Ibranii 1:3 - Dadiya NT

³ Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 1:3 Iomraidhean Croise

Matta 22:24

“Feyi, Musa a sʊwa gɔ, ‘Na nǝl a bʊla, a bʌ bɔ bwɛɨ, bɛ kɨla gɔ a naa nɔɔkʊlagɔ sǝ a bʌ kɨla gɔ gǝm bɛtɨ.’

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:29

Nǝn tǝmsɛlɨgɔ, nǝngɔ Yohana a kuwo Yesu bɛ lɛ a daa gǝ woi, nǝngɔ a sʊwa gɔ, “Jǝ́ dʌng bɛ gal Kwaamaɨ, wʊnɨ a dem bwɨlangkɛl yooli nɨɨ.

Yohana 1:4

A daa gǝ woi kʊlɨgɔ wo, kʊlɨ nɨ nǝn gɔ a bɛ nǝn nyalǝm a nǝbɔ gǝmɨ.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Maajɨ Bɛtɔ Twamagɨɨ 7:56

Nǝngɔ Istifanus gɔ, “Dʌng, n kuwo dʌbʌlɔ a wumo, jǝbɔ Bʊla Nǝlɨ tɨm a kang jajǝng Kwaamaɨ.”

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Kolosii 3:1

Kwaama a gung jen nǝn kʊlɨ jǝbɔ Kiristi. Na gǝ na nyɨɨ, bɛ jǝ́ saa kanjǝl nɨ a dʌbʌli, a daa nɨ Kiristi yǝm woi, a kang jajǝng Kwaamaɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Ibranii 1:13

A kʊm bɛtɔ twama Kwaamaɨ, nuwo Kwaama a sʊwa wo gɔ, “Yɨ fɔ a kang jajǝng mɨ, ba la nǝn kwama nɨ mǝ dǝg nǝb kiim mʊnɔ lɛ ja yǝlam daa fatǝm naa mʊnɨ”?

Ibranii 10:12

A Kiristii a tǝla twama kǝlǝmtǝm bwɨlangkɛlɔ naa win swar mɨ sʊtǝm wo. Nǝngɔ a yɨ a kang jajǝng Kwaamaɨ.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 4:14

Kanga bǝ nǝngǝn nǝn gʌleng dalɨ nǝkǝla wʊnɨ a shu a dʌbʌli, nǝn gɔ nǝn Yesu Bʊla Kwaamaɨ, bɛ bǝ tɨ a dul jʊ bǝ nǝ bɨlǝngkɛl nǝnɨ.

Ibranii 7:27

A nǝ dul gǝnɔ naa win swar a kwama a nǝ dul gǝnɔ n jǝ twɨtǝmɨ. Mɨsɔ twɨ yulʌn nɛ kum jǝbɔ kum na tangǝn daltɔ nǝbkǝlamɔ, na winɔ a dul bwɨlangkɛl gǝn, bwangtǝn nɛɨ a dul bwɨlangkɛl nǝbɨɨ.

Ibranii 8:1

Kɛl nɨ gǝ nʊng gɔ, bǝ nǝngǝn nǝn dalɨ nǝkǝla nyɔ, wʊnɨ a yɨ a kang jajǝng kotere fɔlɔn nǝ Dʊʊ nɨ a dʌbʌl kwamaɨ.

Ibranii 9:16

Na kaa nǝl a sʊwa nʊ nɨ ja kʊla gǝnɔ lɛɨ, bɛ ja nyǝm nʊ gɔ a bʊla dɨn.

Ibranii 9:26

Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

2 Bitrus 1:16

Nǝn kwama nǝn sʊwa jen kwaan jǝbɔ bɛtǝm Tɛlalɔ bǝn Yesu Kiristii, ke bɔ shinitɨn nɨ ja baka bakaɨ nǝn yʊlanɨ nǝn bwangtǝn nɛɨ. Nǝn kuwo dʊʊlǝn gǝnɔ nǝn nu nǝn.

2 Bitrus 1:17

Nǝn kwama a yem dʊʊnɔ jǝbɔ dʊʊlǝnɔ a daagɔ Tɛtɛ Kwaama woi, nǝn wo a daa gɔ. Nǝn nyʊwa diil Kwaamaɨ Nǝ Dʊʊlǝnɔ sʊwa lɛ gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ”

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

1 Yohana 3:5

Jǝ́ nyǝm Yesu a bɛ sǝ a dem bwɨlangkɛltɨn bǝnɔ. A daa gǝ woi mɨ nǝn bwɨlangkɛl.

Yahuza 1:25

Dʊʊlǝnɔ, jǝbɔ bʊmǝnɔ, jǝbɔ kwaanɔ, jǝbɔ fɔlɔnɔ na a Kwaama Nǝbʊʊlɨ bǝnɨ kwaagɔ, a gola Yesu Kiristii, Tɛlalɔ bǝn, a kǝngkɔ, jǝbɔ joltɨn nɨ a shui, a yɔ nǝn a joltɨn nɨ bɛ lɛɨ, mɨ dɨtǝm wo! A daa nyɔ.

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.

Dʊgam Nyangnyang 4:11

“Ń la nyɔ, Kwaama Tɛlalɔ bǝn, ń nya bǝlátǝm jǝbɔ dʊʊlǝn jǝbɔ kwaan maatǝm fɔlɔn. Jʊ a bwɨɨ nǝmɔ mʊ fwal kanjǝlɔ gwamɨ, n swɨtǝm mʊn ja yǝlam nyɔ, mʊ fwal ji nyɨɨ.”