Yohana 1:43 - Dadiya NT

⁴³ Nǝn tǝmsɛlɨ nǝngɔ Yesu a fɛka yɔm Galilii. A dɔ Galilii, nǝngɔ a tǝgaka jǝbɔ Filibusi, a sʊwa gǝn gɔ, “Bwang mɨ.”

Yohana 1:43 Iomraidhean Croise

Matta 10:3

jǝbɔ Filibus, jǝbɔ Bartalamawas, jǝbɔ Toma, jǝbɔ Matta wʊnɨ yo kemʌn tǝm lɛɨ, jǝbɔ Yakubu bʊla Halfaɨ, jǝbɔ Tadawus,

Matta 4:12

Yesu a nyʊwa fulon kubʌltǝm Yohanaɨ a lɔsomii, nǝngɔ a yǝla a bɛ a mʊgɔ Galilii.

Matta 8:22

Nǝngɔ Yesu a sʊwa gǝn gɔ, “Bwang mɨ. Bǝla bʌlʌntɨnɔ ya fʌl bʌlʌn jinɔ.”

Matta 9:9

Yesu a yɔ a kǝgaɨ, nǝngɔ a kuwo kaa nǝl dunɔ nǝn Matta yǝm yo kemʌn tǝm lɛ. Nǝngɔ a sʊwa gǝn gɔ, “Bwang mɨ.” Nǝngɔ a gun a bwang gǝmɨ.

Luka 19:10

Bʊla Nǝlɨ a bɛ sǝ ba saa, sǝ a bʊʊ nǝn nǝb nɨ a lɛlaɨ.”

Yohana 1:28

Kanjǝl nɨ a bwɨ a Betanya, a dʌng Tiyo Urdun, a daa nɨ Yohana yʊm nǝbɔ mwɛ sagsag lɛɨ.

Yohana 1:29

Nǝn tǝmsɛlɨgɔ, nǝngɔ Yohana a kuwo Yesu bɛ lɛ a daa gǝ woi, nǝngɔ a sʊwa gɔ, “Jǝ́ dʌng bɛ gal Kwaamaɨ, wʊnɨ a dem bwɨlangkɛl yooli nɨɨ.

Yohana 1:35

Nǝn tǝmsɛlɨ tag Yohana tɨm dakini jǝbɔ kaam bɛtɔ mɛlalɨ gǝnɔ yo.

Yohana 1:37

Bɛtɔ mɛlalɨ nɨ yoi ja nyʊwa jʊ nɨ ga sʊwaɨ, nǝngɔ ja bwangtǝn Yesui.

Yohana 1:44

Filibus n bwɛ Betsaida, tuulɔ bǝ Andarawasɨ jǝbɔ Bitrus.

Yohana 12:21

Nǝngɔ ja bɛ a daa Filibus woi, bwɛ Betsaidaɨ nɨ a Galilii, ja sʊwa gǝn gɔ, “Nǝ dʊʊ, nǝn swɨ lɛ nǝn kiyo kɛl jǝbɔ Yesu.”

Yohana 14:8

Nǝngɔ Filibus a sʊwa gǝn gɔ, “Tɛlalɔ, nʊng nǝn Tɛ bwɛ, sǝ nǝl nǝnɔ a daa.”

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Yohana 6:5

Yesu a gung nu gǝnɨ, a kuwo nǝbɔ a lada bɛ lɛ nǝn dɔɔm a daa gǝ woi. Nǝngɔ a bʌ Filibus gɔ, “Bǝ ten jǝjalǝnɔ fee a lada sǝ nǝb nɨ a ja?”

Yohana 6:7

Nǝngɔ Filibus a jǝla gǝn gɔ, “Kemʌn sǝlǝn nɨ nǝ maatǝm maajɨ nya lɛ a kumɔ fʊlkʊb yoi, na bǝ ten jǝjalǝn nǝnɨ, mɨsɔ la jim lɛ gwam.”

Filibii 3:12

Mǝ sʊwa bɔ mǝʊ n kwɛl n nya kanjǝl nɨ gwam. Mǝ lǝga bɔ n dɨl. Mǝ sɨn nɛ tʌgo sǝ n la kanjǝl nɨ Yesu Kiristi a jo i a kɛl dul gǝnɨ.

1 Yohana 4:19

Bǝ nʊng swɨtǝm, jʊ a bwɨɨ nǝn gɔ a tǝl swɨtǝm bǝnɨ.