Maajɨ Bɛtɔ Twamagɨɨ 2:10 - Dadiya NT

¹⁰ jǝbɔ nǝbɔ Firijiyaɨ, jǝbɔ a Bamfiliyaɨ, jǝbɔ a Masarɨ, jǝbɔ a dʌng Kurane nɨ a tǝm Libiyaɨ, jǝbɔ faabǝm nɨ a Romaɨ, jǝbɔ a Yahudawagɨɨ, jǝbɔ nǝb nɨ a dǝg dul jinɔ a yǝlam Yahudawaɨ,

Maajɨ Bɛtɔ Twamagɨɨ 2:10 Iomraidhean Croise

Matta 2:15

n daagɔ ja yɨmɨ, a yɔ nǝn a kwama Hiridus a bʊlamɨ. Jʊ nɨ a bwɨ sǝ ja yii jʊ Tɛlalɔ a sʊwa a nyiyo nǝkuwotǝmkǝgagɨɨ gɔ, “N jo bʊla mɨ a Masar.”

Matta 23:15

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ yab wɨma, sǝ jǝ́ la tǝmtɨn nɨ a kʊtaɨ sǝ jǝ́ nya nǝ bwangtǝm win. Na jǝ́ nya gǝnɨ, jǝ́ dǝg gǝn a dɔtǝm mʊgɔ lɔ kǝla nɨ a shilo a kwaba a jeni.

Matta 27:32

Jǝ shu lɛɨ, nǝngɔ ja tǝga kaa bwɛ Kuranei dunɔ nǝn Saminu, nǝngɔ ja sɨna gǝm a do tɨya kʊʊtǝm Yesui.

Markus 15:21

Nǝngɔ kaa nǝl shu lɛɨ, dunɔ nǝn Saminu bwɛ Kuranei, tɨya Iskandarii jǝbɔ Rufas, a jel a bɛ tuulɔ. Nǝngɔ ja dǝg gǝn a do tɨya kʊʊtǝm Yesui.

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Maajɨ Bɛtɔ Twamagɨɨ 13:13

Nǝngɔ Bulus jǝbɔ fatǝm yɔm gǝnɔ ja gun a Bafusa a tɨyamwɛngɨɨ, ja la Paga nɨ a tǝm Bamfiliyaɨ. Yohana nɨ jǝ jo lɛ gɔ Markusi, a bǝla ji, a yǝla a Urushalima.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Maajɨ Bɛtɔ Twamagɨɨ 14:24

Ja do a golagɔ a yɔ a tǝm Bisidiyaɨ, nǝngɔ ja shu a tǝm Bamfiliyaɨ.

Maajɨ Bɛtɔ Twamagɨɨ 15:38

A Bulusi a kuwo a bʊm bɔ jǝ shu dakini jǝbɔ Markus, jʊ a bwɨɨ, a bǝla ji a tǝm Bamfiliya galɨgǝn, a kɔ jatǝm kǝga nǝn maajɨgɔ jǝbɔ ji.

Maajɨ Bɛtɔ Twamagɨɨ 16:6

Nǝngɔ ja kɛla tǝm Firijiyagɔ jǝbɔ Galatiyaɨ, jʊ a bwɨɨ Yʊwa Kwaamaɨ a kaa ji wo a sʊwatǝm kɛl Tɛlalɔɨ a Asiya.

Maajɨ Bɛtɔ Twamagɨɨ 17:21

Gwam nǝbɔ Atinaɨ jǝbɔ faabǝm nɨ a Atinaɨ, jǝ swɨ nyʊwatǝm jǝ fɨ. Jǝ swɨ sʊwatǝm kɛl lɛ a dul gǝn. A laa jim kanjǝlɔ gwam.

Maajɨ Bɛtɔ Twamagɨɨ 18:2

N daa nɨ a nya kaa bwɛ Yahuda woi, wʊnɨ jǝ jo lɛ gɔ Akilaɨ, n bwɛ tǝm Fantasɨ. Akila jǝbɔ nwala gɔ Bilkisu ja jel a tǝm Italiya, jʊ a bwɨɨ Kalaudiyas a ga diil gɔ Yahudawagɔ gwam ja bǝla Romagɔ. Nǝngɔ Bulus a yɔ a daa ji woi.

Maajɨ Bɛtɔ Twamagɨɨ 18:23

A daa kum wo dǝm a Antakiyaɨ, nǝngɔ a gun a kɛla tǝm Galatiyagɔ jǝbɔ tǝm Firijiyagɨɨ. Bwangtǝn tuulɔtɨnɔ lɛ. Nǝ nǝb bwangtǝmɔ kʊtǝm nǝl lɛ.

Maajɨ Bɛtɔ Twamagɨɨ 2:11

jǝbɔ nǝbɔ Karitaɨ, jǝbɔ Larabawagɔ, bǝ nyʊwa ji lɛ jǝ sʊwa kɛlɔ lɛ nǝn nyiyotɨn bǝnɔ nǝn gʌleng kanjǝl nɨ Kwaama a maaɨ!”

Maajɨ Bɛtɔ Twamagɨɨ 23:11

Kumɔ a fii, nǝngɔ Tɛlalɔ a tɨ nǝn dɔɔm a daa Bulus woi, a sʊwa gǝn gɔ, “Ja kǝga nǝn kʊtǝm nǝlɔ. Kanga mʊ maa nǝtǝm nyiyo a dul mɨ a Urushalimaɨ, n kanga mʊ nǝ nyiyo lɛ a dul mɨ a Romaɨ.”

Maajɨ Bɛtɔ Twamagɨɨ 27:5

Nǝn yab wɨma nɨ a kɔtʌgo a gwanga tǝm Kilikiya jǝbɔ Bamfiliyaɨ, nǝngɔ nǝn la Mira nɨ a tǝm Likiyaɨ.

Maajɨ Bɛtɔ Twamagɨɨ 28:15

Nǝb bwangtǝm nɨ a Romaɨ, ja nyʊwa fulon nǝnɨ, nǝngɔ ja bɛ ba ja yo nǝn a gamdʌbo Abiyus, jǝbɔ daa nɨ jǝ jo lɛ gɔ daa Shigtǝm Taal. Bulus a kuwo jii, nǝngɔ a buu Kwaama gǝm kangɨ, nǝngɔ a nya kwaanɨ.

Maajɨ Bɛtɔ Twamagɨɨ 6:5

Nǝbɔ gwam a nyʊwa lǝma kɛl nɨ ja sʊwaɨ. Nǝngɔ ja jǝg Istifanusi, nʊ nɨ a yii nǝn nǝtǝm bɨlǝngkɛl jǝbɔ Yʊwa Kwaamaɨ, jǝbɔ Filibus, jǝbɔ Burokoras, jǝbɔ Nikanar, jǝbɔ Timan, jǝbɔ Barminas, jǝbɔ Nikolas, wʊnɨ a bɛ a Antakiyaɨ, n ke bɔ bwɛ Yahuda, a dɔ bwangtǝm jǝfʊlǝn.

Maajɨ Bɛtɔ Twamagɨɨ 6:9

Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ.

Roma 1:15

N jʊ a bwɨ mǝ swɨ lɛ n sʊwa jen fulon kɛl lǝmɨgɔ tʌjeni, jen nɨ a Romaɨ.

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

2 Timoti 1:17

Nǝn kwama a bɛ a tuulɔ Romaɨ, a saa ɨ nǝn bɨlǝngǝn a nya ɨ.

Dʊgam Nyangnyang 11:8

Ja bǝla bʌlʌntɨn jinɔ a gola gʌleng tuulɔ nɨ a jelka Sadumagɔ nyɔ jǝbɔ Masarɨ, n daa nɨ ja kʊʊm Tɛlalɔ jini.