Yohana 1:12 - Dadiya NT

¹² A nǝb nɨ gwam a yo gǝnɨ, a nǝ bɨlǝngkɛl a daa gǝ woi, a nǝ ji fɔlɔn ja yǝlam bɛtɔ lɔ Kwaamaɨ.

Yohana 1:12 Iomraidhean Croise

Matta 10:40

“Nʊ nɨ a yo jeni, a yo i. Nʊ nɨ a yo ii, a yo nʊ nɨ a twam ɨɨ.

Matta 12:21

Bʌtʌbɔ ya ya nǝl a dun gǝn.”

Matta 18:5

Na nʊ nɨ a yo bwɛ dwalɨ win na nʊ nɨ nǝn dun mɨɨ, nǝmǝ ga yo i.

Yohana 1:11

A bɛ a yooli nɨ, wʊnɨ na a gɨɨ, nǝbam gǝnɔ a yo gǝn bɔ.

Yohana 1:7

A bɛ sǝ ba nǝ nyiyo a sʊwa nǝbɔ bɨlǝngkɛl a dul nyalǝm nɨ, sǝ nǝbɔ gwam a nǝ bɨlǝngkɛl a gola gǝn.

Yohana 11:52

Yesu mɨsɔ bʊla lɛ a dul Yahudawagɨɨ kwaaji. Bʊla bʊla tag, sǝ a mʊr bɛtɔ lɔ Kwaamaɨ wʊnɨ ja kwɨya tǝmɔ nǝn kwanɨ, sǝ ja yǝlam win.

Yohana 2:23

Nǝn kwama Yesu a mʊgɔ Urushalimaɨ a di Dikulom Yabtǝmɨ, nǝbɔ a lada a nǝ bɨlǝngkɛl a daa gǝ woi a dul kanjǝl laatǝm kang nɨ ga maa a nu jini.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 3:18

“Nǝb nɨ a nǝ bɨlǝngkɛl a daagɔ Bwɛ woi, a nǝ ji bɔ bwɨlangkɛl. Nǝb nɨ a nǝ bɔ bɨlǝngkɛlɨ, a kwɛl a nǝ ji bwɨlangkɛl, jʊ a bwɨɨ ja nǝ bɔ bɨlǝngkɛl a dun Bʊla Kwaamaɨ nɨ wini.

Maajɨ Bɛtɔ Twamagɨɨ 3:16

“Nʊ nɨ jǝ́ kuwo lɛ, jǝ́ nyǝmɨ, n gola nǝtǝm bɨlǝngkɛl a dun Yesui a nya kwaan yɔmɨ. Bɨlǝngǝn, n nǝtǝm bɨlǝngkɛl nɨ a daagɔ Yesu woi, nǝn gɔ a nǝ gǝn kwaan bʊtɔ a kuwotǝm jenɔ gǝm gwamɨ.

Roma 8:14

Nǝb nɨ gwam Yʊwa Kwaamaɨ yɔ lɛ nǝn jii, nǝji jǝ bɛtɔ lɔ Kwaamaɨ.

Roma 8:16

Yʊwagɔ nǝn dul gǝn, jǝbɔ yʊwa bǝnɔ jǝ nǝ bwatǝm guu lɛ, sʊwa lɛ gɔ bǝn bǝ bɛtɔ lɔ Kwaamaɨ.

Roma 8:19

Kanjǝl nɨ gwam Kwaama a fwalɨ, jǝ ya nǝl lɛ nyangǝn, jǝ yam Kwaama lɛ sǝ a nʊng bɛtɔ lɔ gɨɨ.

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Kolosii 2:6

Kanga jǝ́ yo Kiristi Yesu nǝn Tɛlalɔ jeni, bɛ jǝ́ ja kǝga nǝn yɨmɔ a mʊgɔ gǝn.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.

1 Yohana 3:10

Jʊ jǝ nyǝm bɛtɔ lɔ Kwaamaɨ lɛ nǝnɨ jǝbɔ bɛtɔ lɔ mammɨ nǝn gɔ, nʊ nɨ a maa bɔ jǝ dǝngdǝngɨ, ke bɔ a Kwaamaɨ, gǝ na nyɔ a nʊ nɨ mɨ swɨ kɨla gǝ lɛɨ.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.