Maajɨ Bɛtɔ Twamagɨɨ 19:2 - Dadiya NT

² Nǝngɔ a bʌ ji gɔ, “Jǝ́ nya Yʊwa Kwaamaɨ nǝn kwama jǝ́ nǝ bɨlǝngkɛlɨ ka?” Nǝngɔ ja jǝla gǝn gɔ, “Nǝn nyǝm bɔ nǝngɔ Yʊwa Kwaamaɨ wo.”

Maajɨ Bɛtɔ Twamagɨɨ 19:2 Iomraidhean Croise

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

Maajɨ Bɛtɔ Twamagɨɨ 10:44

Bitrus kiyo kɛlɔ lɛ wo dɨn, nǝngɔ Yʊwa Kwaamaɨ a gǝla a dul nǝb nɨ nyʊwa kɛl gǝnɔ lɛɨ.

Maajɨ Bɛtɔ Twamagɨɨ 19:5

Ja nyʊwa nyɨɨ, nǝngɔ ja yʊ ji mwɛ sagsagɔ a mʊgɔ dun Tɛlalɔ Yesui.

Maajɨ Bɛtɔ Twamagɨɨ 2:17

“ ‘Kwaama a sʊwa gɔ, nǝn kumtɨn dɨltǝm yooligɔ, Mǝ tal tal Yʊwa mǝndɨ a dul nǝbɨɨ gwam. Bɛtɔ batǝn jenɔ jǝbɔ bɛtɔnɔɔtǝn jenɔ jǝ maa maa kuwotǝmkǝga. Bɛtɔ bayǝlǝm jenɔ kuwo kuwo dʊgam nyangnyang. Dʊʊm jenɔ dʊga dʊga dʊgamtɨn.

Roma 1:11

Mǝ swɨ lɛ n kuwo jen, sǝ n sʊ jem kaa nǝtǝm lǝma Yʊwa Kwaamaɨ wʊnɨ nǝ jen kwaan nɛɨ,

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

Galatiya 3:5

Kwaama a nǝ jen Yʊwa gǝnɔ, a maatǝm kanjǝl laatǝm kang a kʊm jen. Jǝ́ kuwo lɛ a maa nyɔ a gola diilɔ jǝ́ bwangtǝn nɛɨ ka? N ke bɔ a gola nǝtǝm bɨlǝngkɛl a jʊ jǝ́ nyʊwaɨ ka?