Yohana 12:16 - Dadiya NT

¹⁶ Nǝn tɨkǝga bɛtɔ mɛlalɨ gǝnɔ ja nyǝm bɔ jʊ nɨ. Kwama nɨ Kwaama a gung Yesu a bwaaɨ, nǝngɔ ja bʊʊla gɔ jǝ maa mʊlalɨ nɨ a dul gǝn, ja bʊʊla gɔ nǝbɔ a maa kanjǝl nɨ kanga ja mʊlaɨ.

Yohana 12:16 Iomraidhean Croise

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Markus 9:32

Ja nyǝm bɔ jʊ sʊwa ji lɛɨ, jǝ nyʊwa taal bʌtʌm gǝnɔ lɛ.

Luka 18:34

Bɛtɔ mɛlalɨgɔ a nyǝm bɔ kɛl nɨ Yesu a sʊwaɨ. Ja yʊ ji jʊ kɛl nɨ nʊng lɛɨ. Ja nyǝm bɔ jʊ gǝ sʊwa lɛɨ.

Luka 24:25

Nǝngɔ a sʊwa ji gɔ, “N wɛ a bwɨ jǝ́ fʌmola nyɨɨ? Nǝl jenɔ a bwa nǝtǝm bɨlǝngkɛl nǝn jʊ nɨ nǝbkuwotǝmkǝgagɔ a sʊwa gwamɨ!

Luka 24:45

Nǝngɔ a wum nu jinɔ sǝ ja nyǝm langǝn bwangǝn Kwaamaɨ.

Luka 9:45

Bɛtɔ mɛlalɨ gǝnɔ a nyǝm bɔ kɛl nɨ ga sʊwaɨ. Ja yʊ ji yʊɨ kɛlɔ ja nyǝm bɔ. Ja mwɨ bɔ ja bʌ gǝn.

Yohana 12:23

Nǝngɔ Yesu a jǝla ji gɔ, “Kwamagɔ a la, wʊnɨ jǝ nʊng dʊʊlǝn Bʊla Nǝlɨ lɛɨ.

Yohana 14:26

Nǝ tɨkalɨ nɨ n Yʊwa Kwaamaɨ, wʊnɨ Tɛtɛ twam lɛ a mʊgɔ dun mɨɨ, nǝn gɔ mɛla jem kanjǝl nɨ lɛ gwamɨ, sǝ a bʊʊla jem kɛltɨn nɨ gwam mǝ sʊwa jeni.

Yohana 16:4

Mǝ sʊwa jen nɛ, sǝ na kwamagɔ ba la kanga jǝ maam jʊ nɨ lɛɨ, sǝ jǝ́ bʊʊla n kwɛl n sʊwa jen sʊwaɨ. Mǝ sʊwa jen bɔ kanjǝl nɨ nǝn tɨkǝga, jʊ a bwɨɨ mǝ na dakini jǝbɔ jen.

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 2:22

Nǝn kwama ja gung Yesu a bwaaɨ, nǝngɔ bɛtɔ mɛlalɨ gǝnɔ a bʊʊla nǝn jʊ Yesu a sʊwaɨ, nǝngɔ jǝ nǝ bɨlǝngkɛl a mʊlalɨ kɛl Kwaamaɨ, jǝbɔ kɛl nɨ Yesu a sʊwaɨ.

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Maajɨ Bɛtɔ Twamagɨɨ 2:36

“A dul kɛl nɨɨ, mɨ nyǝmatǝm wo bɛ nǝbɔ Israilaɨ gwam a nyǝm, Yesu nɨ jǝ́ kʊʊ gǝnɨ, Kwaama a dǝg gǝn a yǝlam Tɛlalɔ jǝbɔ Kiristi.”

Maajɨ Bɛtɔ Twamagɨɨ 3:13

Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 8:1

Kɛl nɨ gǝ nʊng gɔ, bǝ nǝngǝn nǝn dalɨ nǝkǝla nyɔ, wʊnɨ a yɨ a kang jajǝng kotere fɔlɔn nǝ Dʊʊ nɨ a dʌbʌl kwamaɨ.