Yohana 12:42 - Dadiya NT

⁴² A kaa gola, Yahudawagɔ a lada a nǝ bɨlǝngkɛl a daa Yesu woi, nǝb dʊʊm jinɔ wo a mʊgɔ jinɔ gǝm. N nyʊwatǝm taal nǝbɔ Farisaɨ ja sʊwa bɔ gɔ jǝ nǝ bɨlǝngkɛlɨ, kage ja kaa ji yɔtǝmɔ a kan mɛlalɨ.

Yohana 12:42 Iomraidhean Croise

Matta 10:32

“Gwam nʊ nɨ a jǝla gɔ gǝ na a mɨɨ a kǝga nǝbɨɨ, mǝ tǝmɨ mǝ jǝla jǝla mǝʊ gǝ na a mɨ a kǝga Tɨya mɨɨ nɨ a dʌbʌli.

Luka 12:8

“N sʊwa jen, gwam nʊ nɨ a jǝla gɔ gǝ na a mɨɨ a kǝga nǝbɨɨ, Bʊla Nǝlɨ tǝgǝn jǝla jǝla gɔ gǝ na a gɔ a kǝga bɛtɔ twama Kwaamaɨ.

Luka 23:13

Bilatus a jo dʊʊm nǝbkǝlamɔ, jǝbɔ nǝb dʊʊmɔ, jǝbɔ nǝbɔ.

Luka 6:22

Bwiligɔ na a jen, jǝ́ nǝbɔ ja kɔ jeni, ja jǝgǝm jen, jǝ tuwo jen nɛɨ, jǝ kal dun jenɔ lɛ a kɛl dul Bʊla Nǝlɨ.

Yohana 11:45

Yahudawagɔ a lada nyɔ wʊnɨ ja bɛ yaltǝm Maryamui, ja kuwo jʊ nɨ Yesu a maaɨ, nǝngɔ ja nǝ bɨlǝngkɛl a daa gǝ woi.

Yohana 12:11

Jʊ a bwɨɨ, n kɛl dul Liazarui, Yahudawagɔ a lada nyɔ jǝ wʊlaka lɛ jǝbɔ dʊʊm nǝbkǝlamɔ, jǝ nǝ bɨlǝngkɛl lɛ a daa Yesu woi.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Yohana 19:38

Bwangtǝn nɛɨ, Yusufu bwɛ Arimatiyaɨ a kela Bilatus gɔ a nǝ gǝn bʌlʌn Yesui. Yusufu n bwɛ mɛlalɨ Yesui, wʊnɨ a nʊng bɔ dul gǝnɨ, nyʊwa taal Yahudawagɨɨ lɛ. Bilatus tǝgǝn a jǝla gǝm. Nǝngɔ a do bʌlʌn Yesui.

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Yohana 7:13

Mɨ nʊ nɨ wo a nya kwaan sʊwatǝm kɛl a dul Yesui a talɨɨ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ.

Yohana 7:31

Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”

Yohana 9:22

Tɛtǝlam gǝnɔ a sʊwa nyɔ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Yahudawagɔ a kwɛl a kiyo kiyoi gɔ pʌd nʊ nɨ a sʊwa gɔ Yesu nǝn Kiristii, jǝ kaa gǝn kaa a kan mɛlalɨ jin.

Yohana 9:34

Nǝngɔ ja jǝla gǝn gɔ, “Mɔ nɨ ja bʌ ń a mʊgɔ bwɨlangkɛlɨ, n wɛ mʊ swɨ lɛ ń mɛla nǝmɨ?” Nǝngɔ ja kaa gǝn bɛtǝmɔ a kan mɛlalɨɨ.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

Roma 10:10

N nǝl nǝfili gǝ nǝ bɨlǝngkɛl lɛɨ sǝ a yǝlam nǝ dǝngdǝngɨ. N nyiyo nǝfili gǝ sʊwa bwɨlangkɛl gǝnɔ lɛɨ sǝ a nya bʊʊtǝmɨ.

1 Yohana 4:15

Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.

1 Yohana 4:2

N gola nɨ jǝ́ nyǝm nʊ nɨ lɛ nǝngǝn nǝn Yʊwa Kwaamaɨ: Gwam nʊ nɨ a jǝla gɔ Yesu Kiristi a bɛ a bʊtɔɨ, nʊ gɔ nǝngǝn nǝn Yʊwa Kwaamaɨ.