1 Timoti 4:1 - Dadiya NT

¹ Yʊwa Kwaamaɨ a sʊwa a talɨ gɔ, a dɨltǝm yooligɔ gǝm, kaam nǝbɔ bǝla bǝla nǝtǝm bɨlǝngkɛl jinɔ, ja yǝla ja bwangtǝn nǝblaamɔ jǝbɔ mɛlalɨ nǝblaamɨ.

1 Timoti 4:1 Iomraidhean Croise

Matta 18:7

“N mwɛ yooli nɨɨ a dǝg nǝfitʌmɔ a maa bwɨlangkɛlɨ. Kanjǝl nɨ gǝ dǝg maatǝm bwɨlangkɛl lɛɨ bɛ bɛ. A dul kɛl nɨ, n mwɛ nʊ nɨ dǝg jʊ nɨ lɛ a bwɨɨ.

Luka 17:1

Yesu a sʊwa bɛtɔ mɛlalɨ gǝnɔ gɔ, “Kanjǝl nɨ dǝg nǝbɔ maatǝm bwɨlangkɛl lɛɨ bɛ bɛ. N mwɛ nʊ nɨ gʊba kanjǝl nɨ lɛ a bɛ nǝnɨ.

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Maajɨ Bɛtɔ Twamagɨɨ 17:18

Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

Maajɨ Bɛtɔ Twamagɨɨ 20:23

N nyǝm Yʊwa Kwaamaɨ sʊwa ɨ lɛ a tuulɔtɨnɔ gǝm gwam gɔ, kubʌltǝmɔ wo a lɔsomi jǝbɔ nɔɔtǝm gaalan bwɨlagɔ yam ɨ lɛ.

Maajɨ Bɛtɔ Twamagɨɨ 21:11

Agabus a bɛ a daa nǝn woi, nǝngɔ a do dwang fɛl Bulusi. Nǝngɔ Agabus a bwa kang gǝnɔ jǝbɔ naa gǝnɔ a sʊwa gɔ, “Yʊwa Kwaamaɨ a sʊwa gɔ, ‘Yahudawa nɨ a Urushalimaɨ bwa bwa nǝ dwang fɛl nɨ nyɔ, sǝ ja nǝ Bʌtʌbɔ.’ ”

Maajɨ Bɛtɔ Twamagɨɨ 28:25

Ja jǝlaka bɔ a dul kɛl. Ja bǝla bɔ daa gɔ, nǝngɔ Bulus a sʊwa kaa kɛl win gɔ, “Yʊwa Kwaamaɨ a sʊwa bɨlǝngkɛl. A sʊwa tʊgalam jenɔ kɛl a nyiyo Ishayaɨ nǝkuwotǝmkǝga gɔ,

1 Korinti 10:20

Mɨ nyɔ! Mǝ nʊng mǝʊ jʊ nɨ Bʌtʌbɔ biyo lɛɨ, jǝ biyom nǝblaam. Ke bɔ a Kwaamaɨ. Mǝ swɨ bɔ jǝ́ yǝlam fatǝm yɨm jǝbɔ nǝblaamɔ.

1 Korinti 11:19

Mɨ nyǝmatǝm wo, jǝ́ nya nya gʊbkatǝm a kʊm jen, sǝ jǝ́ nyǝm nǝb nɨ Kwaama a jǝla nǝn ji a kʊm jeni.

1 Korinti 12:11

Gwam jinɔ Yʊwagɔ win wʊnɨ maa maajɨ nɨ lɛɨ, nǝn gɔ tǝga ji lǝmagɔ lɛɨ, kanga ga swɨɨ.

1 Korinti 2:10

Nǝbǝn Kwaama a nʊng bǝn a gola Yʊwaɨ, jʊ a bwɨɨ Yʊwagɔ nǝn gɔ saa kanjǝlɔ lɛ gwamɨ, jǝbɔ kanjǝl nɨ a tushi tushii a Kwaamaɨ.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

2 Timoti 4:4

Jǝ mǝlalam mǝlalam lɔl jinɔ a nyʊwatǝm bɨlǝngkɛl sǝ ja yǝla a nyʊwalatǝm shinitɨn.

Yakubu 3:15

Yʊlan nɨ ke bɔ a wʊnɨ gǝla lɛ a dʌbʌli, na a yooli nɨɨ. Ke bɔ a sagsag, na a mammɨ.

1 Bitrus 1:20

Kwaama a jǝgǝm gǝn na lǝga bɔ a fwal yooligɔ. N kɛl dul jen ja nʊng gǝn a jol dɨltǝmɨ.

2 Bitrus 2:1

Kanga galɨgǝn nǝbkuwotǝmkǝga gabakɛlɔ a jel a kʊm nǝb Kwaamaɨ, jǝ nya nya nǝb mɛlalɨ gabakɛlɔ wo a kʊm jen. Jǝ bɛ bɛ nǝn kaa mɛlalɨ gabakɛl wʊnɨ nǝbɔ mɨsɔ nyǝm lɛ gɔ n gabakɛlɨ, sǝ ja mɛla nǝbɔ gǝm gabakɛl nɨ kal ji lɛɨ. Jǝ kɔ kɔ Tɛlalɔ nɨ a ten jii. Maatǝmɔ nyɨɨ gʊ jim gʊ kalkan nɨ mɨsɔ kʊta lɛɨ.

2 Bitrus 3:3

Nǝn tɨkǝga mǝ swɨ lɛ n bʊʊla jem a kumtɨn dɨltǝm, nǝb mogtǝmɔ jel jel, maa mogtǝmɔ lɛ, jǝ bwangtǝn wɛl bwɨlan jinɔ lɛ.

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.

1 Yohana 4:6

A bǝnɔ bǝ na a Kwaamaɨ. Nʊ nɨ a nyǝm Kwaamaɨ, gǝ nyʊwa bǝn nyʊwa. Nʊ nɨ ke bɔ a Kwaamaɨ, mɨ gǝ nyʊwa bǝn nɛ. Bǝ nyǝm nǝ Yʊwa bɨlǝngkɛlɔ nyɔ jǝbɔ nǝ yʊwa gabakɛlɔ.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 16:14

Jǝ yʊwa nǝblaamɔ maa kanjǝl laatǝm kang lɛɨ. N nǝblaam nɨ yɔ lɛ a daagɔ fɔlɔlɔm yooli nɨ pʌdi, sǝ ja mʊr ji a dul tatǝm kun a gʌleng kɔkɔ Kwaama Nǝ kwaanɨ.

Dʊgam Nyangnyang 18:2

Nǝngɔ a jo jangajǝl nǝn kwaan gɔ, “A kʌbo! Gʌleng Babilagɔ a kʌbo! A yǝlam lɔ nǝblaamɨ, jǝbɔ daa yɨm yʊwa bwɨlantɨnɔ, jǝbɔ lǝbɨtɨn nɨ a bʊm bɔ kuwotǝmɨ, jǝbɔ yʊwaltɨn nɨ n jǝ kɔtǝmɨ.

Dʊgam Nyangnyang 18:23

Fitila mɨsɔ sʊtǝn nyalǝm lɛ a daa mʊ woi tag. Mɨsɔ jǝ nyʊwa diil nʊ nɨ lɛ a naa nɔɔlɨ jǝbɔ nɔɔgwaalɨ a daa mʊ woi tag. Nǝb dʌbogɔ galɨgǝnɨ nǝji jǝ nǝb dʊʊm yooligɨɨ. N gola swagtǝm mʊn, Bʌtʌbɔ a lɛla golaɨ.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.

Dʊgam Nyangnyang 2:11

“Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, bwaa na yogɔ mɨsɔ nya kwaan nɛ a dul gǝn.

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

Dʊgam Nyangnyang 2:29

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.”

Dʊgam Nyangnyang 2:7

“Pʌd nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ nɨ lɛɨ. Pʌd nʊ nɨ a ku jelʌni, mǝ nǝ gǝn nǝ gola jatǝm tʊʊl tɨya kʊlɨ nɨ, wʊnɨ a mʊgɔ lɔ Kwaamaɨ a dʌbʌli.

Dʊgam Nyangnyang 20:10

Mammɔ tǝgǝn nǝ swagtǝm jinɔ, jǝ mal gǝn a mʊgɔ gʌto kǝla nɨ twɨ lɛ a fo, a shii, wʊnɨ n daagɔ ja mǝlam yʊwal bwɨla nɨ jǝbɔ nǝkuwotǝmkǝga gabakɛlɔ woi. Jǝ nʊng ji gaalanɔ nɛ wo, kum jǝbɔ kɔkɔ mɨ dɨltǝm wo.

Dʊgam Nyangnyang 20:8

Sǝ a jel ya swag Bʌtʌbɔ lɛ, nǝb nɨ a gol lɔtɨn nɨ naal a yooli nɨ, Gog jǝbɔ Magog. A mʊr ji sǝ ja ta kun. Ladatǝm jinɔ a maa na swiyoti wɨma.

Dʊgam Nyangnyang 3:13

Nʊ nɨ nǝn lɔl nyʊwatǝmɨ, bɛ a nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.

Dʊgam Nyangnyang 3:22

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.”

Dʊgam Nyangnyang 3:6

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.

Dʊgam Nyangnyang 9:20

Tangǝn nǝfitʌm nɨ kanjǝl bwɨlanɔ a jʌ ji bɨɨ, ja yǝla bɔ ja bǝla jʊtǝb nɨ jǝ maa lɛ nǝn kang jini. Ja bǝla bɔ bwangtǝm nǝblaamɔ, jǝbɔ shomtɨn nɨ ja fɛ nǝn mʊnɨ, jǝbɔ maalʊɨ, jǝbɔ gwaalɨ, jǝbɔ tɛl jǝbɔ tɨyaɨ. Jʊtǝb nɨ mɨ kuwo daa lɛɨ, mɨ nyʊwa lɔl lɛɨ, mɨ yɔ yɔm lɛɨ.