1 Timoti 4:8 - Dadiya NT

⁸ Mwɛl bʊtɔgɔ nǝn bʊmǝn gǝnɔ, bwangtǝm Kwaamaɨ a bʊm a shu a golantɨnɔ a gǝlala, jʊ a bwɨɨ nǝn gɔ bɛ lɛ nǝn bwili kʊlɨ a golantɨnɔ gǝmɨ, a wʊnɨ kǝngkɨɨ, jǝbɔ nʊ nɨ bɛ lɛ a kǝgaɨ.

1 Timoti 4:8 Iomraidhean Croise

Matta 12:32

Nʊ nɨ a kal dun Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ fɔ a yooli nɨ, a yɔ nǝn a dʌbʌl.

Matta 19:29

Gwam nʊ nɨ a bǝla lɔ gǝnɨ, a bǝla kɛtǝlam gǝnɔ batǝn jǝbɔ a nɔɔtǝn, bǝ tɛtɛ gɔ jǝbɔ nɛnɛ gɔ, bɛtɨ jǝbɔ twamtɨn gǝnɔ, a kɛl dun mɨɨ, nya nya naagɔ fʊlkʊb, jǝbɔ nyatǝm kʊlɨ nɨ mɨ dɨtǝm woi.

Matta 6:33

Jʊ a laa jǝl gwamɨ, jǝ́ saa fɔlɔn lɔ Kwaamaɨ dɨn, jǝbɔ yɨm dǝngdǝng gǝnɔ. Na jǝ́ maa kanjǝl nɨ nyɨɨ, jǝ nǝ jen nǝ tangǝn kanjǝlɔ gwam.

Markus 10:30

nya nya jʊ nɨ a laa jʊ nɨ gǝ nǝngǝnɨ naagɔ fʊlkʊb win a jol nɨ kǝngkɨɨ. Gǝ nya nya lɔtɨn, jǝbɔ kɛb batǝn jǝbɔ a nɔɔtǝn, jǝbɔ nɛb, jǝbɔ bɛtɨ, jǝbɔ twamtɨn, jǝbɔ gaalantɨnɔ a jol nɨ bɛ lɛ a kǝgaɨ, nya nya kʊlɨ nɨ mɨ dɨtǝm woi.

Luka 5:38

Bʊgɛ fɨgɔ jǝ tal a sʊwa fɨ!

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

1 Korinti 3:22

Bulus, jǝbɔ Afolos, jǝbɔ Kefas, jǝbɔ yooligɔ, jǝbɔ kʊlɨgɔ, jǝbɔ bwaagɔ, jǝbɔ kanjǝl nɨ kǝngkɨɨ, jǝbɔ a kǝgagɔ, pʌd na a jen.

1 Korinti 8:8

Jǝjalǝn mɨsɔ yɔ lɛ nǝn bǝn a daagɔ Kwaama woi. Na bǝ jaɨ, bǝ sʊ bɔ kaa jǝl. Na bǝ ja bɔ tagɨ, bǝ yal bɔ a kaa jǝl.

1 Timoti 4:7

Bɛ ń kɔ shinitɨn nɨ bɛ lɛ nǝn kaltǝm kɛl Kwaamaɨ, jǝbɔ fʌto katɨ nɨ mɨ a golaɨ. Bɛ ń mwɛ dul mʊnɔ a bwangtǝm Kwaamaɨ.

1 Timoti 6:3

Nʊ nɨ maa kaa mɛlalɨ lɛ nǝn kwanɨ, a jǝla bɔ nǝn kɛl nyan Tɛlalɔ bǝn Yesu Kiristii, jǝbɔ mɛlalɨ nɨ a yɔ dǝngdǝng jǝbɔ nǝl Kwaamaɨ.

1 Timoti 6:5

Nǝngǝn nǝn gʊbkatǝm kɛl bwɨlan jǝbɔ nǝb nɨ bʊʊlalɨ jinɔ mɨ a nyiyo jǝlɨ, bɨlǝngkɛlɔ a bǝla ji. Nǝb nɨ kuwo lɛ gɔ bwangtǝm Kwaamaɨ n gola nyatǝm shiloi.

1 Timoti 6:6

Mɨ nyǝmatǝm wo, nyatǝmɔ a lada a bwangtǝm Kwaamaɨ a daagɔ nʊ nɨ nǝl gǝnɔ a daa tʌgo a jʊ nɨ gǝ nǝnɨ.

2 Timoti 3:5

Jǝ nǝngǝn nǝn duuli sagsag. Ja kɔ kwaan dʊʊn gǝnɔ wʊnɨ dǝg ji lɛ ja yǝlam sagsagɨɨ. Bɛ ń tɨ a kʊta kʊtaɨ a daagɔ nǝb nɨ woi.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.

Dʊgam Nyangnyang 3:12

Nʊ nɨ a ku jelʌni, mǝ dǝg gǝn dǝg a yǝlam tɨya lɔng a mʊgɔ Kan Kwaaman Kwaama mǝndɨ. Mɨsɔ yǝla lɛ a jel wo a mʊgɔ gǝn. Mǝ mʊla mʊla dun Kwaama mǝndɨ a bʊtɔ gǝn, jǝbɔ dun Tuulɔ Dʊʊn Kwaama mǝndɨ, Urushalima fɨgɔ, wʊnɨ gǝla lɛ a dʌbʌl a daagɔ Kwaama mǝndɨ a dʌbʌl kwamaɨ. Mǝ mʊla mʊla dun fɨ mǝndɨ tag a bʊtɔ gǝn.

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.