Ibranii 2:8 - Dadiya NT

⁸ Ń ya kanjǝlɔ gwam a kwaan fɔlɔn gǝnɔ gǝm.” Mʊ bǝla bɔ kaa jǝl wo wʊnɨ mɨ a kwaan fɔlɔn gǝnɨ. Kǝngkɔ bǝ kuwo bɔ kanjǝlɔ gwam a kwaan fɔlɔn gǝn.

Ibranii 2:8 Iomraidhean Croise

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 3:35

Tɛ bwɛ swɨ Bʊla gɔ lɛ, a nǝ gǝn kanjǝlɔ gwam a mʊgɔ kang gǝn.

1 Korinti 15:27

A mʊla mʊlaɨ gɔ, “Kwaama a ya kanjǝlɔ gwam a mʊgɔ kwaan gǝn.” Na ja sʊwa gɔ, “Kwaama a bǝla kanjǝlɔ gwam a mʊgɔ kwaan gǝnɨ,” gǝ na a talɨ, nʊ nɨ Kwaama a bǝla kanjǝlɔ gwam a mʊgɔ kwaan gǝnɨ, Kwaama a na bɔ a mʊgɔ gǝn.

Ibranii 1:13

A kʊm bɛtɔ twama Kwaamaɨ, nuwo Kwaama a sʊwa wo gɔ, “Yɨ fɔ a kang jajǝng mɨ, ba la nǝn kwama nɨ mǝ dǝg nǝb kiim mʊnɔ lɛ ja yǝlam daa fatǝm naa mʊnɨ”?

Ibranii 1:2

A kumtɨn dɨltǝmɔ gǝmɨ, nǝngɔ a sʊwa bǝn kɛl a daagɔ Bʊla gǝ woi, wʊnɨ a ya gǝn nǝn gɔ nǝ kʊla kanjǝlɔ gwamɨ, wʊnɨ n daa gǝ woi a fwal yooligɨɨ.

Ibranii 2:5

N ke bɔ a daagɔ bɛtɔ twama Kwaamaɨ woi Kwaama a ya fɔlɔn yooli nɨ bɛ lɛɨ, wʊnɨ bǝ sʊwa lɛɨ.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.