1 Timoti 2:1 - Dadiya NT

¹ Jʊ a laa jǝlɨ, mǝ gʊ jem lɔl lɛ, bɛ ya jǝ́ maa nǝbɔ gǝm keli lɛ. Jǝ́ kela Kwaama sǝ a tɨka ji. Jǝ́ buu Kwaama gǝm kang lɛ a kɛl dul nǝbɨɨ gwam.

1 Timoti 2:1 Iomraidhean Croise

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

Roma 1:8

A tǝltǝmɔ gǝm mǝ buu Kwaama mǝndɨ gǝm kang lɛ a gola Yesu Kiristii a dul jen pʌd, jʊ a bwɨɨ ja sʊwa kɛl nǝtǝm bɨlǝngkɛl jenɔ a daatɨnɔ gǝm gwam a yooli nɨ.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

1 Korinti 15:3

Kɛl nɨ a laa jǝl dangǝn wʊnɨ mǝ sʊwa jeni, nǝn gɔ nʊ nɨ mǝ yoi, gɔ, Kiristi a bʊla a dul bwɨlangkɛl bǝn kanga mʊlalɨ kɛl Kwaamaɨ a sʊwaɨ.

2 Korinti 8:6

Nǝn kuwo nyɨɨ, nǝngɔ nǝn kel Titusi, jʊ a bwɨɨ nǝn gɔ a tǝl maajɨ nǝtǝmɔ a kʊm jeni, nǝn gɔ tagǝm lɛɨ.

Afisa 3:13

A dul kɛl nɨɨ, mǝ kela jen nɛ ka jǝ́ gʊ lɛ nǝn gul a kuwotǝm gaalanɔ mǝ nɔɔ lɛ a kɛl dul jeni. Jʊ nɨ n dʊʊlǝn jen.

Afisa 5:20

Kwangkwang bɛ ya jǝ́ buu Kwaama Tɛtɛ gǝm kang lɛ a dul kanjǝlɔ gǝm gwam, a mʊgɔ dun Tɛlalɔ bǝn Yesu Kiristii.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

Filibii 1:3

Mǝ buu Kwaama mǝndɨ gǝm kang lɛ nǝn kwama nɨ gwam mǝ bʊʊla jǝbɔ jeni.

Filibii 4:6

Ka jǝ́ kom lɛ dul jenɔ a dul kaa jǝl. Bɛ jǝ́ kela Kwaama jʊ jǝ́ swɨ lɛɨ. Bɛ jǝ́ buu gǝm kang a kanjǝlɔ gǝm gwam a maa jemi.

1 Tasalonikaɨ 3:12

Bɛ Tɛlalɔ a dǝg jǝ́ nya sʊtǝm a mʊgɔ swɨkan a lada a kʊm jen jǝbɔ nǝbɔ gwam, kanga nǝn maa jem lɛɨ.

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

1 Timoti 2:4

nʊ nɨ swɨ lɛ nǝbɔ gwam a bʊʊɨ, ja nyǝm bɨlǝngkɛlɨ.

1 Timoti 5:5

Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.

2 Timoti 2:24

Bwɛ jwaalɛ Tɛlalɔɨ mɨsɔ yǝlam nǝ saatǝm kɨlan nɛ. Bɛ a yǝlam nǝ maatǝm jǝ nya a daagɔ nǝbɔ woi, jǝbɔ nʊ nɨ a nyǝm mɛlalɨɨ, jǝbɔ nǝ kʊtǝm nǝl,

Titus 2:11

Mɛla jim nyɔ jʊ a bwɨɨ, lǝma Kwaamaɨ a bɛ sǝ a bʊʊ nǝn nǝbɔ gwam.

Titus 3:2

Ka ja yʊʊla lɛ kaa nǝl. Ka ja maa lɛ kʊkkan. Bɛ ja yǝlam nǝb shigtǝm dul. Ja yǝlam nǝb maatǝm jǝ nyan a daa nǝbɔ woi gwam.

Ibranii 6:11

Nǝn swɨ lɛ gwam jenɔ jǝ́ ja kǝga nǝn maatǝm maajɨ nyan nɨ yɔ lɛ nǝn a dɨltǝmɨ, sǝ jǝ́ nya jʊ nɨ jǝ́ ya nǝl woi.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.