Maajɨ Bɛtɔ Twamagɨɨ 15:1 - Dadiya NT

¹ Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.”

Maajɨ Bɛtɔ Twamagɨɨ 15:1 Iomraidhean Croise

Yohana 7:22

Musa a nǝ jen diil biyotǝm mwɛnɔ (ke bɔ gɔ a tǝlɨ, n tʊgalam jenɔ a tǝlɨ). Jǝ́ biyo biyo bwɛsǝn gǝm mwɛn nǝn Kum Fǝbtǝm.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Maajɨ Bɛtɔ Twamagɨɨ 15:22

Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 15:24

Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ.

Maajɨ Bɛtɔ Twamagɨɨ 15:3

Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 15:5

Nǝngɔ kaam nǝb bwangtǝmɔ, nǝbɔ Farisaɨ, ja gun jǝ tɨlam tɨlamɨ jǝ sʊwa lɛ gɔ, “A yǝlam nyɔ Bʌtʌbɔ a biyo mwɛn. A yǝlam nyɔ ja bwangtǝn diil Musaɨ.”

Maajɨ Bɛtɔ Twamagɨɨ 21:20

Ja nyʊwa nyɨɨ, nǝngɔ ja bǝlá Kwaamagɨɨ, ja sʊwa Bulus gɔ, “Ń kuwo, kɛgɔ, bwɨ nǝbɔ a lada a kʊm Yahudawagɨɨ ja nǝ bɨlǝngkɛl. Gwam jinɔ jǝ bwangtǝn diilɔ lɛ dǝngdǝng.

Maajɨ Bɛtɔ Twamagɨɨ 6:14

Nǝn nyʊwa gǝn sʊwa lɛ gɔ Yesu Bwɛ Nazarat nɨ kʌb kʌb daa nɨ, fʌto fʌto jǝfʊlǝntɨn nɨ Musa a bǝla bǝmɨ.”

Galatiya 2:1

Jolɔ kʊb jeli naal a shui, nǝngɔ mǝ yǝla mǝ gwi mǝ shu a Urushalimaɨ. A kwama gɨɨ, mǝ shu nǝbɔ Barnaba nǝngɔ mǝ tatǝn Titus tʌgoi.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Galatiya 6:12

Nǝb nɨ swɨ lɛ a dǝg jen biyotǝm mwɛn nǝn kwaanɨ, jǝ swɨ lɛ ja kuwo ji jǝ kaa jǝl a kǝga nǝbɨɨ. Jʊ a bwɨ jǝ maa jem lɛ nyɨɨ, jǝ mwal nyʊwatǝm gaalan nɨ jǝ maa jim lɛ a dul kʊʊtǝm Kiristii.

Kolosii 2:16

A dul jʊ nɨ, ka jǝ́ jǝla lɛ kaa nǝl a nǝ jen bwɨlangkɛl a dul jʊ nɨ jǝ́ ja lɛɨ, jǝbɔ jʊ nɨ jǝ́ nɔɔ lɛɨ. Ka jǝ́ jǝla lɛ kaa nǝl a nǝ jen bwɨlangkɛl a dul kɨlatǝm dikulom Jeltǝm Bwaala, jǝbɔ Kum Fǝbtǝm tag.

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.