Zephaniah 3:19 - De Beebaa Dabu

¹⁹ Tilo, de masavaa laa gai au e hagaduasala naa gilaadeu alodahi ne vaivai haia goe. Au e hagaola naa tangada balagelage ma de hagabuni mai dangada gu mavaevae saele laa. Au e hai naa dangada gi duuhia ma de hagadubu gilaadeu, i henua alodahi olaadeu ne hagadookaa ina ai laa.

Zephaniah 3:19 Iomraidhean Croise

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 33:1

E vakaa naa goe, de ia e oohaa denga henua, gai tigi ai donu dangada ne oohaa ina goe! E vakaa naa goe, tangada e dee hai hegau i de mee abodonu, gai tigi ai donu dangada ne hagasengalia goe! De masavaa naa huu aau e tuu ai de oha gai koe e oohaa naa donu hogi; de masavaa naa huu aau e tuu ai de hagasenga dangada, gai koe e hagasengalia naa donu hogi.

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 60:18

Gu deai naa donu dangada alasala e gidee i doo henua, e deai mommee e ngadi daakodo ma de maoha i doo henua, aagai koe e hagaingoo ange naa doo buibui go de Hagaola, gai e hagaingoo ange oo haitoga go de Tuhi.

Isaiah 61:7

Goodou e kave naa tuuhanga e lua hanonga e kii ange ai e sui ai doodou hagadookaa ina. Gilaadeu e malangilangi naa i olaadeu boolonga e sui ai delaadeu hagangadi mee ina; gai delaadeu gelegele i de henua e hai naa ga lua hanonga e kii ange ai, gai delaadeu malangilangi e deai donu se ngado mai.

Isaiah 62:7

gai gi dee dugua ange ia gi hagamabu ga dae ai gi dana hagaahe age Jerusalem, ma de hai gi se mommee e tuhi hagadanuaa i henua i lalo.

Jeremiah 30:16

Aagai dangada alodahi e oohaa goe e oha naa donu, oo hagadaumee alodahi e noonoa naa ga gaavee gee. Dangada ne gaiaadia oo mee e gaiaadia naa hogi alaadeu mee, gilaadeu alodahi e haia gi de mahi oo goloa e haia gi de mahi naa hogi olaadeu goloa.

Jeremiah 30:19

Gai gilaadeu e daahili naa ga hagaahe ange de abodonu, gai leo o dangada e malangilangi ai e langona naa i kilaa. Gai au e hai naa gi kii ange de soa gilaadeu, gai taelodo o olaadeu dangada e dee kii mai naa donu. Au e hai naa gi hagadubu ina gilaadeu, gilaadeu e dee hagangadi mee ina naa donu.

Jeremiah 31:8

Tilo, au e hagaahe mai naa gilaadeu i henua i ngaiho, ma de hagabuni mai gilaadeu i luu bido o henua i lalo. E hanu naa hogi dangada dee kide ma de gau balagelage i olaadeu magavaa, ma denga haahine hai tama aama denga haahine gu hai olaadeu hagalangona; dahi hagabuulingaa dangada soa e aahe mai naa gi kinei.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Ezekiel 16:27

Tilo, au ne hagaabo dogu lima ga hai baasi adu ai gi de goe, ga hai gi damaa mee mai ange doo vaaenga; au ne dugu ange goe gi de nnoo hagamau mee o oo hagadaumee, go de gau Philistia, gai gilaadeu ne llele mouli i delaadeu gidee au vaivai dahulinga.

Ezekiel 16:57

i mua de gidee mai au hegau baubau. Gai iainei koe gu hagangadi mee ina i denga damaa hine o Aram, ma dangada alodahi e paa adu gi de goe, aama damaa hine a de gau Philistia, go dangada alodahi i luu baasi doo henua, e kino laa i de goe.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Ezekiel 39:13

Gai dangada alodahi i de henua e danu naa gilaadeu, gai gilaadeu e kave ai naa de hagadubu i delaadeu hai de hegau nei, i de laangi aagu e hagamahamaha ai au, go de Ia Aamua go Iahweh e hagadaba.

Ezekiel 39:26

Gai gilaadeu e ngalo naa delaadeu hagadookaa ina, ma delaadeu tee hai hegau mai gi de au i de mee abodonu, i de masavaa olaadeu e nnoho paba ai i delaadeu henua, gai gu deai dangada e hagamaatagu ina gilaadeu.

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Zephaniah 3:15

Tagi Maolunga gu kave gee doo hagaduasala, ia gu hai gi aahe dua oo hagadaumee. Tagi Maolunga, de Hodooligi o Israel, e noho madali goe; gai koe e dee madagu ange naa donu i dahi mee hai ngadaa.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Deuteronomy 26:19

gai ia e hai goodou gi maolunga ange i denga huaahenua alodahi aana gu hagatuu age. Gilaadeu e tuhi naa ma de tala hagadanuaa oodou dagodo ma de hagadubu goodou, gai goodou e hai naa ga se huaadangada dabu ange gi Tagi Maolunga doodou Maadua, bei dana hai gu tala ai laa.

Hebrews 12:13

gai hagassoea haiava oodou e seesee ai, gi dee daahuli ai vae o de gau balagelage, aagai gi ieiangi.

Revelation 20:9

Gai gilaadeu ne loomai i henua i lalo alodahi, ga duuli de mommee nnoho gaainga o dangada o de Maadua, go de aduhale oona e aloha ai laa. Aagai de ahi ne hano iho i de langi ga dudu gilaadeu gu maakau.

Judges 1:7

Gai Adoni-Bezek ga hai ange, “Ne dinohidu hodooligi aagu ne duuduu olaadeu madannia ma olaadeu dabuvae maatua, ga hai gilaadeu gi ogohia age amuamu gai i lalo dogu deebele; gai de Maadua gu sui mai agu hegau ne hai ange gi gilaadeu.” Gai denga daane o Judah ne kave ia gi Jerusalem, gai go kilaa oona ne magau ai.