1 Timoti 5:10 - Dadiya NT

¹⁰ Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

1 Timoti 5:10 Iomraidhean Croise

Matta 25:17

Nʊ nɨ a yo sʊwagɔ yo tǝgǝnɨ, ya nya bwiligɔ sʊwagɔ yo.

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Luka 7:38

Nǝngɔ ba jʊng a gul gǝnɨ, nǝngɔ ji lɛɨ, mwɛ num gǝnɔ tǝla lɛ a naa gǝnɔ gǝm, waam lɛ nǝn yitʌn dul gǝnɔ, nǝngɔ a kwal naa gǝnɔ waa gǝm nwang nyanɔ lɛɨ.

Luka 7:44

Nǝngɔ a dʌng nɔɔlɨ nɨɨ, nǝngɔ a sʊwa Saminu gɔ, “Ń kuwo nɔɔlɨ nɨ ka? N dɔ lɔ mʊnɔ, mʊ nɨ ɨ bɔ mwɛ n saalǝm naa, nɔɔlɨ nɨ a saalam naa mǝndɨ nǝn mwɛ num gǝnɔ, a waam naa mǝndɨ nǝn yitʌn dul gǝnɔ.

Maajɨ Bɛtɔ Twamagɨɨ 10:22

Nǝngɔ ja sʊwa gɔ, “Na kaa dʊʊ sʊwajaam, dun gǝnɔ nǝn Karniliyas, a twam nǝnɨ. N nǝ dǝngdǝng, n nǝ nyʊwatǝm taal Kwaamaɨ, wʊnɨ Yahudawagɔ gwam sʊwa kɛl nyan nɛ a dul gǝnɨ. Nǝngɔ kaa bwɛ twama Kwaamaɨ sagsag a sʊwa gǝn gɔ, a twam mʊn sǝ ń yɔ a lɔ gɔ, sǝ a nyʊwa jʊ mʊ sʊwa lɛɨ.”

Maajɨ Bɛtɔ Twamagɨɨ 22:12

“Nǝngɔ kaa nǝl dunɔ nǝn Hananiya a bɛ a daa mǝ woi. N nǝ bwangtǝm Kwaamaɨ a diil bǝnɔ gǝm, wʊnɨ Yahudawagɔ fʌlen gwamɨ bǝlá gǝn nɛɨ.

Maajɨ Bɛtɔ Twamagɨɨ 6:3

Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ,

Maajɨ Bɛtɔ Twamagɨɨ 9:36

Kaa nɔɔlɨ nǝ bwangtǝm Kwaamaɨ wo a Yafa dunɔ nǝn Tabita, (wʊnɨ win jǝbɔ Dokasɨ). Nɔɔlɨ nɨ gǝ maa nǝbɔ gǝm jǝ nyan, jǝbɔ maatǝm tɨkalɨ nǝb bʊnǝnɨ.

Maajɨ Bɛtɔ Twamagɨɨ 9:39

Nǝngɔ Bitrus a gun a shu jǝbɔ jii. Kwama a bɛmɨ, nǝngɔ ja yɔ nǝn gɔ a kan dʌbʌlɔ gǝmɨ. Nɔɔtǝmkʊlabɔ gwam, ja tɨ a kɔtʌgo a gǝ gǝm jǝ ji lɛ. Jǝ nʊng bɛllɛtɨnɔ lɛ jǝbɔ dwangtɨn nɨ Dokas a sʊʊl jim kwama yǝm dakini jǝbɔ jii.

Roma 12:13

Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

1 Timoti 2:10

Bɛ ja maa maajɨ nyan nɨ a daa tʌgo a nɔɔtǝm nyan nɨ a nǝ dul jinɔ a bwangtǝn Kwaamaɨ.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

1 Timoti 3:7

Bɛ ga yǝlam nʊ nɨ a nya dun nyan a mʊgɔ nǝb nɨ ke bɔ nǝb bwangtǝmɨ, kage a yǝlam jǝ gunidul, a yal a mʊgɔ lan Mammɨ.

1 Timoti 5:16

Na nɔɔlɨ n nǝ nǝtǝm bɨlǝngkɛl nǝn nanǝgam nɔɔtǝmkʊlabɨ, bɛ ga tɨka ji. Ka ja nǝ lɛ mʊrkalɨ nǝb bwangtǝm Kwaamaɨ gaalan, sǝ nǝb bwangtǝmɔ a nya gola tɨkalɨ nɔɔtǝmkʊlab nɨ mɨ nǝn nǝb tɨkalɨ.

1 Timoti 5:25

A na nyɔ maajɨ nyan kaam nǝbɨɨ gǝ na a talɨ. Nǝb nɨ a jel bɔ a talɨɨ, mɨsɔ wuu lɛ.

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

2 Timoti 1:5

N bʊʊla nǝn nǝtǝm bɨlǝngkɛl nyan mʊnɔ, wʊnɨ nǝn tɨkǝga nʊga mɔ Loyis jǝbɔ nɛnɛ mɔ Afiniki jǝ nǝnɨ. Mɨ nyǝmatǝm wo, nǝtǝm bɨlǝngkɛl gɔ, gǝ na jǝbɔ mɔ.

2 Timoti 2:21

Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

2 Timoti 3:15

Bɛ ń bʊʊla nǝn kwama nɨ mɔ a lɔ bwɛsǝnɨ, ń nyǝm Langǝn bwangǝntɨn sagsagɔ, wʊnɨ a tɨka ń a mɛla mʊn gola nyatǝm bʊʊtǝm a gola nǝtǝm bɨlǝngkɛl a mʊgɔ Kiristi Yesui.

2 Timoti 3:17

sǝ bwɛ jwaalɛ Kwaamaɨ a yii dǝngdǝng nǝn fɛkalɨ dangǝn a maajɨ nyan gwam.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Titus 2:7

A mʊgɔ kanjǝlɔ gǝm gwam bɛ ń nʊng gola maajɨ nyan a golantɨnɔ gǝm gwam. Bɛ ń maa mɛlalɨ mʊnɔ nǝn bɨlǝngǝn nǝn kwaan bʊtɔ,

Titus 3:1

Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Ibranii 10:24

Bɛ ya bǝ dʌngko lɛ sǝ bǝ kʊʊka nǝl, bǝ swɨka lɛ jǝbɔ maatǝm jǝ nyan.

Ibranii 13:2

Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Bitrus 4:9

Ya jǝ́ yobka lɛ a mʊgɔ lɔtɨn jenɔ gǝm, mɨ kʊngatǝm wo.

3 Yohana 1:12

Nǝbɔ a nǝ nyiyo nyan a dul Dimitiriyasɨ, bɨlǝngkɛlɔ dul gǝn a nǝ nyiyo nyɔ. Bǝn tǝbǝn bǝ nǝ nyiyo. Ń nyǝm nǝtǝm nyiyo bǝnɔ n bɨlǝngkɛl.