a lada swɨ dɔtǝm lɛ. Mɨsɔ jǝ dwal lɛ.

Luka 13:3

N sʊwa jen, na jǝ́ yǝla bɔ jǝ́ bǝla bwɨlangkɛl jeni, mɨsɔ jǝ́ bʊʊ lɛ.

Luka 13:5

N sʊwa jen mɨ nyɔ, na jǝ́ yǝla bɔ jǝ́ bǝla bwɨlangkɛl jeni, mɨsɔ jǝ́ bʊʊ lɛ.”

Yohana 1:13

Ja yǝlam bɔ bɛtɔ lɔ gɨɨ a gola nǝfitʌmi, ke bɔ a gola wɛl bʊtɔ jǝbɔ swɨtǝm nǝfitʌmi, n Kwaama nǝn kang gǝn nǝn gɔ nǝn Tɨya jii.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 3:4

Nǝngɔ Nikodimu a bʌ gǝn gɔ, “La jǝ yǝla jǝ bʌ nʊ nɨ a gʌloi nyǝn tag? Dɔ dɔ fʌl nyɨya gɨɨ, sǝla ja yǝla ja bʌ gǝn tʌgo ka?”

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

1 Korinti 15:50

Mǝ sʊwa jen kɛl nɨ kambɔ, mɨsɔ maa lɛ bʊtɔ jǝbɔ tʊʊm a nya kʊla fɔlɔn lɔ Kwaamaɨ. A na nyɔ tag, bʊtɔ bʊtatǝmɔ mɨsɔ nya kʊla lɛ a daa nɨ mɨ bʊtatǝm woi.

1 Korinti 2:12

A bǝnɔ ke bɔ yʊwa yooli bǝ nyaɨ, n Yʊwa wʊnɨ a bɛ a daagɔ Kwaama woi, sǝ bǝ fɛ bǝ nyǝm kanjǝlɔ Kwaama a nǝ bǝn nǝn kwanɨ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Galatiya 6:15

Biyotǝm mwɛn jǝbɔ mɨ biyotǝm mwɛn wo mɨ ji a nyiyo kaa jǝl. Jʊ a nyiyo jǝlɨ nǝn gɔ fwaltǝm fɨ, nǝn gɔ a nyiyo jǝlɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

1 Yohana 2:29

Kanga jǝ́ nyǝm gǝn n nǝ dǝngdǝngɨ, mɨ nyǝmatǝm wo. Pʌd nʊ nɨ maa jʊ nɨ lɛ dǝngdǝngɨ, nǝn bʊla Kwaamaɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.