Luka 2:1 - Dadiya NT

¹ A kumtɨn gɔ, Kaisar Augustas a ga diil kiyotǝm dul nǝbɔ gwam yǝm a tǝm gǝnɔ gǝ maam fɔlɔn nɛɨ.

Luka 2:1 Iomraidhean Croise

Matta 22:17

Sʊwa nǝn, a mʊnɔ bʊʊlalɨgɔ, n dǝngdǝng bǝ ywa Kaisar kemʌn tǝm ka? Ka bǝ ywa lɛ ka?”

Matta 24:14

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Markus 14:9

Bɨlǝngkɛl mǝ sʊwa jen nɛɨ, daa nɨ jǝ kiyom fulon kɛl lǝmɨ nɨ lɛ a tǝmɔ gǝm gwamɨ, jǝ sʊwa sʊwa jʊ nɔɔlɨ nɨ a maaɨ, sǝ a yǝlam jʊ ya jǝ bʊʊla lɛ nǝn gɨɨ.”

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.

Luka 2:3

Nǝbɔ gwam a shu kiyotǝm dul jinɔ a tuulɔ jinɔ nɨ ja jelʌmi.

Luka 2:5

sǝ ya kiyo dul gǝnɔ wo jǝbɔ Maryamu, bwɛnɔɔlɨ gǝnɔ nɨ a swa yaa jǝbɔ gɨɨ, wʊnɨ nǝn fʌli.

Luka 3:1

A mʊgɔ jolɔ kʊb jeli nʊ na fɔlɔn dʊʊn Kaisar Tibariyasɨ, kwama Buntus Bilatus n gwamna a Yahudiyaɨ, Hiridus n fɔlɔ a Galilii, kɨla gɔ Filibus n fɔlɔ a Ituriya jǝbɔ Tarakunitasɨ, Lisaniyas n fɔlɔ a Abiliyaɨ,

Maajɨ Bɛtɔ Twamagɨɨ 11:28

Win a kʊm jin wʊnɨ jǝ jo lɛ gɔ Agabusi, a gun a tɨ tɨɨ a sʊwa kɛlɔ nǝn kwaan Yʊwa Kwaamaɨ gɔ jǝ maa maa gʌleng jʊwan bwɨla a yooligɔ gǝm gwam. (Jʊ nɨ a bwɨ nǝn kwama fɔlɔn Kalaudiyasɨ).

Maajɨ Bɛtɔ Twamagɨɨ 25:11

Na mǝ nǝ bwɨlangkɛlɨ, bwɨlangkɛl nɨ a la jǝ jʌ i lɛɨ, mɨsɔ mǝ kɔ lɛ ja jʌ i. Na mɨ bɨlǝngkɛl wo a mʊgɔ katɨ nɨ Yahudawagɔ a sʊwa a dul mɨɨ, mɨ nʊ nɨ wo a la nyɔ, nǝ ji mǝ lɛɨ. Mǝ kela lɛ jǝ́ do kɛl mǝndɨ, jǝ́ yɔ nǝn a kǝga Kaisarɨ.”

Maajɨ Bɛtɔ Twamagɨɨ 25:21

Bulus a saa gɔ ja tɨ nǝn kɛl gǝnɔ sǝ dalɨ fɔlɔgɔ, Kaisar, a biyo gǝm borangɔ. Nǝngɔ mǝ nǝ diil mǝʊ ja tɔɔ gǝn, a la nǝn a kwama nɨ mǝ tʊng gǝn nɛ a daa Kaisar woi.”

Roma 1:8

A tǝltǝmɔ gǝm mǝ buu Kwaama mǝndɨ gǝm kang lɛ a gola Yesu Kiristii a dul jen pʌd, jʊ a bwɨɨ ja sʊwa kɛl nǝtǝm bɨlǝngkɛl jenɔ a daatɨnɔ gǝm gwam a yooli nɨ.

Filibii 4:22

Nǝb sagsagɔ gwam yal jen nɛ. Nǝb nɨ a lɔ fɔlɔ Kaisarɨ yal jen nɛ dangǝn.