Yohana 2:24 - Dadiya NT

²⁴ Yesu a jǝla bɔ jǝbɔ ji a bʊm, jʊ a bwɨɨ a nyǝm ji dangǝn.

Yohana 2:24 Iomraidhean Croise

Matta 9:4

Yesu a kwɛl a nyǝm bʊʊlalɨ jinɔ, nǝngɔ a sʊwa gɔ, “N wɛ a bwɨ jǝ́ maa bwɨlang bʊʊlalɨ lɛ a nǝl jeni?

Markus 2:8

Yesu a kwɛl a nyǝm jʊ jǝ bʊʊla lɛ a nǝl jini, nǝngɔ a bʌ ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Yohana 1:42

Nǝngɔ a yɔ nǝn Saminu a daagɔ Yesu woi. Yesu a dʌng gǝn, nǝngɔ a sʊwa gǝn gɔ, “Mɔ nǝn Saminu bʊla Yohanaɨ. Ya jǝ jo ń gɔ Kefas.” Dun nɨ win jǝbɔ Bitrus, gǝ nʊng “Tɛl.”

Yohana 16:30

Kǝngkǝnɨ nǝn nyǝm nǝngɔ ń nyǝm kanjǝlɔ gwam. Ń nyǝm gartǝm kɛlɔ na kaa nǝl dɨ bʌtʌmɔ lɛɨ. Wʊnɨ a dǝg nǝn nǝn nǝ bɨlǝngkɛl mʊ jel a daa Kwaama woi.”

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Yohana 4:16

Nǝngɔ Yesu a sʊwa gǝn gɔ, “Yɔ ya ń jo bwɨla mɔ, sǝ jǝ́ bɛ.”

Yohana 5:42

N nyǝm jen, mɨ swɨtǝm Kwaamaɨ wo a nǝl jen.

Yohana 6:15

Nǝn kwama Yesu a nyǝm jǝ maa bʊʊlalɨ lɛ, sǝ ja do gǝn nǝn kwaan jǝ ya gǝn fɔlɔnɨ, nǝngɔ a yǝla a shu a dʌbʌl yem kwaagɨɨ.

Yohana 6:64

Kaam jenɔ wo a nǝ bɔ bɨlǝngkɛl.” A sʊwa nyɔ jʊ a bwɨɨ, a tǝltǝmɔ gǝm Yesu a nyǝm nyǝmɨ nǝb nɨ a nǝ bɔ bɨlǝngkɛlɨ, jǝbɔ nʊ nɨ lungto gǝn nɛɨ.

Maajɨ Bɛtɔ Twamagɨɨ 1:24

Nǝngɔ bɛtɔ twama gǝnɔ a maa keli gɔ, “Tɛlalɔ, ń nyǝm nǝl nǝbɨɨ gwam. Nʊng bǝn nʊ mʊ jǝgǝm a kʊm nǝb nɨ yoi,

Maajɨ Bɛtɔ Twamagɨɨ 15:8

Kwaama wʊnɨ a nyǝm nǝl nǝbɨɨ, a nʊng gɔ gǝ yo ji. A nǝ ji Yʊwa Kwaamaɨ kanga a nǝ bǝnɨ.

Ibranii 4:13

Mɨ kaa jǝ fwaltǝm nɨ wo wuu Kwaama gǝm lɛɨ. Kanjǝlɔ gwam gǝ na a talɨ. Ja mɨɨl gǝn a nu nʊ nɨ bǝ kiyo jʊ lɛ bǝ maaɨ a kǝga gǝnɨ.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.