Yohana 10:10 - Dadiya NT

¹⁰ Nǝkuugɔ a bɛ sǝ ba kuu kuul, jǝbɔ jʌtǝm, jǝbɔ kaltǝm. Mǝ bɛ sǝ ja nya kʊlɨ, kʊlɨ nɨ a ladaɨ.

Yohana 10:10 Iomraidhean Croise

Matta 18:10

“Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Matta 18:11

Bʊla Nǝlɨ a bɛ sǝ ba bʊʊ nǝn nǝb nɨ a lɛlaɨ.]

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

Matta 21:13

Nǝngɔ a sʊwa ji gɔ, “A mʊla mʊlaɨ gɔ, ‘Lɔ mǝndɨ jǝ jo gɔ kan keli.’ A jenɔ jǝ́ do jǝ́ maam gaatɛ nǝbkuumi.”

Matta 23:13

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [

Markus 11:17

A mɛla nǝbɔ gǝm gɔ, “A mʊla mʊlaɨ gɔ, “ ‘Lɔ mǝndɨ jǝ jo gɔ kan keli bǝlǝntǝmɨ gwam.’ A jenɔ jǝ́ do jǝ́ maam gaatɛ nǝbkuumi.”

Luka 19:10

Bʊla Nǝlɨ a bɛ sǝ ba saa, sǝ a bʊʊ nǝn nǝb nɨ a lɛlaɨ.”

Yohana 10:1

“N bɨlǝngkɛl mǝ sʊwa jen nɛɨ, nʊ nɨ a dɔ bɔ kan kwamɨtɨnɔ a nyangaɨ, a gwi a kwalɨɨ, n nǝkuu, n nǝwultǝm tag.

Yohana 10:11

“Nǝmǝ mǝ nǝ tɔɔtǝm kwamɨ nyaɨ. Nǝ tɔɔtǝm kwamɨ nyagɔ, gǝ nǝ nǝ kʊlɨ gǝnɔ a dul kwamɨtɨn.

Yohana 12:47

“Gwam nʊ nɨ a nyʊwa mɛlalɨ mǝndɨ, a kɨla bɨɨ, ke bɔ mǝ mǝ maa gǝm borang lɛɨ. Jʊ a bwɨɨ, n ke bɔ kɛl borang yooli nɨ a bɛ nǝn mǝɨ. Mǝ bɛ bʊʊtǝm nǝn yooli nɨ.

Yohana 12:6

Yahuza a sʊwa kɛl nɨɨ, ke bɔ bʊʊlalɨ nǝb bʊnǝnɔ a maaɨ, jʊ a bwɨɨ n nǝkuu. Nǝn gɔ ta bǝla kemʌn jinɔ lɛɨ. Gǝ kuu kuu kemʌnɔ a mʊgɔ gǝn a tɨka dul gǝnɔ nǝn.

Yohana 3:17

Kwaama a twam bɔ Bʊla gɔ a yooli nɨ sǝ a mwatɨ yooli nɨ gǝm borang. A twam gǝn sǝ a bʊʊ nǝn yooligɔ a gola gǝn.

Yohana 5:40

Jǝ́ kɔ bɛtǝmɔ a daa mɨ woi sǝ jǝ́ nya kʊlɨ.

Yohana 6:33

Jǝjalǝn Kwaamaɨ nʊ nɨ gǝla lɛ a dʌbʌli, wʊnɨ nǝ yooligɔ kʊlɨ lɛɨ.”

Yohana 6:51

Nǝmǝ mǝ jǝjalǝn kʊlɨ nɨ a gǝla a dʌbʌli. Na nʊ nɨ a ja jǝjalǝn nɨ, yɨ yɨ nǝn kʊlɨ mɨ dɨltǝm wo. Jǝjalǝn nɨ n nam bʊtɔ mɨ, wʊnɨ mǝ nǝ lɛɨ sǝ yooli nɨ a nya kʊlɨɨ.”

Roma 2:21

Mʊ nʊ nɨ mʊ mɛla kaa nǝl gǝm lɛɨ, mɨ mʊ mɛla dul mʊnɔ gǝm lɛ ka? Mʊ nʊ nɨ mʊ maa mɛlalɨ lɛ mɔʊ ka jǝ́ kuu lɛ kuuli, mɨ mʊ kuu kuul lɛ ka?

1 Timoti 1:15

Kɛl bɨlǝngkɛlɔ n wɔ, a la yotǝm wʊnɨ sʊwa lɛ gɔ, “Kiristi Yesu a bɛ a yooli nɨ sǝ a bʊʊ nǝn nǝb bwɨlangkɛlɔ.” A kʊm ji gwam nǝmǝ mǝ laa jii.

Ibranii 6:17

Kwaama tǝgǝn swɨ lɛ a nʊng nǝbɔ jʊ nɨ gǝ maa swatǝm yaa mɨsɔ gǝ fʌto lɛ woi, gǝ nʊng nǝn wɛɛlɨ.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

2 Bitrus 1:11

Maatǝmɔ nyɨɨ Kwaama yo jen yo nǝn fulotǝm nǝl a dɔtǝm fɔlɔn lɔ Tɛlalɔ bǝn Yesu Kiristii, Nǝbʊʊlɨ, fɔlɔn lɔ nɨ mɨ dɨtǝm woi.