1 Timoti 1:5 - Dadiya NT

⁵ Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

1 Timoti 1:5 Iomraidhean Croise

Matta 12:35

Nǝ nyan gǝ jǝg kanjǝl nyan a jʊ nɨ a yʊ a mʊgɔ nǝl gǝnɨ. Nǝ bwɨla n kanjǝl bwɨla gǝ jǝg lɛ a jʊ nɨ a yʊ a nǝl gǝnɨ.

Matta 5:8

Bwiligɔ na a nǝbɔ nǝn nǝl sagsagɨɨ, jʊ a bwɨɨ jǝ kuwo kuwo Kwaama.

Maajɨ Bɛtɔ Twamagɨɨ 15:9

A nʊng bɔ gɔ bǝn nǝn dʌmʌn jǝbɔ ji. A saalǝm nǝl jinɔ a dul nǝtǝm bɨlǝngkɛl jinɔ gǝm.

Maajɨ Bɛtɔ Twamagɨɨ 23:1

Nǝngɔ Bulus a ya nǝb dʊʊm koteregɔ gǝm nu a sʊwa gɔ, “Kambɔ, a bɛ nǝn a kɔkɔ nɨ dwiyeni, n yɨ yɨm nɨ a maa dǝngdǝng a kǝga Kwaamaɨ, a mʊgɔ nǝl mɨɨ, mɨ kaa jǝ komtǝm wo.”

Maajɨ Bɛtɔ Twamagɨɨ 24:16

N jʊ a bwɨ kwangkwang mǝ sʊ kwaan nɛ, mɨ mǝ nǝn kaa komtǝm wo a nǝl mɨ a kǝga Kwaamaɨ jǝbɔ nǝbɔ.

Roma 10:4

Kiristi nǝn gɔ a bɛ nǝn dɨltǝm diili, sǝ nʊ nɨ a nǝ bɨlǝngkɛlɨ a nya yɨm dǝngdǝng a kǝga Kwaamaɨ.

Roma 12:9

Bɛ swɨkan jenɔ a yǝlam bɨlǝngǝn. Bɛ jǝ́ kɔ jʊ nɨ na a bwɨlaɨ, bɛ jǝ́ ta jʊ nɨ a bʊm bʊmɨ nǝn kwaan dangǝn.

Roma 14:15

Na jʊ mʊ ja lɛɨ a dǝg kɨla mɔ komʌni, ke bɔ yɨm swɨkan mʊ maa lɛɨ. Ka jatǝm mʊnɔ ya yǝlam lɛ gola kalatǝm kɨla mʊɨ, wʊnɨ Kiristi a bʊla a kɛl dul gǝnɨ.

Roma 9:1

N bɨlǝngkɛl mǝ sʊwa lɛɨ, ke bɔ gabakɛl, jʊ a bwɨɨ mǝ na a Kiristi Yesui. Nǝl mɨ nǝn gɔ nɨ ɨ bwatǝm guu lɛɨ a gola Yʊwa Kwaamaɨ gɔ

1 Korinti 13:1

Na mǝ sʊwa sʊwa kɛl nǝn kaam nyiyo nǝbɨɨ jǝbɔ a bɛtɔ twama Kwaamaɨ, na a yǝlam mɨ mǝ nǝn swɨkanɨ, n yǝlam dǝnglǝng nɨ nǝn diili jǝbɔ bʌn nɨ nǝn diili.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

1 Timoti 1:18

Bʊla mɨ Timoti, mǝ nǝ ń diil nɨ lɛ, a jǝla nǝn sʊwatǝm kɛltɨn nɨ nǝbkuwotǝmkǝgagɔ a sʊwa a dul mʊnɨ. Na ń bwangtǝn diiltɨn nɨɨ, mʊ ta ta kun nyan.

1 Timoti 1:19

Ń ta nǝtǝm bɨlǝngkɛlɔ a mʊgɔ nǝl nɨ mɨ komtǝm woi a bʊm bʊmɨ. Kaam nǝbɔ a kɔ bwangtǝm kanjǝl nɨ nǝl jinɔ a sʊwa jii, ja kal nǝtǝm bɨlǝngkɛl jinɔ.

1 Timoti 3:9

Bɛ ja ja kǝga nǝn nǝtǝm bɨlǝngkɛlɔ nǝn bʊʊlalɨ nyan nɨ a mʊgɔ nǝl nɨ mɨ komtǝm woi.

2 Timoti 1:3

N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.

2 Timoti 1:5

N bʊʊla nǝn nǝtǝm bɨlǝngkɛl nyan mʊnɔ, wʊnɨ nǝn tɨkǝga nʊga mɔ Loyis jǝbɔ nɛnɛ mɔ Afiniki jǝ nǝnɨ. Mɨ nyǝmatǝm wo, nǝtǝm bɨlǝngkɛl gɔ, gǝ na jǝbɔ mɔ.

2 Timoti 2:22

Bɛ ń mwal swɨtǝm kanjǝl dǝlatǝm nu a lɔ bwayǝlɨ. Saa maajɨ nɨ dǝngdǝngɨ, jǝbɔ nǝtǝm bɨlǝngkɛlɔ, jǝbɔ swɨkanɔ, jǝbɔ yɨm kwamɨgǝn. Bɛ ń maa nyɔ mɔ jǝbɔ nǝb nɨ jo Tɛlalɔ lɛ nǝn nǝl sagsagɨɨ.

Titus 1:15

Nǝb nǝl sagsagɔ, kanjǝlɔ gwam sagsag a daa ji woi. Nǝb nɨ mɨ nǝn nǝl sagsagɨ, ja nǝ bɔ bɨlǝngkɛlɨ, mɨ kaa jǝl wo sagsag a daa ji woi. Nǝl jinɔ jǝbɔ bʊʊlalɨ jinɔ gwam mɨ sagsag.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Ibranii 13:18

Jǝ́ maa nǝm keli. Nǝn nyǝm nyɔ nǝn nǝn mʊgɔ nǝl nɨ mɨsɔ nǝn nyʊwa gunidul lɛɨ. Nǝn swɨ lɛ nǝn yɨ yɨm nǝnɔ a gola nyan.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

2 Bitrus 1:7

A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.

1 Yohana 3:10

Jʊ jǝ nyǝm bɛtɔ lɔ Kwaamaɨ lɛ nǝnɨ jǝbɔ bɛtɔ lɔ mammɨ nǝn gɔ, nʊ nɨ a maa bɔ jǝ dǝngdǝngɨ, ke bɔ a Kwaamaɨ, gǝ na nyɔ a nʊ nɨ mɨ swɨ kɨla gǝ lɛɨ.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.