Maajɨ Bɛtɔ Twamagɨɨ 27:2 - Dadiya NT

² Nǝn dɔ kaa tɨyamwɛng a Adaramitiya, wʊnɨ a fɛka guntǝm sǝ a shu a kaam tuulɔtɨn nɨ a kʌng wɨma Asiyaɨ. Nǝn tǝl yɔmɔ nǝbɔ Aristarkus, kaa bwɛ Tasalonika a tǝm Makidoniya.

Maajɨ Bɛtɔ Twamagɨɨ 27:2 Iomraidhean Croise

Luka 8:22

Kaa di Yesu a dɔ tɨyamwɛng jǝbɔ bɛtɔ mɛlalɨ gǝnɔ. Nǝngɔ a sʊwa ji gɔ, “Bǝ yab fʌlen a dʌng wɨma wuleni.” Nǝngɔ ja gun ja dɔ tɨyamwɛngɔ ja shui.

Maajɨ Bɛtɔ Twamagɨɨ 16:17

Nǝngɔ a tɨtǝn bwangtǝm Bulusi jǝbɔ tangǝn nǝnɔ, gaba kwaalɨ lɛ sʊwa lɛ gɔ, “Nǝb nɨ n bɛtɔ jwaalɛn Kwaamaɨ, Nǝ Dʊʊ. Jǝ sʊwa jen gola nyatǝm bʊʊtǝm.”

Maajɨ Bɛtɔ Twamagɨɨ 17:1

Nǝn kwama Bulus jǝbɔ Sila ja kɛla a tuulɔ Amfibolisɔ jǝbɔ Afoloniyagɨɨ, nǝngɔ ja la Tasalonikaɨ, a daa nɨ kaa kan mɛlalɨ Yahudawagɨɨ woi.

Maajɨ Bɛtɔ Twamagɨɨ 19:19

Nǝbɔ a lada nyɔ na a maa feyi lɛɨ, ja mʊr langǝn bwangǝntɨn jinɔ ja twɨm a kǝga nǝbɨɨ gwam. Ja kiyo kemʌn langǝn bwangǝntɨnɨ, a la kemʌn nɨ nǝ maajɨ nya lɛ a maatǝm maajɨ kumtɨnɔ fʊlkʊblǝn fʊltǝnʊɨ (50,000).

Maajɨ Bɛtɔ Twamagɨɨ 19:29

Nǝngɔ tuulɔngɔ a komaɨ. Nǝngɔ nǝbɔ a gun nǝn sʊgɔl, ja shu a daa mʊrkalɨɨ, jǝ gʊ Gayus lɛ jǝbɔ Aristarkus, nǝbɔ Makidoniyaɨ, fatǝm yɔm Bulusi.

Maajɨ Bɛtɔ Twamagɨɨ 2:9

N wɔ bǝ nǝbɔ Fartiyaɨ, jǝbɔ nǝbɔ Madanaɨ, jǝbɔ nǝbɔ Elemaɨ, jǝbɔ nǝbɔ tǝm Bagadazaɨ, jǝbɔ a Yahudiyaɨ, jǝbɔ a Kafadokiyaɨ, jǝbɔ a Fantasɨ, jǝbɔ a Asiyaɨ,

Maajɨ Bɛtɔ Twamagɨɨ 21:5

Kwama guntǝm nǝnɔ a laɨ, nǝngɔ nǝn gun nǝn ja kǝga nǝn yɔm nǝnɨ. Gwam jinɔ jǝbɔ nɔɔtǝlam jinɔ jǝbɔ bɛtɔ lɔ jii, ya ja ywa nǝn a gul tuulɔ. Nǝngɔ nǝn jʊng a kʌng mwɛ nǝn maa keligɨɨ.

Maajɨ Bɛtɔ Twamagɨɨ 28:10

Ja nǝ nǝn lǝmagɔ a lada nyɔ. Ya nǝn gun nɛ a tɨyamwɛngɨ, nǝngɔ ja mʊr nǝm jʊ nǝn saa lɛ gwamɨ.

Maajɨ Bɛtɔ Twamagɨɨ 28:12

Nǝn bɛ a Sirakusaɨ, nǝn maa kumɔ taal wo.

Maajɨ Bɛtɔ Twamagɨɨ 28:16

Nǝn dɔ mʊgɔ Romaɨ, nǝngɔ ja jǝla Bulus gǝm gɔ ya yɨ a lɔ nɨ jǝ ywa lɛ ywaɨ jǝbɔ sʊwajaam nɨ dʌng gǝn nɛɨ.

Maajɨ Bɛtɔ Twamagɨɨ 28:2

Nǝbɔ a tǝm gɨɨ, ja maa nǝm jǝ nya dangǝn nǝn bɨlǝngǝn. Ja yo nǝn gwam, ja mʊʊ nǝm kǝlagɔ, jʊ a bwɨɨ mwɛmɔ swiyo lɛ, juulɔ maa lɛ.

Kolosii 4:10

Aristarkus, wʊnɨ a lɔsomi jǝbɔ mǝɨ, yal jen nɛ. Markus tǝgǝn yal jen nɛ, wʊnɨ tʊga ji win jǝbɔ Barnabaɨ, wʊnɨ mǝ kwɛl mǝ sʊwa kɛl a dul gǝnɨ. Na a bɛ a daa jen woi, bɛ jǝ́ yo gǝn kangɔ yo.

Filimon 1:24

A na nyɔ tag, Markus, jǝbɔ Aristarkus, jǝbɔ Dimas jǝbɔ Luka fatǝm maajɨ mǝndɨɨ, jǝ yal ń nɛ.