1 Yohana 4:4 - Dadiya NT

⁴ Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

1 Yohana 4:4 Iomraidhean Croise

Yohana 12:31

Kǝngkɔ Kwaama mwatɨ yooli nɨ gǝm borang lɛɨ, n kǝngkɔ jǝ kaam nǝ fɔlɔn yooli nɨ lɛɨ.

Yohana 14:30

Mǝ sʊwa sʊwa kɛl nǝbɔ jen, kumtɨnɔ mɨsɔ lada lɛ, jʊ a bwɨɨ nǝ fɔlɔn yooli nɨɨ bɛ lɛ. Mɨ nǝn kwaan a dul mɨ.

Yohana 16:11

Bʊʊlalɨ jinɔ mɨ dǝngdǝng a borangɔ gǝm, jʊ a bwɨɨ a kwɛl a maa fɔlɔ yooli nɨ gǝm borang.

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

Roma 8:31

N wɛ bǝ sʊwa lɛ a dul jʊ nɨɨ? Na Kwaama dakini jǝbɔ bǝnɨ, nuwo dwal lɛ a maa kii jǝbɔ bǝnɨ?

Roma 8:37

A mʊgɔ kanjǝlɔ gǝm gwam bǝ laa nyɔ ja sʊwa bǝn gɔ bǝ ku jelʌn, a gola nʊ nɨ swɨ bǝn nɛɨ.

1 Korinti 2:12

A bǝnɔ ke bɔ yʊwa yooli bǝ nyaɨ, n Yʊwa wʊnɨ a bɛ a daagɔ Kwaama woi, sǝ bǝ fɛ bǝ nyǝm kanjǝlɔ Kwaama a nǝ bǝn nǝn kwanɨ.

1 Korinti 6:13

Jǝjalǝnɔ ja maam fʌl. Fʌlɔ ja maam jǝjalǝn.” Kwaama kal kal gwam jinɔ yo, wʊnɨ jǝbɔ a wuleni. Bʊtɔgɔ n ke bɔ a bulon, na a Tɛlalɔɨ, Tɛlalɔ nǝn gɔ dʌng bʊtɔgɔ lɛɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

Afisa 6:10

A dɨltǝmɔ gǝm, bɛ jǝ́ ya kwaanɔ a daagɔ Tɛlalɔ woi jǝbɔ mʊgɔ kwaan dʊʊn gǝnɔ.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

1 Yohana 2:13

Mǝ mʊla jem lɛ jǝ́ tɛbɔ, jʊ a bwɨɨ jǝ́ nyǝm gǝn wo nǝn tɨkǝga a fwaltǝm yooligɔ gǝm. Mǝ mʊla jem lɛ jǝ́ bayǝlǝmɔ, jʊ a bwɨɨ jǝ́ ku jelʌn a dul nǝ bwɨla nɨ. Mǝ mʊla jem lɛ jǝ́ bɛtɔ dwalǝnɔ, jʊ a bwɨɨ jǝ́ nyǝm Tɛtɛ.

1 Yohana 3:20

Kwama nɨ nǝl bǝnɔ a nʊng bǝn gɔ bǝ nǝb bwɨlangkɛlɨ, Kwaamagɔ a laa nǝl bǝnɔ. A nyǝm kanjǝlɔ gwam.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:13

N gola nɨ bǝ nyǝm nyɔ bǝ yǝm a kʊm gǝnɨ, gǝ tǝgǝn yǝm a kʊm bǝnɨ, jʊ a bwɨɨ n Yʊwa gǝnɔ a nǝ bǝnɨ.

1 Yohana 4:16

Bǝ nyǝm, bǝ nǝ bɨlǝngkɛl a swɨtǝmɔ Kwaama maa bǝm lɛɨ. Kwaama n nǝ swɨtǝm. Nʊ nɨ nʊng swɨtǝm lɛɨ, yǝm a mʊgɔ Kwaamaɨ, Kwaama tǝgǝn a mʊgɔ gǝn.

1 Yohana 4:6

A bǝnɔ bǝ na a Kwaamaɨ. Nʊ nɨ a nyǝm Kwaamaɨ, gǝ nyʊwa bǝn nyʊwa. Nʊ nɨ ke bɔ a Kwaamaɨ, mɨ gǝ nyʊwa bǝn nɛ. Bǝ nyǝm nǝ Yʊwa bɨlǝngkɛlɔ nyɔ jǝbɔ nǝ yʊwa gabakɛlɔ.

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.

1 Yohana 5:4

Nʊ nɨ n bʌtʌm Kwaamaɨ, a ku jelʌn yooligɔ. Nǝtǝm bɨlǝngkɛl bǝnɔ nǝn gɔ a dǝg bǝn bǝ ku jelʌn yooligɨɨ.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.