Yakubu 1:3 - Dadiya NT

³ Jǝ́ nyǝm gaalan nɨ gǝ tɛl tɛl nǝtǝm bɨlǝngkɛl jenɔ, sǝ a dǝg jen jǝ́ yɨ nǝn kʊtǝm nǝl.

Yakubu 1:3 Iomraidhean Croise

Luka 21:19

Na jǝ́ kʊ nǝlɨ, jǝ́ bʊʊ bʊʊ.

Roma 15:4

Pʌd jʊ nɨ a mʊla mʊlaɨ galɨgǝnɨ, ja mʊla sǝ a mɛla bǝm, sǝ a nǝ bǝn yatǝm nǝl a gola bwatǝm nǝl jǝbɔ kʊʊtǝm nǝl wʊnɨ kɛl Kwaamaɨ a nǝ bǝnɨ.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Roma 8:25

Na bǝ ya nǝl lɛ a jʊ nɨ bǝ nya bɨɨ, bǝ yam nǝn kʊtǝm nǝl.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Kolosii 1:11

Bɛ Kwaama a kwam jem nǝl nǝn kwaan dʊʊn gǝnɔ, sǝ jǝ́ bwa nǝl, jǝ́ kʊ nǝl nǝn fulotǝm nǝl.

2 Tasalonikaɨ 1:4

A dul kɛl nɨ, nǝn nǝn dul nǝn, n lɨyal nǝn maa lɛ nǝn jen a mʊgɔ mʊrkalɨtɨn nǝb bwangtǝm Kwaamaɨ, n kɛl kʊtǝm nǝl jenɔ, jǝbɔ nǝtǝm bɨlǝngkɛl jenɔ a mʊgɔ gaalan jenɔ nɨ jǝ́ nɔɔ lɛɨ, jǝbɔ gʌtǝm nɨ jen a mʊgɔ gǝnɨ.

2 Tasalonikaɨ 3:5

Bɛ Tɛlalɔ a yɔ nǝn nǝl jenɔ a swɨtǝm Kwaamaɨ, jǝbɔ kʊtǝm nǝl nɨ jel lɛ a daagɔ Kiristi woi.

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

Ibranii 12:1

Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.

Ibranii 6:12

Bɛ ka jǝ́ maa lɛ sʊnǝn. Bɛ jǝ́ banga nǝb nɨ ja yo yiitǝm swatǝm yaa nɨ a gola nǝtǝm bɨlǝngkɛl jinɔ gǝmɨ, jǝbɔ kʊtǝm nǝl jini.

1 Bitrus 1:7

Gaalantɨn nɨ a bɛ sǝ a nʊng nǝtǝm bɨlǝngkɛl jenɔ n dǝngdǝng. (Nǝtǝm bɨlǝngkɛl nɨ a laa mʊnɔ kemʌni, mʊnɔ dɨ dɨ, jǝ tɛl gǝn tɛl nǝn kǝla). N kɛl dul nǝtǝm bɨlǝngkɛl jenɔ, Kwaama nǝ jen bǝlátǝm lɛɨ jǝbɔ dʊʊn jǝbɔ gungtǝm nǝn kwama Yesu Kiristi bɛm lɛɨ.

2 Bitrus 1:6

A dul nyǝmtǝm jʊ nɨ a bʊmɨ, jǝ́ sʊtǝn nǝn tatǝm dul. A dul tatǝm dul, jǝ́ sʊtǝn nǝn bwatǝm nǝl. A dul bwatǝm nǝl jǝ́ sʊtǝn nǝn nǝl a Kwaamaɨ.