Yohana 3:2 - Dadiya NT

² Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Yohana 3:2 Iomraidhean Croise

Matta 22:16

Nǝngɔ ja twam bɛtɔ mɛlalɨ jinɔ jǝbɔ kaam nǝbam Hiridusi a daa gǝ woi gɔ, “Nǝ mɛlalɨ, nǝn nyǝm mʊ nǝ bɨlǝngkɛl, mʊ mɛla gola Kwaamaɨ lɛ nǝn bɨlǝngǝn, nǝbɔ pʌd win a daa mʊ woi, mʊ do bɔ kaa nǝl a laa a wini.

Matta 23:7

Jǝ swɨ lɛ nǝbɔ ya yal ji lɛ a gamdʌbo. Jǝ swɨ lɛ nǝbɔ ya jo ji lɛ gɔ, ‘Nǝ mɛlalɨ.’

Matta 23:8

“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb.

Markus 12:14

Ja bɛɨ, nǝngɔ ja sʊwa gǝn gɔ, “Feyi, nǝn nyǝm mʊ nǝ bɨlǝngkɛl, nǝbɔ gwam win a daa mʊ woi. Mʊ do bɔ kaa nǝl a la kaa wo, mʊ mɛla gola Kwaamaɨ lɛ a mʊgɔ bɨlǝngkɛl. Mʊ kuwo lɛ n dǝngdǝng bǝ ywa Kaisar kemʌn tǝm ka? N ke bɔ dǝngdǝng ka?

Yohana 1:38

Yesu a yǝla dʌng gul gǝnɨ, nǝngɔ a kuwo ji jǝ bwang gǝm lɛɨ, nǝngɔ a bʌ ji gɔ, “N wɛ jǝ́ saa lɛɨ?” Nǝngɔ ja sʊwa gǝn gɔ, “Rabbi” (kɛl nɨ gǝ nʊng “Nǝ mɛlalɨ”), “mʊ na nǝn yɨmɔ a fee?”

Yohana 10:38

Na maajɨgɔ mǝ maa lɛɨ, na jǝ́ nǝ bɔ bɨlǝngkɛl nǝn mǝɨ, jǝ́ nǝ bɨlǝngkɛl nǝn maajɨgɔ, sǝ jǝ́ nyǝm tag jengɔ, Tɛtɛ gǝ na a mʊgɔ mɨ, mǝ tǝmɨ mǝ na a mʊgɔ Tɛtɛɨ.”

Yohana 12:37

Yesu a mɛ maatǝm kanjǝl laatǝm kang a gǝlala a kǝga jin sul, ja nǝ bɔ bɨlǝngkɛl a daa gǝ woi.

Yohana 14:10

Mʊ nǝ bɔ bɨlǝngkɛl mɔʊ mǝ na a mʊgɔ Tɛ bwɛɨ, Tɛ bwɛ gǝn na a mʊgɔ mɨɨ ka? Kɛl nɨ mǝ sʊwa jen nɛɨ, ke bɔ fɔlɔn dul mɨ. Tɛ bwɛ nɨ a mʊgɔ mɨɨ, nǝn gɔ maa maajɨ gǝnɔ lɛɨ.

Yohana 15:24

N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Yohana 20:16

Yesu a jo gǝn gɔ, “Maryamu!” Nǝngɔ a yǝla a daagɔ Yesu woi, a sʊwa gǝn nǝn nyiyo Yahudawagɨɨ gɔ, “Rabboni!” (Wʊnɨ gǝ nʊng gɔ, Feyi.)

Yohana 3:26

Nǝngɔ ja yɔ a daagɔ Yohana woi, ya ja bʌ gǝn gɔ, “Nǝ mɛlalɨ, nʊ nɨ mɔ dakini jǝbɔ gɨɨ, a gwanga twal a tiyo Urduni, wʊnɨ mʊ sʊwa kɛl lɛ a dul gǝnɨ, n wɔ kǝngkɔ yʊ nǝbɔ mwɛ sagsag lɛ, nǝbɔ gwam yilo a daa gǝ woi.”

Yohana 4:31

A mʊgɔ jʊ nɨ gǝm, nǝngɔ bɛtɔ mɛlalɨ gǝnɔ ba ja kela gǝn gɔ, “Feyi, ja jǝjalǝnɔ.”

Yohana 5:36

“Mǝ nǝngǝn nǝn nǝtǝm nyiyo a dul mɨ, wʊnɨ a laa a nɨ Yohana a nǝ a dul mɨɨ. Kanjǝl nɨ mǝ maa lɛɨ, wʊnɨ Tɛtɛ mɨ a nɨ ɨ gɔ n maaɨ, n jʊtǝb nɨ a yǝlam nʊngtǝm a dul mɨɨ, a nǝ nyiyo gɔ nǝn Tɛtɛ mɨ a twam ɨ.

Yohana 6:2

Nǝbɔ a lada nyɔ na a bwang gǝmɨ, jʊ a bwɨɨ, ja kuwo jǝ laatǝm kang nɨ gǝ maa nǝb bɔɔlamɔ gǝm lɛɨ.

Yohana 7:31

Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”

Yohana 9:16

Kaam nǝbɔ Farisaɨ gɔ, “Nʊ nɨ a jel bɔ a daagɔ Kwaamaɨ woi, jʊ a bwɨɨ a kɨla bɔ Kum Fǝbtǝmɔ.” Kaamɨ a maa bʌtʌm gɔ, “La maa nyǝn nǝ bwɨlangkɛl dwal maa kanjǝl laatǝm kang nɨ lɛɨ?” Nǝngɔ bʊʊlalɨ jinɔ a beli.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Maajɨ Bɛtɔ Twamagɨɨ 2:22

“Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Filibii 1:14

A kɛl dul bwatǝmɔ ja maa mɨɨ, kɔrɔ nǝb bwangtǝm wʊnɨ n kɛtǝlam mɨ a mʊgɔ Tɛlalɔɨ, ja jel nyangnyang jǝ sʊwa kɛl Kwaamaɨ lɛ mɨ taal wo.