Yohana 1:26 - Dadiya NT

²⁶ Nǝngɔ Yohana a sʊwa ji gɔ, “A mǝndɨ mǝ yʊ jen mwɛ sagsagɔ nǝn mwɛ. Kaa nǝl wo a kʊm jen, wʊnɨ jǝ́ nyǝm gǝn bɨɨ.

Yohana 1:26 Iomraidhean Croise

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Matta 3:6

Jǝ sʊwa bwɨlangkɛl jinɔ lɛ. Yʊ ji mwɛ sagsagɔ lɛ a tiyo Urdun.

Markus 1:8

Mǝ yʊ jen mwɛ sagsagɔ nǝn mwɛ. A gǝnɔ ba yʊ jen nǝn Yʊwa Kwaamaɨ.”

Luka 3:16

Nǝngɔ Yohana a sʊwa ji gwam gɔ, “Mǝ, mǝ yʊ jen mwɛ sagsag nǝn mwɛ. A nʊ nɨ bɛ lɛɨ, wʊnɨ a laa ɨ dʊʊnɨ, mǝ la bɔ nyɔ n kwɨ dwang twam gǝnɔ. Nʊ gɔ yʊ jen mwɛ sagsag nǝn Yʊwa Kwaamaɨ jǝbɔ kǝla.

Yohana 16:3

Nǝbɔ maa jem maa jʊ nɨ, jʊ a bwɨɨ ja nyǝm bɔ Kwaamagɔ, ja nyǝm ɨ bɔ.

Yohana 17:25

“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 8:19

Nǝngɔ ja bʌ gɔ, “Tɛtɛ mɔ gǝ na a fee?” Yesu a jǝla ji gɔ, “Jǝ́ nyǝm ɨ bɔ. Jǝ́ nyǝm bɔ Tɛtɛ mɨ. Na na jǝ́ nyǝm ɨɨ, na jǝ́ nyǝm tɛtɛ mɨ tag.”

Maajɨ Bɛtɔ Twamagɨɨ 1:5

Yohana a yʊ nǝbɔ mwɛ sagsagɔ nǝn mwɛ. Mɨsɔ kumɔ gǝlala lɛ, jǝ yʊ jen nǝn Yʊwa Kwaamaɨ.”

Maajɨ Bɛtɔ Twamagɨɨ 11:16

Nǝngɔ mǝ bʊʊla kɛl Tɛlalɔɨ, kanga a sʊwaɨ gɔ, ‘Yohana a yʊ ji mwɛ sagsag nǝn mwɛ. A jenɔ n Yʊwa Kwaamaɨ jǝ yʊ jen nɛ nǝnɨ.’

Maajɨ Bɛtɔ Twamagɨɨ 19:4

Bulus a sʊwa gɔ, “Yohana a yʊ jen mwɛ sagsagɔ sǝ a nʊng jǝ́ yǝla jǝ́ bǝla bwɨlangkɛl jenɔ. Gǝ sʊwa nǝbɔ gɔ ja nǝ bɨlǝngkɛl a nʊ nɨ bɛ lɛ a gul gǝnɨ, wʊnɨ nǝn Yesui.”

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.