Ibranii 11:3 - Dadiya NT

³ N gola nǝtǝm bɨlǝngkɛl bǝ nyǝm gɔ n sʊwatǝm kɛl nǝn nyiyo Kwaama a fwal yooligɨɨ. Bǝ nyǝm tag Kwaama a fwal kanjǝl nɨ bǝ kuwo lɛɨ, a mʊgɔ kanjǝl nɨ mɨ bǝ kuwo lɛɨ.

Ibranii 11:3 Iomraidhean Croise

Yohana 1:3

Kwaama a fwal kanjǝlɔ gwam a gola gǝn. Mɨ nǝn jʊ nɨ a fwal ke bɔ a gola gǝnɨ.

Maajɨ Bɛtɔ Twamagɨɨ 14:15

“N wɛ a bwɨ jǝ́ maa lɛ nyɨɨ? Nǝn nǝfitʌm na jen. Nǝn bɛ jem nǝn fulon kɛl lǝmɨ, sǝ jǝ́ yǝla jǝ́ bǝla kanjǝl nɨ a bʊm bɨɨ gǝm gul. Jǝ́ yǝla a daa Kwaama kʊlɨ woi, wʊnɨ a fɛ dʌbʌlɔ jǝbɔ tǝmɨ, jǝbɔ wɨmagɔ jǝbɔ kanjǝl nɨ a mʊgɔ jin gwamɨ.

Maajɨ Bɛtɔ Twamagɨɨ 17:24

“Kwaama nɨ a fwal yooligɔ jǝbɔ kanjǝl nɨ gwam a mʊgɔ gǝnɨ, nǝn gɔ Tɛlalɔ a dʌbʌl jǝbɔ tǝmɨ, mɨ gǝ yɨ lɛ a kan wabɨ nɨ nǝfili a mɔ nǝn kang gǝnɨ.

Roma 4:17

Kanga a mʊla mʊlaɨ gɔ, “N dǝg ń ń yǝlam tɛ a bǝlǝntǝmɔ gǝm a lada.” Nǝn gɔ nǝn tɛtɛ bǝn a kǝga Kwaamaɨ, wʊnɨ ga nǝ bɨlǝngkɛl a daa gǝ woi. Nǝn gɔ nǝ kʊlɨ lɛ a bʌlʌntɨnɨ. Nǝn gɔ nǝn kwaan jotǝm jʊtǝb nɨ mɨ woi a yǝlam woi.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

1 Timoti 4:5

jʊ a bwɨɨ ja saalǝm gǝn sagsag a gola kɛl Kwaamaɨ jǝbɔ keli.

Ibranii 1:2

A kumtɨn dɨltǝmɔ gǝmɨ, nǝngɔ a sʊwa bǝn kɛl a daagɔ Bʊla gǝ woi, wʊnɨ a ya gǝn nǝn gɔ nǝ kʊla kanjǝlɔ gwamɨ, wʊnɨ n daa gǝ woi a fwal yooligɨɨ.

Ibranii 6:5

ja twɨ lǝma kɛl Kwaamaɨ jǝbɔ kwaan joltɨn nɨ bɛ lɛɨ,

2 Bitrus 3:5

Nǝn nyǝmtǝm jin jǝ tangǝm a kɛl nɨ gǝm a sʊwa gɔ, galɨgǝn Kwaama a fɛ dʌbʌlɔ a gola sʊwatǝm kɛl, a jǝgǝm tǝmɔ a mʊgɔ mwɛ, nǝngɔ a kang tǝmɔ nǝn mwɛmɨ.

Dʊgam Nyangnyang 4:11

“Ń la nyɔ, Kwaama Tɛlalɔ bǝn, ń nya bǝlátǝm jǝbɔ dʊʊlǝn jǝbɔ kwaan maatǝm fɔlɔn. Jʊ a bwɨɨ nǝmɔ mʊ fwal kanjǝlɔ gwamɨ, n swɨtǝm mʊn ja yǝlam nyɔ, mʊ fwal ji nyɨɨ.”