1 Timoti 3:8 - Dadiya NT

⁸ A na nyɔ nǝb maajɨ a mʊrkalɨ nǝb bwangtǝm Kwaamaɨ, bɛ ja yǝlam nǝb nɨ a dǝg kang jinɔ a sʊɨ, ke bɔ nǝb nɨ nyiyogɔ yoi, ke bɔ nǝb nɔɔtǝm jʊ nɨ maa ji lɛɨ, ke bɔ nǝb wɛl.

1 Timoti 3:8 Iomraidhean Croise

Roma 3:13

“Mɨya jinɔ a maa na tuutɨnɔ a wumo wumoi, bentɨn jinɔ gǝ maa gabakɛl, kɛltɨn jinɔ a maa na twalǝm faatɨn.”

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.

1 Timoti 3:12

Nǝ maajɨ bɛ a yǝlam nǝ nɔɔlɨ win, nʊ nɨ dʌng bɛtɔ lɔ gɨɨ lɛ jǝbɔ tangǝn nǝbɔ lɔ gɨɨ a bʊm bʊmɨ.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

1 Timoti 3:3

Ke bɔ nǝ nɔɔtǝm jʊ nɨ maa gǝn nɛɨ, ke bɔ nǝ saatǝm kɨlan, n nǝ shigtǝm dul, ke bɔ nǝ tʊlǝm, ke bɔ nǝ swɨtǝm kemʌn.

1 Timoti 5:23

A kǝga nɨ ke bɔ mwɛ kwaagɔ mʊ nɔɔ lɛɨ. Bɛ ń nɔɔ bʊgɛmɔ dǝm, a kɛl dul fʌl mʊnɔ jǝbɔ kʊngan bʊtɔ mʊnɔ.

Titus 1:7

A na nyɔ tag nǝ dʊʊ dʌngtǝm nǝb Kwaamaɨ bɛ a yǝlam mɨ nǝn jǝ tuwol, ke bɔ nǝ bǝngɨ lɔl, mɨ maa nabwɨl lɛ dǝbǝr jǝbɔ nɔɔtǝm jʊ nɨ maa gǝn nɛɨ, ke bɔ nǝ bʊgtǝm nǝbɨɨ jǝbɔ nǝ wɛl kemʌn.

Titus 2:3

A na nyɔ, bɛ ń mɛla nɔɔtǝm dʊʊmɔ gǝm nyɔ tʌji ja yɨ yɨm nɨ dʊʊl Kwaama lɛɨ. Bɛ ka ja yǝlam lɛ nǝb yʊʊlatǝm nǝbɨɨ, jǝbɔ nǝb wɛl nɔɔlatǝm bʊgɛ. Bɛ ja yǝlam nǝb maatǝm mɛlalɨ nya.

Yakubu 3:10

Nǝn nyiyo gɔ win bǝ maam bǝlátǝm lɛɨ, nǝn gɔ tag bǝ tuwolam nǝb lɛɨ. N wɛ kɛtǝlam mɨ! A bʊm nyɔ ka?

1 Bitrus 5:2

Bɛ jǝ́ tɔɔ kʌm kwamɨ Kwaamaɨ nɨ a kang jeni. Bɛ ka jǝ́ maa lɛ maamɔ ja dǝg jen nǝn kwaan. Bɛ jǝ́ maa a mʊgɔ jǝlatǝm, ke bɔ a kɛl kemʌn. Bɛ a yǝlam a swɨtǝm maatǝm.