Zephaniah 3:2 - De Beebaa Dabu

² Se aduhale e dee hagallongo ange gi dahi, ma tee malangilangi i de hagaheohi a dahi ia. Gai ia e dee hagadonu Tagi Maolunga, gai e dee lodo e hagabaa ange gi dono Maadua.

Zephaniah 3:2 Iomraidhean Croise

Nehemiah 9:26

Aagai gilaadeu tee hagallongo i au muna ma de hai baasi adu gi de goe. Gilaadeu ne daahuli gee i au hainga ma de daa ga maakau oo pelaabisi, go gilaadeu ne agoagona gilaadeu gi aahe mai ai gilaadeu gi de goe. Gai ne kona mmao delaadeu hagangadi mee goe.

Psalm 10:4

Tangada baubau e dee ssala de Maadua i dono lodo hagamaolunga; gai de Maadua e dee maleva donu i lodo ana maanadu alodahi.

Psalm 50:17

Koe e kino i dagu hagaheohi adu goe, gai koe e dee anga ange gi agu muna.

Psalm 73:28

Aagai au, e danuaa dogu hagabaa ange gi de Maadua; au gu hai de Ia Aamua go Iahweh go dogu buibui, gai au ga tala ai dagodo o au hegau alodahi.

Psalm 78:22

i hiidinga gilaadeu tee hagadonusia de Maadua, aabe ne hagadonusia bolo ia e hagaola gilaadeu.

Proverbs 1:7

De madagu i Tagi Maolunga go taamada o de heiangi; aagai tangada lodo senga e kino i de heiangi ma agoago heohi.

Proverbs 5:12

koe ne hagadaba, “Au ne kino mmao i dogu agoagona, gai au ne hagangadi mee dogu haelenga!

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Isaiah 43:22

Aagai Jacob, koe tee hagahi mai au; Israel, koe gu goso i de au.

Isaiah 9:12

De gau Assyria mai i dua ma de gau Philistia mai i dai e hhanga naa olaadeu ngudu ga holo Israel. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Jeremiah 13:25

Deenei doodou duuhanga, go tuuhanga aagu gu hagamodu adu gi de goe, go Tagi Maolunga e hagadaba, go hiidinga koe gu ngalo au gai koe gu tali hagalodolodo ange gi denga ngadi diinonga.

Jeremiah 2:30

Teai donu haigamaiana dagu haele oodou dama, gilaadeu tee aanga mai gi agu muna hagaheohi. Oodou gadilaasa ne daa ga maakau oodou pelaabisi bei dagodo o dahi laiono hiigai.

Jeremiah 22:21

Au ne basa adu gi de goe i de masavaa oou e duadonu ai, aagai koe ne hai mai, ‘Au e dee hagallongo adu!’ Deenei dau dahulinga e hai mai i doo gauligi; koe tee hagallongo mai donu gi de au.

Jeremiah 32:33

Gilaadeu gu huuhuli mai olaadeu dua gi de au e dee go olaadeu mada; gai e dee galemu donu tee modu dagu agoago ange gilaadeu, aagai gilaadeu e dee hagallongo mai aabe daohi agu haelenga.

Jeremiah 35:13

“E hagadaba Tagi o denga hagabuulinga hebagi, de Maadua o Israel: Hannoo hai ange gi denga daane o Judah ma dangada alodahi e nnoho i Jerusalem: Goodou e dee llodo e kave agu agoago ma de daudali i agu muna? go Tagi Maolunga e hagadaba.

Jeremiah 35:17

Deenei ai, e hagadaba Tagi Maolunga, de Maadua o denga hagabuulinga hebagi, de Maadua o Israel: Tilo, au e hai naa gi loomai denga hagaduasala alodahi aagu gu lava laa i de tala e hai baasi ange ai gi Judah ma dangada alodahi e nnoho i Jerusalem, go hiidinga au ne basa ange gi gilaadeu, aagai gilaadeu tee hagallongo mai; au ne hagaagahi gilaadeu, aagai gilaadeu tee pasa mai.”

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Ezekiel 22:24

“Tama a tangada, hai ange gi de henua: ‘Koe se henua tigi hagagilimalali, aabe gu pala iho aagena de langi i dogu laangi e bole ai.’

Ezekiel 24:13

Koe gu hakino gee i hiidinga o au dahulinga baubau; au ne hagatale de hagagilimalali goe, gai koe tee gilimalali donu. Deelaa ai, koe e dee maua donu gi gilimalali ga dae ai gi de sili dogu bole i dua dagu hagaduasala goe.

Zephaniah 1:6

ma gilaadeu e daahuli gee gu dee daudali ange i Tagi Maolunga, aagai e dee ssala hogi Tagi Maolunga, aabe e dangidangi ange gi de ia i de bale.

2 Timothy 3:16

Muna alodahi o de Beebaa Dabu ne daamada mai i lodo o de Maadua, gai e haigamaiana ange gi de agoago ai, ma de hagakana ange ai, ma de hagaheohi aama de agoago ai gi heohi tangada,

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.