Maajɨ Bɛtɔ Twamagɨɨ 2:5 - Dadiya NT

⁵ Nǝn kwama kanjǝl nɨ bwɨm lɛɨ, kaam Yahudawa nɨ a kwam tʌgo a bwangtǝm Kwaamaɨ jǝ yǝm wo a Urushalima. Ja bɛ daatɨnɔ a gǝlala a tǝmtɨnɔ a yooli nɨɨ.

Maajɨ Bɛtɔ Twamagɨɨ 2:5 Iomraidhean Croise

Matta 24:14

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Luka 17:24

Kanga kwama gǝ biyom lɛ a gwanga twalɨ a shu nǝn a gwanga diyengi, bɛtǝm Bʊla Nǝlɨ yǝlam nyɔ.

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Luka 24:18

Kaa win a kʊm jin dun gǝnɔ nǝn Kiliyobas, a bʌ gǝn gɔ, “Nǝmɔ mʊ faabɨ kwaamɔ win a Urushalima mʊ nyǝm bɔ jʊ nɨ a bwɨ a mʊgɔ kumtɨn nɨ ka?”

Yohana 12:20

A mʊgɔ nǝb nɨ a bɛ dikulomɔ sǝ ba ja bǝlá Kwaamaɨ, kaam nǝbɔ Girikaɨ wo.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Maajɨ Bɛtɔ Twamagɨɨ 10:7

Bwɛ twama Kwaamaɨ a sʊwa gǝn kɛlɔ a shui, nǝngɔ Karniliyas a jo bɛtɔ jwaalɛn gǝnɔ yo, jǝbɔ kaa sʊwajaam nǝ bwangtǝm Kwaamaɨ a mʊgɔ nǝb nɨ maa gǝm maajɨ lɛɨ.

Maajɨ Bɛtɔ Twamagɨɨ 13:50

Nǝb dʊʊm Yahudawagɔ a fǝ dul kaam nɔɔtǝm nɨ nyʊwa taal Kwaamaɨ lɛɨ, nǝbɔ jǝ nǝ ji dʊʊn nɛɨ, jǝbɔ kaam daltɔ nǝb dʊʊm a tuulɔ gɔ. Nǝngɔ ja gun tʌgo a Bulus gǝm jǝbɔ Barnabaɨ, ja kaa ji a tuulɔ gɨɨ.

Maajɨ Bɛtɔ Twamagɨɨ 2:1

Nǝn di Fentikosɔ a laɨ, nǝb bwangtǝmɔ gwam ja mʊrka daagɔ win.

Maajɨ Bɛtɔ Twamagɨɨ 22:12

“Nǝngɔ kaa nǝl dunɔ nǝn Hananiya a bɛ a daa mǝ woi. N nǝ bwangtǝm Kwaamaɨ a diil bǝnɔ gǝm, wʊnɨ Yahudawagɔ fʌlen gwamɨ bǝlá gǝn nɛɨ.

Maajɨ Bɛtɔ Twamagɨɨ 8:2

Kaam nǝb bwangtǝm Kwaamaɨ ba fʌl Istifanus. Ja ji wi bwaa gǝnɔ dangǝn.

Maajɨ Bɛtɔ Twamagɨɨ 8:27

Nǝngɔ a gun a shui. Nǝngɔ a tǝga kaa bwɛ tǝm Itiyofiyaɨ wɔ, wʊnɨ ja sʊ sʊɨ. N nǝ dʊʊ a fɔlɔn Kandakatu, nɔɔfɔlɔ Itiyofiyaɨ. Nǝn gǝ nǝ tatǝm kemʌn nɔɔfɔlɔ nɨɨ. A bɛ a Urushalima sǝ ba maa bǝlátǝm Kwaamaɨ.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.