1 Timoti 1:9 - Dadiya NT

⁹ Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.

1 Timoti 1:9 Iomraidhean Croise

Matta 10:21

“Kɛ lungto lungto kɨla gɔ ja jʌ, tɛ lungto lungto bʊla gɔ, bɛtɨ gun gun tʌgo a tɛtǝlam jinɔ gǝm, ja jʌ ji.

Roma 1:30

jǝbɔ nǝb kalkan, jǝbɔ nǝb kɔtǝm Kwaamaɨ, jǝbɔ nǝb gungtǝm dul, jǝbɔ nʊngtǝm latǝm nyɔ, jǝbɔ nǝb fɛkalɨ maatǝm shil, jǝbɔ nǝb nɨ mɨ bwangtǝn tɛb lɛɨ,

Roma 4:13

Swatǝm yaa nɨ ja maa Ibrahim gǝm jǝbɔ dʊʊm gǝnɨ, sʊwa lɛ gɔ ja ja kʊla yooligɨɨ, a bɛ bɔ a gola diil. N gola dǝngdǝng nɨ jǝ nya lɛ a gola nǝtǝm bɨlǝngkɛlɨ.

Roma 5:20

Ja dɔ nǝn diilɔ sǝ bwɨlangkɛlɔ a jel a talɨ. Daagɔ bwɨlangkɛlɔ a sʊtǝnɨ, lǝma Kwaamaɨ gǝ sʊ sʊ a laa nyɔ.

Roma 6:14

Bwɨlangkɛlɔ mɨsɔ maa fɔlɔn nɛ a dul jen. Ke bɔ diil maa fɔlɔn nɛ a dul jeni, n lǝma Kwaamaɨ.

Galatiya 3:19

N wɛ a bwɨ Kwaama a nǝ diili? A sʊ diilɔ sǝ a nʊng jʊ nɨ n bwɨlangkɛlɨ a talɨ, sǝ a yɔ nǝn a kwama nɨ dʊʊm Ibrahimi bɛm lɛɨ, wʊnɨ n dul gǝn a maa swatǝm yaa nɨɨ. Diil nɨ bɛtɔ twama Kwaamaɨ a nǝ Musa, nʊ nɨ a tɨbǝl Kwaamaɨ jǝbɔ nǝbɨɨ.

Galatiya 5:18

Na Yʊwagɔ yɔ lɛ nǝn jeni, diilɔ mɨ nǝn kwaan a dul jen.

Galatiya 5:21

jǝbɔ nungon bwɨlan, jǝbɔ nɔɔtǝm bʊgɛ ya maa ń nɛ, jǝbɔ mʊrkatǝm dul nɨ bɛ lɛ nǝn kanjǝl nɔɔlatǝm nɨ ke bɔ a nyaɨ, jǝbɔ tangǝn kanjǝl nɨ nyɨɨ. Mǝ fɛ mǝ gʊ lɔl jenɔ lɛ kanga mǝ kwɛl mǝ sʊwa jen sʊwaɨ galɨgǝnɨ, mǝʊ nǝb nɨ maa jʊtǝb nɨ lɛɨ mɨsɔ jǝ nya kʊlɨ lɛ a fɔlɔn lɔ Kwaamaɨ.

Galatiya 5:23

jǝbɔ shigtǝm dul, jǝbɔ tatǝm dul. Mɨ diil wo a maatǝm kanjǝl nɨɨ.

2 Tasalonikaɨ 2:8

Sǝla fɔlɔ kutʌm bwɨla nɨ a jel. Tɛlalɔ Yesu jʌ gǝn nǝn fǝbǝm nyiyo gǝnɔ. A kalǝm gǝn nǝn dʊʊlǝn gǝnɔ a di kɔkɔ bɛtǝm gǝnɔ gǝm.

1 Timoti 4:7

Bɛ ń kɔ shinitɨn nɨ bɛ lɛ nǝn kaltǝm kɛl Kwaamaɨ, jǝbɔ fʌto katɨ nɨ mɨ a golaɨ. Bɛ ń mwɛ dul mʊnɔ a bwangtǝm Kwaamaɨ.

1 Timoti 6:20

Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

2 Timoti 2:16

Bɛ ń tɨ a kʊta kʊtaɨ a sʊwalatǝm kɛl nɨ bɛ lɛ nǝn kaltǝm kɛl Kwaamaɨ. Gǝ dǝg dǝg nǝbɔ a sʊtǝn maatǝm kanjǝl nɨ mɨ dʊʊl Kwaama lɛɨ.

2 Timoti 3:2

Nǝbɔ yǝlam yǝlam nǝb swɨtǝm dul, jǝbɔ nǝb swɨtǝm kemʌn, jǝbɔ nǝb gungtǝm dul, jǝbɔ nǝb dʊʊlan dul, jǝbɔ nǝb tuwol, jǝbɔ nǝbɔ mɨ nyʊwa tɛtǝlam jinɔ lɛɨ. Jǝ yǝlam nǝbɔ mɨ buu kang lɛɨ, jǝbɔ nǝb nɨ mɨ sagsagɨɨ,

Titus 1:10

Jʊ a bwɨ mǝ sʊwa nyɨɨ, nǝb bǝngɨ lɔlɔ wo a lada, jǝbɔ nǝb sʊwalatǝm kɛl nǝn kwan, jǝbɔ nǝb swagtǝm nǝbɨɨ, a ga keli a nǝb bwangtǝm kɛl biyotǝm mwɛn nɨɨ.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Titus 1:6

Nǝ dʊʊ bɛ a yǝlam mɨ nǝn jǝ tuwol, nǝ nɔɔlɨ win, nʊ nɨ bɛtɔ lɔ gɨɨ n nǝb bwangtǝmɨ, wʊnɨ ja tuwo ji bɔ nǝn kutʌm jǝbɔ bǝngɨ lɔlɨ.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

Ibranii 11:31

N gola nǝtǝm bɨlǝngkɛl, Rahab nɔɔlɨ bulon nɨ ja jʌ gǝn bɨɨ, jʊ a bwɨɨ a yo nǝb jatɔl nɨ na fatǝm. Ja jʌbo nǝb nɨ a maa Kwaama gǝm bǝngɨ lɔlɨ.

Ibranii 12:16

Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

1 Bitrus 2:7

Kǝngkɔ jen nɨ jǝ́ nǝ bɨlǝngkɛlɨ, tɛl nɨ n jǝ nyan. A daagɔ nǝb nɨ a kɔ nǝtǝm bɨlǝngkɛlɨ, “Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ,”

1 Bitrus 3:20

Nǝb nɨ galɨgǝn a bwangtǝn bɔ Kwaama a joltɨn Nuhui, Kwaama a kʊ nǝl nǝn ji nǝn kwama Nuhu swiyom tɨyamwɛng dʊʊnɔ lɛɨ. Nǝn kwama gɔ, nǝbɔ nǝn dǝm nyɔ a bʊʊɨ, nǝbɔ naalǝb a bʊʊ a gola mwɛɨ.

1 Bitrus 4:18

Kanga a mʊla mʊlaɨ gɔ, “Na bwa bwa nʊ nɨ dǝngdǝngɨɨ a nya bʊʊtǝmɨ, n wɛ bwɨ lɛ nǝn nǝbɔ mɨ sagsagɨɨ jǝbɔ nǝb bwɨlangkɛlɨ?”

Yahuza 1:15

sǝ a biyo borang a dul nǝbɨɨ gwam. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang kanjǝlɔ ja maaɨ. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang katɨ nɨ ja sʊwa a dul gǝnɨ.”

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.