Maajɨ Bɛtɔ Twamagɨɨ 1:16 - Dadiya NT

¹⁶ “Kambɔ, a yǝlam nyɔ ja yii kɛl Kwaamaɨ wʊnɨ Yʊwa Kwaamaɨ a sʊwa galɨgǝn a nyiyo Daudaɨ a dul Yahuzaɨ, nʊ nɨ a ja nǝb tatǝm Yesui gǝm kǝgaɨ.

Maajɨ Bɛtɔ Twamagɨɨ 1:16 Iomraidhean Croise

Matta 26:14

Nǝngɔ win a mʊgɔ kʊb jeli yo nɨ wʊnɨ jǝ jo lɛ gɔ Yahuza Iskariyotii, a yɔ a daagɔ dʊʊm nǝbkǝlamɔ woi,

Matta 26:47

Nǝn kwama sʊwam kɛlɔ lɛɨ, nǝngɔ Yahuza, win a mʊgɔ kʊb jeli yo nɨ a bɛɨ. Nǝbɔ a lada bwang gǝm lɛ nǝn gulʌntɨn jǝbɔ dwamtɨn. N dʊʊm nǝbkǝlamɔ jǝbɔ nǝb dʊʊm nǝbɨɨ a twam jii.

Matta 26:54

Laa jǝ maa nyǝn jǝ yii mʊlalɨ kɛl Kwaamaɨ nɨ lɛ a sʊwa gɔ, kanjǝl nɨ bwɨ nyɨɨ?”

Matta 26:56

Jʊ nɨ gwam a bwɨ sǝ mʊlalɨ nǝbkuwotǝmkǝgagɨɨ a yii.” Nǝngɔ bɛtɔ mɛlalɨ gǝnɔ gwam ja mwala ja bǝla gǝnɨ.

Markus 12:36

Dauda nǝn kang gǝn, nǝn kwaan Yʊwa Kwaamaɨ a sʊwa gɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ, ba la nǝn kwama nɨ mǝ ya ń nɛ a dul fatǝm kiim mʊnɨ.” ’

Markus 14:43

Sʊwa kɛlɔ lɛ wo dɨn, nǝngɔ Yahuza win a mʊgɔ kʊb jeli yo nɨ a bɛɨ. Nǝbɔ a lada bwang gǝm lɛ nǝn gulʌntɨn jǝbɔ dwamtɨn. N dʊʊm nǝbkǝlamɔ, jǝbɔ nǝb mɛlalɨ diilɔ, jǝbɔ nǝb dʊʊm nǝbɨɨ a twam jii.

Luka 22:47

A dɨ bɔ kiyotǝm kɛlɔ, nǝngɔ mʊrkalɨ nǝbɨɨ a bɛɨ. Nǝn Yahuza win a mʊgɔ bɛtɔ mɛlalɨ gǝnɔ kʊb jeli yoi, a bɛ nǝn jii. Nǝngɔ a bɛ nǝn dɔɔm sǝ ba kwal Yesui.

Yohana 10:35

Bǝ nyǝm mʊlalɨ kɛl Kwaamaɨ mɨsɔ kʌbo lɛ. Kwaama a sʊwa gɔ nǝbɔ gǝ nǝ ji twama gǝnɨ ‘n kwaamatɨn.’

Yohana 13:18

“Ke bɔ a dul jen pʌd mǝ sʊwa kɛl nɨ lɛɨ, n nyǝm nǝbɔ mǝ jǝgamɨ. A bwɨ nyɔ sǝ a yii mʊlalɨ kɛl nɨ gɔ, ‘Nʊ nɨ ja jǝjalǝn mǝndɨ lɛɨ, a gun tʌgo a mǝ gǝm.’

Yohana 17:12

Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.

Yohana 19:36

Jʊ nɨ a bwɨ sǝ ja yii jʊ nɨ mʊlalɨ kɛl Kwaamaɨ a sʊwaɨ gɔ, “Mɨ kuto gǝnɔ wo win jǝ kǝl lɛɨ.”

Maajɨ Bɛtɔ Twamagɨɨ 1:20

“A mʊla mʊlaɨ a mʊgɔ langǝn bwangǝn Zaburaɨ gɔ, “ ‘Bɛ lɔ gǝnɔ a kwɨya a daa kwakwa, ka kaa nǝl ya yɨ lɛ wo a mʊgɔ gǝn.’ A mʊla mʊlaɨ tag gɔ, ‘Dʊʊn gǝnɔ bɛ kaa nǝl a do.’ ”

Maajɨ Bɛtɔ Twamagɨɨ 13:15

Nǝn kwama ja dɨm kiyotǝm diil Musaɨ jǝbɔ langǝn bwangǝn nǝbkuwotǝmkǝgagɨɨ, nǝb dʊʊm kan mɛlalɨgɔ a sʊwa ji gɔ, “Kɛtǝlam bǝn, na jen nǝn kɛl gʊtǝm lɔl jǝ́ sʊwa nǝbɔ lɛɨ, jǝ́ sʊwa ji.”

Maajɨ Bɛtɔ Twamagɨɨ 13:38

“A dul kɛl nɨ kɛtǝlam mɨɨ, mǝ swɨ lɛ jǝ́ nyǝm, n kɛl dul Yesui ja kǝlǝm jem bwɨlangkɛl jeni.

Maajɨ Bɛtɔ Twamagɨɨ 15:13

Kwama ja dɨm kɛlɨ, nǝngɔ Yakubu a jǝla gɔ, “Kambɔ, jǝ́ nyʊwa ɨ.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.

Maajɨ Bɛtɔ Twamagɨɨ 2:23

Yesu nɨ, ja nǝ gǝn a kang jeni kanga Kwaama a fɛkam nǝn nyǝmtǝm gǝn nǝn tɨkǝgaɨ, jǝ́ kʊʊ gǝn, jǝ́ jʌ gǝn, a kang nǝb bwɨlamɨ.

Maajɨ Bɛtɔ Twamagɨɨ 2:37

Nǝn kwama ja nyʊwam kɛl nɨɨ, a bʊwa ji. Nǝngɔ ja bʌ Bitrus jǝbɔ tangǝn bɛtɔ twamagɨɨ, gɔ, “Kɛtǝlam bǝn, n wɛ bǝ maa lɛɨ?”

Maajɨ Bɛtɔ Twamagɨɨ 22:1

“Jǝ́ kɛtǝlamɔ jǝbɔ dʊʊmɔ, jǝ́ kaa lɔl sǝ n sʊwa jen jʊ a bwɨɨ, sǝ n nʊng jen mɨ mǝ nǝn bwɨlangkɛl.”

Maajɨ Bɛtɔ Twamagɨɨ 23:1

Nǝngɔ Bulus a ya nǝb dʊʊm koteregɔ gǝm nu a sʊwa gɔ, “Kambɔ, a bɛ nǝn a kɔkɔ nɨ dwiyeni, n yɨ yɨm nɨ a maa dǝngdǝng a kǝga Kwaamaɨ, a mʊgɔ nǝl mɨɨ, mɨ kaa jǝ komtǝm wo.”

Maajɨ Bɛtɔ Twamagɨɨ 23:6

Bulus a fɛ a dʌngi, kaamɨ n nǝbɔ Sadukiyaɨ, kaamɨ n nǝbɔ Farisaɨ. Nǝngɔ a gung diilɔ a jo nǝb dʊʊm koteregɨɨ a sʊwa gɔ, “Kambɔ, mǝ bwɛ Farisa, tɛtǝlam mǝndɨ nǝbɔ Farisaɨ. Jʊ a bwɨ jǝ maa mɨ borang lɛɨ, n yatǝm nǝlɔ mǝ ya a guntǝm a bwaaɨ.”

Maajɨ Bɛtɔ Twamagɨɨ 28:17

Kumɔ taal a shui, Bulus a jo dʊʊm Yahudawagɔ. Ja mʊrkaɨ, nǝngɔ a sʊwa ji gɔ, “Kambɔ, mǝ maa bɔ nǝbam bǝnɔ gǝm bwɨlangkɛl, mǝ fa bɔ jǝfʊlǝn tʊgalam bǝnɨ sul, ja ta ɨ a Urushalima ja bwa ɨ, ja nǝ nǝbɔ Romaɨ.

Maajɨ Bɛtɔ Twamagɨɨ 28:25

Ja jǝlaka bɔ a dul kɛl. Ja bǝla bɔ daa gɔ, nǝngɔ Bulus a sʊwa kaa kɛl win gɔ, “Yʊwa Kwaamaɨ a sʊwa bɨlǝngkɛl. A sʊwa tʊgalam jenɔ kɛl a nyiyo Ishayaɨ nǝkuwotǝmkǝga gɔ,

Maajɨ Bɛtɔ Twamagɨɨ 7:2

Nǝngɔ Istifanus a sʊwa ji gɔ, “Jǝ́ kɛtǝlam mǝndɨ jǝbɔ tɛtǝlam mɨɨ, jǝ́ nyʊwa ɨ. Kwaama nǝ dʊʊlǝnɔ a nʊng dul gǝnɔ a daa tʊga bǝn Ibrahim woi, nǝn kwama nɨ gɔ a tǝm Bagadazaɨ, nǝn kwama gɔ lǝga bɔ ga yɨ a Haranɨ.

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

2 Bitrus 1:21

Jʊ a bwɨɨ mɨ kaa kɛl kuwotǝmkǝga nɨ wo a bɛ a bʊʊlalɨ nǝfilii. N Yʊwa Kwaamaɨ a dɔ nǝl nǝbɨɨ a dǝg ji sǝ ja sʊwa jʊ ja yo a daagɔ Kwaama woi.

2 Bitrus 2:21

A laa jim jǝl na ja nyǝm bɔ gola dǝngdǝngɔ wo nǝn tɨkǝgaɨ, na nǝn gul ja nyǝmɨ nǝngɔ la ja yǝla ja bǝla diil sagsag wʊnɨ ja nǝ jii.