Ibranii 4:2 - Dadiya NT

² Ja sʊwa bǝn fulon kɛl lǝmɨgɔ kanga ja sʊwa jii. Kɛl nɨ ja sʊwa ji ja maa bɔ maajɨ nǝn, jʊ a bwɨɨ, nǝbɔ a nyʊwaɨ ja kɔ nǝtǝm bɨlǝngkɛl nǝn jʊ ja nyʊwaɨ.

Ibranii 4:2 Iomraidhean Croise

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 3:26

Nǝn kwama nɨ Kwaama a jǝgǝm bwɛ jwaalɛ gǝnɨ, a tǝl a twam gǝn a daa jen woi, sǝ a dǝg jem bwili a gola yǝlamtǝm nǝn jen gwam a bwɨlan.”

Roma 2:25

Biyotǝm mwɛnɔ a bʊm, na mʊ bwangtǝn diilɔ lɛɨ. Na mɨ mʊ bwangtǝn lɛɨ, biyotǝm mwɛn mʊnɔ mɨ a nyiyo kaa jǝl.

Roma 3:3

Maa nyǝn na kaamɨ n nǝb jatǝm swatǝm yaaɨ? Jatǝm swatǝm yaa jinɔ kal kal tatǝm swatǝm yaa Kwaamaɨ ka?

1 Korinti 13:3

Na n nǝ jʊ nɨ gwam mǝ nǝnɨ, na n nǝ bʊtɔ mǝndɨ ja twɨɨ, na mɨ mǝ nǝn swɨkanɨ, a sʊ mɨ bɔ kaa jǝl.

Galatiya 3:2

Kǝngkɔ mǝ swɨ lɛ n bʌ jen kɛlɔ win swar. Yʊwa Kwaamaɨ a bɛ jem a gola bwangtǝm diilɔ jǝ́ maaɨ ka? N ke bɔ a gola nǝtǝm bɨlǝngkɛlɔ a jʊ jǝ́ nyʊwaɨ ka?

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Galatiya 4:13

Jǝ́ nyǝm twɨla nɨ mǝ maaɨ, nǝn gɔ a bɛ nǝn gola tɨtǝm mǝndɨ a daa jen woi, mǝ bɛ jem nǝn fulon kɛl lǝmɨ nɨ nǝn tɨkǝgaɨ.

1 Tasalonikaɨ 1:5

Jʊ a bwɨ nǝn nyǝm nyɨɨ, fulon kɛl lǝmɨ nǝnɔ n ke bɔ kɛl kwaagɔ a bɛ jemi, a bɛ nǝn kwaan fɔlɔn jǝbɔ Yʊwa Kwaamaɨ, jǝbɔ jǝlatǝm nɨ mɨsɔ dɨ lɛ woi. Jǝ́ nyǝm yɨm nɨ nǝn yɨ a kʊm jeni, n kɛl dul jen, sǝ a tɨka jen.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

1 Timoti 4:8

Mwɛl bʊtɔgɔ nǝn bʊmǝn gǝnɔ, bwangtǝm Kwaamaɨ a bʊm a shu a golantɨnɔ a gǝlala, jʊ a bwɨɨ nǝn gɔ bɛ lɛ nǝn bwili kʊlɨ a golantɨnɔ gǝmɨ, a wʊnɨ kǝngkɨɨ, jǝbɔ nʊ nɨ bɛ lɛ a kǝgaɨ.

Ibranii 11:6

Na ke bɔ gola nǝtǝm bɨlǝngkɛlɨ, mɨsɔ nǝfili fulo Kwaama gǝm nǝl lɛ. Jʊ a bwɨɨ nʊ nɨ swɨ lɛ a bɛ nǝn dɔɔm a daagɔ Kwaama woi, bɛ ga nǝ bɨlǝngkɛl gɔ Kwaama wo, bɛ ga nǝ bɨlǝngkɛl gɔ Kwaama tal tal bwili a nǝb nɨ saa gǝn nɛɨ.

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

Ibranii 4:6

Jʊ nɨ gǝ nʊng gɔ, jǝ nǝb nɨ ja tǝl sʊwatǝm jinɔ fulon kɛl lǝmɨgɨɨ, ja gaa dɔtǝmɔ, jʊ a bwɨɨ ja maa bǝngɨ lɔl. Kǝngkǝnɨ tangǝn golagɔ wo, kaamɨ jǝ dɔ dɔ.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.