Maajɨ Bɛtɔ Twamagɨɨ 13:10 - Dadiya NT

¹⁰ A sʊwa gɔ, “Mɔ nǝn bʊla Mammɨ! Nʊ nɨ maa kii lɛ jǝbɔ jʊ nɨ dǝngdǝngɨ! Swagtǝmɔ a yii nǝl mʊnɔ, jǝbɔ jǝ bwɨla. Mɨsɔ mʊ bǝla kaltǝm golantɨn Tɛlalɔɨ lɛ sɨnɨ ka?

Maajɨ Bɛtɔ Twamagɨɨ 13:10 Iomraidhean Croise

Matta 13:38

Tɔtwamɔ nǝn gɔ n yooligɨɨ, dʊʊm nyanɔ, nǝn gɔ bɛtɔ lɔ fɔlɔnɨ, yǝlagɔ n bɛtɔ Mammɨ.

Matta 15:19

Bʊʊlalɨ bwɨlagɔ gǝ jel a mʊgɔ nǝl, jǝbɔ jʌtǝm dul, jǝbɔ bulon, jǝbɔ bwɨlan, jǝbɔ kuul, jǝbɔ nǝtǝm nyiyo gabakɛl jǝbɔ kaltǝm dun nǝbɨɨ.

Matta 23:13

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [

Matta 3:7

Nǝn kwama a kuwo nǝbɔ Farisaɨ jǝbɔ nǝbɔ Sadukiyaɨ a lada nyɔ bɛ lɛ a daa gǝ woi, sǝ ga yʊ ji mwɛ sagsagɨɨ, nǝngɔ a sʊwa ji gɔ, “Jǝ́ bɛlɨ faatɨn! Nuwo a gʊ lɔl jenɔ gɔ jǝ́ mwal nabwɨl Kwaamaɨ nɨ bɛ lɛɨ?

Luka 11:39

Nǝngɔ Tɛlalɔ a sʊwa gǝn gɔ, “Jǝ́ nǝbɔ Farisaɨ jǝ́ saalǝm gul kʌshi nɔɔmwɛnɔ jǝbɔ gul kʌshigɔ, mʊgɔ nǝl jenɔ n tʊʊl jǝbɔ shil a yii sǝgǝrɨ.

Luka 11:52

“N mwɛ jen jǝ́ nǝb mɛlalɨ diilɔ! Jǝ́ dem jǝ wumtǝm nyǝmtǝmɔ, jen nǝn dul jen jǝ́ dɔ bɔ, jǝ́ bǝla bɔ nǝbɔ swɨ dɔtǝmɔ lɛɨ a dɔ.”

Yohana 1:23

Nǝngɔ Yohana a jǝla ji nǝn kɛl nǝkuwotǝmkǝga Ishayaɨ a sʊwaɨ gɔ, “Nǝmǝ mǝ diil nɨ jo jangajǝl lɛ a kuul sʊwa lɛ gɔ, ‘Jǝ́ fɛka gola Tɛlalɔɨ!’ ”

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Maajɨ Bɛtɔ Twamagɨɨ 20:30

A kʊm jen kaamɨ gun gun a sʊwala gabakɛl, sǝ ja gʊ nǝb bwangtǝmɔ a gul ji.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

Galatiya 1:7

Mɨ kaa fulon kɛl lǝmɨ wo. Kaam nǝbɔ swag jen nɛ, jǝ swɨ lɛ ja kal fulon kɛl lǝmɨ Kiristii.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

2 Bitrus 2:15

Ja bǝla gola nɨ sɨnɨ, ja tangǝm. Ja bwangtǝn Balamu bʊla Beyori, wʊnɨ swɨ sʊtǝm lɛ a gola nɨ mɨ dǝngdǝngɨ.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.