1 Timoti 1:12 - Dadiya NT

¹² N buu Kiristi Yesu Tɛlalɔ bǝn gǝm kang, wʊnɨ a nɨ ɨ kwaanɨ, jʊ a bwɨɨ a do i mǝ nǝ tatǝm swatǝm yaa, a ya ɨ sǝ n maa maajɨ gǝnɨ.

1 Timoti 1:12 Iomraidhean Croise

Matta 20:4

Nǝngɔ a sʊwa ji gɔ, ‘Jǝ́ yɔ tʌjen a tɔtwam mɨ ya jǝ́ maa maajɨgɔ, mǝ ywa jen ywa dǝngdǝng jʊ jǝ ywa lɛɨ.’

Yohana 5:23

Sǝ nǝbɔ gwam a nǝ Bwɛ dʊʊn, kanga jǝ nǝ Tɛ bwɛ dʊʊn nɛɨ. Nʊ nɨ mɨ nǝ Bwɛ dʊʊn nɛɨ, mɨ nǝ Tɛ bwɛ nɨ lɛ a twam gǝnɨ dʊʊn.

Maajɨ Bɛtɔ Twamagɨɨ 16:15

Nǝn kwama a yʊ mwɛ sagsagɔ jǝbɔ nǝbɔ lɔ gɨɨ, nǝngɔ a jo nǝn a lɔ gɨɨ. A sʊwa gɔ, “Na jǝ́ jǝla mǝ nǝ nǝtǝm bɨlǝngkɛl a daagɔ Tɛlalɔ woi, jǝ́ bɛ ba jǝ́ yɨ a lɔ mɨ.” A kela nǝn nyɔ, nǝngɔ nǝn jǝlaɨ.

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Maajɨ Bɛtɔ Twamagɨɨ 9:22

Shawulu a sʊtǝn nyatǝm kwaanɔ. Gung nǝl Yahudawa nɨ lɛ jǝ yǝm a Dimaskaɨ. Sʊwa ji lɛ yǝlɨgǝn gɔ, Yesu nǝn gɔ nǝn Kiristii.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

1 Korinti 3:5

Nuwo nyɨ nǝn Afolosi? Nuwo nyɨ nǝn Bulus tagɨ? Jǝ ke bɔ jwaalɛb Kwaamaɨ ka? N nǝb nɨ jǝ́ nǝ bɨlǝngkɛl a gola jini, pʌd jinɔ jǝ nǝngǝn nǝn maajɨ nɨ Tɛlalɔ a nǝ ji dǝngdǝngɨ.

1 Korinti 7:25

A dul nɔɔtǝm nɨ a naa bɔ batǝm woi, mɨ mǝ nǝn jʊ nɨ Tɛlalɔ a sʊwa ɨɨ. Mǝ sʊwa jen kɛl nɨ a kuwotǝm mǝndɨ mǝ nʊ nɨ ja jǝla nǝn mǝ a lǝma Tɛlalɔɨ.

2 Korinti 4:1

A kwɛl a yǝlam nǝn nǝn maajɨ nɨ a mʊgɔ bʊnatǝm Kwaamaɨ, mɨsɔ nǝn dem nǝl lɛ.

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Filibii 2:11

A maa nyɔ tag sǝ nyiyotɨnɔ gwam a sʊwa gɔ Yesu Kiristi nǝn Tɛlalɔ, sǝ ja dʊʊl Kwaama Tɛtɛ.

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

Kolosii 1:25

A wʊnɨ mǝ yǝlam nǝ maajɨ nɨ Kwaama a nɨ ɨ a kɛl dul jeni, sǝ n kiyo kɛl Kwaamaɨ dangǝn.

1 Timoti 1:1

Nǝmǝ mǝ Bulus bwɛ twama Kiristi Yesui a diil Kwaama Nǝbʊʊlɨ bǝnɨ jǝbɔ a Kiristi Yesui, nʊ bǝ ya nǝl a daa gǝ woi.

1 Timoti 1:11

Mɛlalɨ nɨ a yɔ dǝngdǝng jǝbɔ dʊʊlǝn fulon kɛl lǝmɨ, a Kwaamaɨ nǝ bwili, wʊnɨ a dǝg mɨ a kang sǝ n kiyoi.

1 Timoti 1:2

Mǝ mʊla bʊla mɨ Timoti gǝm lɛ bwɛ nyan mɨ a nǝtǝm bɨlǝngkɛlɔ gǝm. Bɛ Kwaama Tɛtɛ, jǝbɔ Kiristi Yesu Tɛlalɔ bǝn a nǝ ń lǝma, jǝbɔ bʊnatǝm jǝbɔ yɨm kwamɨgǝn.

1 Timoti 6:13

N mʊrka ń jǝbɔ Kwaama, nʊ nɨ a nǝ kʊlɨ a kanjǝlɔ gǝm gwamɨ, n mʊrka ń jǝbɔ Kiristi Yesu, wʊnɨ a nʊng nǝtǝm nyiyo nyan a kǝga Buntus Bilatusi,

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

2 Timoti 4:17

Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

Titus 1:4

Langǝn bwangǝn nɨ mǝ mʊlam Titus, bwɛ nya mǝndɨ a gola nǝtǝm bɨlǝngkɛl bǝnɨ. Bɛ lǝma jǝbɔ yɨm kwamɨgǝn a Kwaama Tɛtɛɨ, jǝbɔ a Kiristi Yesu Nǝbʊʊlɨ bǝnɨ a yɨ a daa mʊ woi.

Filimon 1:9

A kɛl dul swɨkan, a bʊm nyɔ n kela ń ń maa nyɔ, mǝ, Bulus dʊʊ, n wɔ kǝngkɔ tag mǝ bwɛ lɔsomii a kɛl dul Yesu Kiristii.