1 Timoti 4:4 - Dadiya NT

⁴ Jʊ nɨ Kwaama a fwal pʌdi na a nyan. Ka jǝ́ kɔ lɛ kaa jǝl na jǝ́ kwɛl jǝ́ yo nǝn buutǝm kangɨ,

1 Timoti 4:4 Iomraidhean Croise

Maajɨ Bɛtɔ Twamagɨɨ 10:15

Nǝngɔ a nyʊwa diil na yogɔ sʊwa lɛ gɔ, “Jʊ nɨ Kwaama a fɛka sagsagɨɨ, ka ń jo gǝn nɛ mɔʊ mɨ sagsag.”

Maajɨ Bɛtɔ Twamagɨɨ 15:29

Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ. Jǝ́ yɨ kwamɨgǝn.

Maajɨ Bɛtɔ Twamagɨɨ 21:25

A Bʌtʌb nɨ ja nǝ bɨlǝngkɛlɨ, nǝn kwɛl nǝn twam jim twamɨ langǝn bwangǝn nǝn gɔ nǝn biyo borangɔ. Ka ja ja lɛ jǝjalǝn nɨ ja tǝlam twama a shomtɨnɔ gǝmɨ, ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm nam, ka ja maa lɛ bulon.”

Roma 14:14

Mɨ nyǝmatǝm wo a kʊm mɨ nǝbɔ Tɛlalɔ Yesu gɔ, mɨ jʊ nɨ wo mɨ sagsag a tǝltǝm gǝnɔ gǝmɨ. Nʊ nɨ a do gǝn gɔ mɨ sagsag a daa gǝ woi, mɨ sagsag.

Roma 14:20

Bɛ ka ń kʌb lɛ maajɨ Kwaamaɨ a kɛl dul jǝjalǝn. Bɨlǝngǝn, jǝjalǝnɔ gwam sagsag, a kaa gola n bwɨlang jǝl na jǝjalǝn nɨ nǝfili ja lɛɨ yǝlam yǝlam jǝ fǝtǝm naa a daa kaa nǝl woi.

Roma 14:6

Pʌd nʊ nɨ a kuwo kaa kumɔ a laa gǝm kaa kum a bǝlátǝm Tɛlalɔɨ, gǝ maa nyɔ sǝ a nǝ Tɛlalɔ dʊʊn. Nʊ nɨ ja nam lɛ tagɨ, gǝ maa nyɔ sǝ a nǝ Tɛlalɔ dʊʊn. Nʊ nɨ jǝgam lɛ jǝgamɨ, gǝ maa nyɔ sǝ a nǝ Tɛlalɔ dʊʊn. Gǝ tǝgǝn gǝ maa nyɔ sǝ a buu Kwaama gǝm kang.

1 Korinti 10:23

“Kanjǝlɔ gwam n jǝ jǝlatǝm.” Ke bɔ kanjǝlɔ gwam n jǝ nyaɨ. “Kanjǝlɔ gwam n jǝ jǝlatǝm.” Ke bɔ kanjǝlɔ gwam bɛ lɛ nǝn mɔtǝmɨ.

1 Korinti 10:25

Jǝ́ ja nam nɨ gwam jǝ miyo lɛ a gamdʌboi, ka jǝ́ bʌ lɛ kɛl a dul gǝn, kage a yǝlam jem komʌn a mʊgɔ nǝl.

1 Korinti 10:26

A mʊla mʊlaɨ gɔ, “Yooligɔ na a Tɛlalɔɨ jǝbɔ kanjǝlɔ gwam a mʊgɔ gǝnɨ.”

1 Korinti 10:30

Na n buu Kwaama gǝm kang a jǝjalǝn mǝndɨ gǝm mǝ jaɨ, n wɛ a bwɨ jǝ́ tuwo i lɛ a jǝjalǝn nɨ mǝ ja nǝn buutǝm kang a daa Kwaama woi?

1 Timoti 4:3

N nǝbɔ kaa nǝb lɛ a naakan jǝbɔ jatǝm kaam jǝjalǝnɨ, wʊnɨ Kwaama a fwal nǝb nǝtǝm bɨlǝngkɛlɔ gǝmɨ, ja nyǝm bɨlǝngkɛlɔ, ja yo nǝn buutǝm kang.