1 Timoti 2:8 - Dadiya NT

⁸ A daa maatǝm keli gwam mǝ swɨ lɛ batǝmɔ a maa keli, jǝ gung kang sagsag lɛ, mɨ nabwɨl wo jǝbɔ gʊbkatǝm.

1 Timoti 2:8 Iomraidhean Croise

Matta 21:21

Yesu a jǝla ji gɔ, “N bɨlǝngǝn mǝ sʊwa jen nɛɨ, na jen nǝn nǝtǝm bɨlǝngkɛl jǝ́ kǝma bɨɨ, ke bɔ jʊ mǝ maa tɨya dʌfengɔ gǝm kwaagɔ jǝ́ maa lɛɨ, jǝ́ maa maa a laa nyɔ. Jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ maa maa nyɔ.

Matta 5:44

Jʊ mǝ sʊwa jen nɛ kǝngkɨɨ, jǝ́ swɨ nǝb kiim jenɔ. Jǝ́ maa nǝb nɨ nǝ jen gaalan nɛɨ gǝm keli.

Matta 6:12

Kǝlǝm bǝm bwɨlangkɛl bǝnɔ, kanga bǝ kǝlǝm nǝb nɨ gǝm lɛ a maa bǝm bwɨlangkɛlɨ.

Luka 23:34

Nǝngɔ Yesu a sʊwa gɔ, “Tɛtɛ, kǝlǝm jim. Ja nyǝm bɔ jʊ jǝ maa lɛɨ.” Nǝngɔ ja tǝga dwangtɨn gǝnɔ a gola gatǝm kwannyaɨ.

Luka 24:50

Kwama Yesu a jǝgǝm ji ba la nǝn ji a kaa bɛ tuulɔ nɨ jǝ jo lɛ gɔ Betanyaɨ, nǝngɔ a gung kang gǝnɔ a dǝg jim bwiligɨɨ.

Yohana 4:21

Yesu a sʊwa gǝn gɔ, “Nɔɔlɨ, nǝ bɨlǝngkɛl nǝn mǝ, kwamagɔ bɛ lɛ wo wʊnɨ mɨsɔ jǝ́ dʊʊl Tɛtɛ lɛ a dʌbʌl yem nɨɨ, mɨsɔ jǝ́ dʊʊl gǝm lɛ a Urushalimaɨ.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Maajɨ Bɛtɔ Twamagɨɨ 10:31

Balɨgɔ a sʊwa gɔ, ‘Karniliyas, Kwaama a yo keli mʊnɔ. A bʊʊla nǝn tɨkalɨ nǝb bʊnǝnɔ mʊ maa lɛɨ.

Maajɨ Bɛtɔ Twamagɨɨ 10:4

A ya gǝm nu a mʊgɔ taal. Nǝngɔ a bʌ gɔ, “Tɛlalɔ, n wɛ nyɨɨ?” Bwɛ twama Kwaamaɨ a sʊwa gǝn gɔ, “Keli mʊnɔ jǝbɔ tɨkalɨgɔ mʊ maa nǝb bʊnǝnɔ gǝm lɛɨ a yɔ a kǝga Kwaamaɨ. N jǝ bʊʊlalɨ a daa gǝ woi.

Maajɨ Bɛtɔ Twamagɨɨ 21:5

Kwama guntǝm nǝnɔ a laɨ, nǝngɔ nǝn gun nǝn ja kǝga nǝn yɔm nǝnɨ. Gwam jinɔ jǝbɔ nɔɔtǝlam jinɔ jǝbɔ bɛtɔ lɔ jii, ya ja ywa nǝn a gul tuulɔ. Nǝngɔ nǝn jʊng a kʌng mwɛ nǝn maa keligɨɨ.

Maajɨ Bɛtɔ Twamagɨɨ 7:60

Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

1 Korinti 7:7

N swɨ na nǝbɔ pʌd a yǝlam na mǝ. Kwaama a nǝ kaamɨ lǝma yɨm naakan. Kaamɨ a nǝ ji lǝma yɨm mɨ nǝn naakan.

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

Filibii 1:12

Kambɔ, mǝ swɨ lɛ jǝ́ nyǝm, kanjǝl nɨ a bwɨ nǝn mɨɨ, nǝn gɔ a bɛ nǝn watǝm fulon kɛl lǝmɨgɨɨ.

1 Tasalonikaɨ 1:8

N daa jen woi kɛl Tɛlalɔɨ a tǝl kwɨyatǝmɨ, ke bɔ a tǝm Makidoniya jǝbɔ Akaya kwaaji, a daatɨnɔ gǝm gwam ja nyǝm nǝtǝm bɨlǝngkɛl jenɔ a daagɔ Kwaama woi. Mɨ nǝ nǝn jǝ sʊwatǝm wo a dul gǝn.

1 Timoti 5:14

A dul kɛl nɨ, mǝ swɨ lɛ kal nɔɔtǝmkʊlabɔ ja naa batǝm, ja bʌ bɛtɨ, ja dʌng lɔ jinɔ. Ka ja nǝ lɛ nǝ kii bǝnɔ gola tuwol bǝn.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.

1 Bitrus 3:7

Jǝ́ batǝmɔ tʌjen, jǝ́ yɨ yɨm nyan jǝbɔ nɔɔtǝlam jenɔ, jǝ́ nǝ ji dʊʊn, jʊ a bwɨɨ, jǝ fatǝm nɨ mɨ nǝn kwaanɨ. Jen jǝbɔ nɔɔtǝlam jenɔ jǝ́ yo lǝma Kwaamaɨ nɨ n kʊlɨɨ, jǝ́ maa nyɔ ka kaa jǝl a kal keli jenɔ.