Ibranii 1:9 - Dadiya NT

⁹ Ń swɨ maajɨ nɨ dǝngdǝngɨ, ń kɔ bwɨlang maajɨgɔ. A dul kɛl nɨ, Kwaama, Kwaama mʊnɔ a ya mʊn nwangɔ, nǝn gɔ a nǝ ń dʊʊn a dul katǝlam mʊnɨ.”

Ibranii 1:9 Iomraidhean Croise

Luka 4:18

“Yʊwa Kwaamaɨ gǝ na jǝbɔ mǝ, nǝn gɔ a jǝg ɨ gɔ ba n kiyo nǝb bʊnǝnɔ gǝm fulon kɛl lǝmɨɨ. Nǝn gɔ a twam ɨ sǝ n ga wulong jǝgtǝm nǝbɔ a golmanɨ, sǝ n wum kululʌmɔ gǝm nu, sǝ n jǝg nǝb nɨ jǝ bǝm ji lɛɨ,

Yohana 1:41

Tʌgo a kang Andarawas a saa kɨla gɔ Saminui, a sʊwa gǝn gɔ, “Nǝ nya Nʊ nɨ ja jǝgǝmɨ,” wʊnɨ nǝn Kiristii.

Yohana 10:17

Jʊ a bwɨ Tɛtɛ swɨ ɨ lɛɨ nǝn gɔ, n nǝ kʊlɨ mǝndɨɨ, sǝ n yǝla n yo tag.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Yohana 3:34

Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Maajɨ Bɛtɔ Twamagɨɨ 4:26

Fɔlɔlɔm yooli nɨ ja maa fɛkalɨ kɨlan. Nǝb dʊʊm jinɔ ja mʊrka dul, jǝ maa kii lɛ jǝbɔ Tɛlalɔ, jǝbɔ nʊ nɨ ga gul gǝm bwiyeli.’

Maajɨ Bɛtɔ Twamagɨɨ 4:27

Bɨlǝngǝn kanjǝl nɨ a bwɨ nǝn kwama Hiridus, jǝbɔ Buntus Bilatus, jǝbɔ Bʌtʌbɔ, jǝbɔ nǝbɔ Israilaɨ ja mʊrka dul a dalɨ tuulɔ nɨɨ, jǝ maa kii lɛ jǝbɔ Bwɛ jwaalɛ sagsag mʊnɔ Yesu wʊnɨ mʊ gul gǝm bwiyeli.

Roma 12:9

Bɛ swɨkan jenɔ a yǝlam bɨlǝngǝn. Bɛ jǝ́ kɔ jʊ nɨ na a bwɨlaɨ, bɛ jǝ́ ta jʊ nɨ a bʊm bʊmɨ nǝn kwaan dangǝn.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

1 Korinti 1:9

Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

2 Korinti 11:31

Kwaama wʊnɨ nǝn gɔ nǝn Tɛtɛ Tɛlalɔ bǝn Yesui, wʊnɨ bǝlátǝmɔ na a gɔ mɨ dɨtǝm woi, a nyǝm ke bɔ gabakɛl mǝ maa lɛɨ.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Afisa 1:3

Bɛ bǝlátǝmɔ a ta tʌgo gwanggwang a daagɔ Kwaama woi, Tɛtɛ Tɛlalɔ bǝn Yesu Kiristi, wʊnɨ a nǝ bǝn bwili Yʊwagɔ gwam a dʌbʌli, a mʊgɔ Kiristii.

Filibii 2:9

A na nyɔ Kwaama a gung gǝn a dʌbʌli, a nǝ gǝn dun nɨ a laa tangǝn duntɨnɔ gwamɨ,

Ibranii 2:11

Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Ibranii 2:9

Nǝn Yesu bǝ kuwoi, wʊnɨ a kumtɨnɔ nǝn dǝm nyɔ a dǝg gǝn a la bɔ bɛtɔ twama Kwaamaɨ. Kǝngkɔ ja nǝ gǝn gungtǝm jǝbɔ dʊʊlǝn, n kɛl nɔɔtǝm gaalan gǝnɔ a yɔ nǝn a bwaaɨ. N dul kɛl lǝma Kwaamaɨ, Yesu a bʊla a kɛl dul nǝbɨɨ gwamɨ.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

Dʊgam Nyangnyang 2:15

A na nyɔ kaamɨ a kʊm jen n nǝb bwangtǝm mɛlalɨ Nikolatawaɨ.