Yohana 3:25 - Dadiya NT

²⁵ Nǝngɔ bɛtɔ mɛlalɨ Yohanaɨ ja dɔ bǝngkatǝm kɛl jǝbɔ kaa bwɛ Yahudaɨ a dul jǝfʊlǝn saaltǝm bʊtɔ wʊnɨ gǝ dǝg nǝl lɛ a yǝlam sagsagɨ.

Yohana 3:25 Iomraidhean Croise

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Markus 7:8

Jǝ́ bǝla diil Kwaamaɨ, jǝ́ bwangtǝn jǝfʊlǝn nǝbɨɨ.”

Yohana 2:6

Nǝn dɔɔm a daagɔ, sɛbǝlɔ wo nukun wʊnɨ ja mɔba nǝn tɛlɨ, gwam jinɔ jǝ do do suul mwɛmɔ fʊltiyo a yɔ nǝn a fʊtǝtaal. N sɛbǝl nɨ Yahudawagɔ gǝ talǝm mwɛ saaltǝm bʊtɔ lɛɨ na jǝ maa kaam jǝfʊlǝntɨn jinɔ lɛɨ.

Ibranii 6:2

jǝbɔ mɛlalɨ a dul yʊtǝm mwɛ sagsag, jǝbɔ yatǝm kang bwili, jǝbɔ guntǝm a bwaa, jǝbɔ borang dɨltǝm yooligɔ.

Ibranii 9:10

Diiltɨn nɨ gǝ nʊng jatǝm jǝjalǝn, jǝbɔ jǝ nɔɔlǝng, jǝbɔ kanjǝl saaltǝm bʊtɔ jǝ maa lɛ kwaagɨɨ. Diiltɨn nɨ n maajɨ bʊtɔɨ, dɨ maajɨgɔ nǝn kwama nɨ diil fɨgɔ a jeli.

Ibranii 9:23

N kanjǝl nɨ a yǝlam nyɔ jǝ butim kanjǝl nɨ lɛ a jelka kanjǝl nɨ a dʌbʌli. A kanjǝl nɨ a dʌbʌli jǝ buti ji nǝn tǝlatǝm twama nɨ a laa kanjǝl nɨ bʊmǝnɨ.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.