Yohana 3:34 - Dadiya NT

³⁴ Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.

Yohana 3:34 Iomraidhean Croise

Matta 12:18

“Bwɛ jwaalɛ mǝndɨ n wɔ, wʊnɨ mǝ jǝgǝmɨ, nʊ mǝ swɨ lɛɨ, mǝ nyʊwa fulotǝm nǝl lɛ nǝn gǝ dangǝnɨ. Mǝ dǝg gǝm dǝg Yʊwa mǝndɨɨ, nǝn gɔ ba sʊwa Bʌtʌbɔ gɔ n mwatɨ borangɔ dǝngdǝngɨ.

Luka 4:18

“Yʊwa Kwaamaɨ gǝ na jǝbɔ mǝ, nǝn gɔ a jǝg ɨ gɔ ba n kiyo nǝb bʊnǝnɔ gǝm fulon kɛl lǝmɨɨ. Nǝn gɔ a twam ɨ sǝ n ga wulong jǝgtǝm nǝbɔ a golmanɨ, sǝ n wum kululʌmɔ gǝm nu, sǝ n jǝg nǝb nɨ jǝ bǝm ji lɛɨ,

Yohana 1:16

A nǝ bǝn lǝma pʌd a dul lǝma jʊ a bwɨɨ n gʌleng swɨtǝm gǝnɔ a ladaɨ.

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

Yohana 16:7

Mǝ sʊwa jen bɨlǝngkɛlɔ lɛ, mǝ shu sǝ ya n maa jʊ nɨ a bʊm jemi, jʊ a bwɨɨ na mǝ shu bɨɨ, Nǝ tɨkalɨgɔ mɨsɔ bɛ lɛ. Na n yǝla shui, dɨsɔ la n twam jem gɔ.

Yohana 3:17

Kwaama a twam bɔ Bʊla gɔ a yooli nɨ sǝ a mwatɨ yooli nɨ gǝm borang. A twam gǝn sǝ a bʊʊ nǝn yooligɔ a gola gǝn.

Yohana 5:26

Kanga Tɛ bwɛ nǝn dul gǝn, n jʌng kʊlɨɨ, gǝ na nyɔ a dǝg Bʊla gɔ a yǝlam jʌng kʊlɨ.

Yohana 7:16

Nǝngɔ Yesu a jǝla ji gɔ, “Kanjǝl nɨ mǝ maa mɛlalɨ gǝnɔ lɛɨ, ke bɔ a mɨ, na nʊ nɨ a twam ɨɨ.

Yohana 8:40

Mǝ nʊ nɨ mǝ sʊwa jen bɨlǝngkɛl nɨ mǝ nyʊwa a daagɔ Kwaama woi, kǝngkɔ jǝ́ swɨ lɛ jǝ́ jʌ i. Ibrahim a maa bɔ jʊ nɨ wo.

Yohana 8:47

Nʊ nɨ na a Kwaamaɨ, gǝ nyʊwa nyʊwa jʊ nɨ Kwaama sʊwa lɛɨ. Jʊ a bwɨ mɨ jǝ́ nyʊwa jʊ nɨ lɛ Kwaama sʊwa lɛɨ, jǝ́ ke bɔ a Kwaamaɨ!”

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Kolosii 1:19

Kwaama a maa fulotǝm nǝl, a yii gǝn nǝn dʊʊlǝn gǝnɔ gwam.

Kolosii 2:9

A yɨm Kiristii na nǝfilii, dʊʊlǝn Kwaamaɨ gwam gǝ na a daa gǝ woi.

Dʊgam Nyangnyang 21:6

A sʊwa ɨ gɔ, “A dɨɨ. Nǝmǝ mǝ Alfaɨ, Nǝmǝ mǝ Omegaɨ, Nǝmǝ mǝ Tɨkǝgaɨ, Nǝmǝ mǝ Dɨltǝmɨ. Nʊ nɨ nyʊwa diil mwɛ lɛɨ, mǝ nǝ gǝn nǝ mwɛ nɨ a mʊgɔ bwili mwɛ kʊlɨ nǝn kwan.

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.