Maajɨ Bɛtɔ Twamagɨɨ 26:7 - Dadiya NT

⁷ N swatǝm yaa nɨ dʊʊm nǝnɔ kʊb jeli yoi ja ya nǝl sǝ ja kuwo yiitǝm gǝnɨ, kanga jǝ bǝlá Kwaama lɛ kum jǝbɔ kɔkɔɨ. Fɔlɔgɔ, Yahudawagɔ tuwo i lɛ, jʊ a bwɨɨ n yatǝm nǝl a swatǝm yaa nɨ mǝ nǝnɨ!

Maajɨ Bɛtɔ Twamagɨɨ 26:7 Iomraidhean Croise

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Luka 22:30

sǝ jǝ́ ja, jǝ́ nɔɔ jǝbɔ mǝ a fʌlen a mʊgɔ fɔlɔn lɔ mɨ, jǝ́ yɨ a kotere fɔlɔn, jǝ́ maa fɔlɔn nyatɨnɔ kʊb jeli yoi, a nǝbɔ Israilaɨ.

Maajɨ Bɛtɔ Twamagɨɨ 20:31

A kɛl dul jʊ nɨ, bɛ jǝ́ yɨ nǝn fɛkalɨ! Jǝ́ bʊʊla jolɔ taal, kum jǝbɔ kɔkɔ, mǝ bǝla bɔ gʊtǝm lɔl jenɔ nǝn kɛl jǝbɔ mwɛ num.

Maajɨ Bɛtɔ Twamagɨɨ 24:15

Mǝ ya nǝl lɛ a daa Kwaama woi kanga nǝb nɨ ja yam tʌji gɔ guntǝm wo a nǝb nɨ a bʊlala bʊlalaɨ, nǝb dǝngdǝngɔ jǝbɔ nǝb bwɨlamɔ.

Maajɨ Bɛtɔ Twamagɨɨ 26:2

“Fɔlɔgɔ, n maa fulotǝm nǝl a kǝga mʊn, mǝ jǝg dul mǝndɨ lɛ dwiyen a katɨ nɨ Yahudawagɔ sʊwala lɛ a dul mɨɨ.

Maajɨ Bɛtɔ Twamagɨɨ 26:3

Mʊ nǝn nyǝmtǝm a jǝfʊlǝn Yahudawagɨɨ jǝbɔ kanjǝl nɨ jǝ maa gʊbkatǝm lɛ a dul gǝnɨ. A dul kɛl nɨ mǝ kela ń nɛ bǝm nǝl mʊnɔ kaa lɔl, ń nyʊwa ɨ.

Maajɨ Bɛtɔ Twamagɨɨ 28:20

N dul kɛl nɨ mǝ saa sǝ n kuwo jeni, sǝ n kiyo kɛl nǝbɔ jeni. N kɛl dul nʊ nɨ nǝbɔ Israilaɨ ya nǝl bɛtǝm gǝnɔ lɛɨ, ja bwa ɨ nǝn golmanɨ.”

Filibii 3:11

sǝ na maa nyǝnɨ, sǝ a la nǝn mǝ a guntǝm a bwaa.

1 Tasalonikaɨ 3:10

Kum jǝbɔ kɔkɔ nǝn maa keli lɛ dangǝn mɨ tɨtǝm wo, sǝ nǝn nya kuwotǝm jenɔ kǝga jǝbɔ kǝga, sǝ nǝn yii jʊ nɨ a gɨya a nǝtǝm bɨlǝngkɛl jenɔ gǝmɨ.

1 Timoti 5:5

Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.

Yakubu 1:1

Nǝmǝ mǝ Yakubu, bwɛ jwaalɛ Kwaamaɨ jǝbɔ a Tɛlalɔ Yesu Kiristii. Mǝ mʊla langǝn bwangǝn nɨ mǝ tʊng a daagɔ dʊʊm nɨ a bel kʊb jeli yo a kwɨya tǝmɔ nǝn kwan a mʊgɔ yooli nɨɨ. Mǝ yal jen nɛ.