Zephaniah 1:18 - De Beebaa Dabu

¹⁸ Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Zephaniah 1:18 Iomraidhean Croise

Genesis 6:7

Gai Tagi Maolunga ga hagadaba, “Au e hai naa gi odi i de maakau dangada aagu ne hai laa i de gelegele; go dangada alodahi ma manu dolodolo, ma manu e tolo i honga de gelegele, aama denga manu llele i lo te moana i lunga, i hiidinga au gu sivi i dagu hai gilaadeu.”

1 Kings 14:22

Gai dangada o Judah ne hai de baubau i mada luu mada o Tagi Maolunga; alaadeu hegau dee heohi ne kii ange donu de hai Tagi Maolunga ga maagoda i hegau a olaadeu dubuna madagidagi ne hai.

De Beebaa go Job 21:30

bolo tangada baubau e ola i de laangi o de hai ngadaa, gai ia ne ola i de laangi o de bole?

De Beebaa go Job 3:15

madali dagi o de henua e hanu laa alaadeu goolo, ma de hhao olaadeu hale i denga selevaa.

Psalm 78:58

Gilaadeu ne hai ia ga lili i hiidinga olaadeu mommee daumaha; gilaadeu ne hai ia ga maagoda i hiidinga olaadeu diinonga.

Psalm 79:5

Tagi Maolunga, dee hee maa taulooloa? Koe ga duudagi naa donu huu doo lili i gimaadeu ga hano ai? Dee hee maa taulooloa de kona doo maagoda bei de ahi ula?

Proverbs 11:4

Goloa lagolago e deai ono haigamaiana i de laangi o de bole, aagai de mee heohi e hagaola tangada mai i de magau.

Proverbs 18:11

Goloa lagolago o de gau llava go delaadeu aduhale buibui; gai gilaadeu e maanadu bolo e bei de buibui maolunga.

Isaiah 1:24

Deenei ai, de Ia Aamua, Tagi o denga hagabuulinga hebagi, de Ia Mmahi o Israel, e hagadaba: “E vakaa naa ogu hagadaumee, au e hagaduasala naa gilaadeu i dogu bole, ma de sui ange hegau a dangada e kino i de au.

Isaiah 10:17

De Maalama o Israel e hai naa ga se ahi, de Ia Dabu o Israel se ahi ula; gai e dudu naa ga deai manu daladala ma manu duiduia i dahi laangi donu huu.

Isaiah 10:3

Gai ni aha naa oodou e hai i de laangi o de hagaduasala, ma de masavaa e dae mai ai de hai ngadaa i de mommee mmao? Go daho ai oodou e hulo gi balea adu goodou? Gai go hee naa donu oodou e dugu ai oodou goloa lagolago?

Jeremiah 7:20

Deenei ai, e hagadaba de Ia Aamua go Iahweh: Au e hai naa gi humai dogu lili aama dogu bole gi honga de mommee nei, ma honga o dangada ma manu dolodolo, ma honga manu ssomo ma hua o de gelegele. Mee nei e dudu naa, gai e dee maua naa donu i de diinei.”

Jeremiah 7:34

Gai au e hai naa gi dee langona leo o de hine ma taane gu dai hagahai bodu e llodo danuaa ai, aabe e malangilangi ai i lodo aduhale o Judah, aama honga haiava o Jerusalem, gai de henua e ngadi dagodo naa.”

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Ezekiel 16:38

Gai au e hagamodu naa oo muna bei dagodo o de hine dau bodu dagodo haisala ma de daa dangada ga maakau; au e sui adu naa au hegau ga daa goe gi magau i hiidinga dogu bole ma dogu maagoda.

Ezekiel 23:25

Au e hagaduasala naa goe i dogu lodo mmahi, gai gilaadeu ga vaivai hai ai goe i delaadeu llili. Gilaadeu e duuduu naa doo usu ma luoo dalinga, gai dangada e ola e daia naa ga maakau i de gadilaasa. Gilaadeu e booboo naa au dama daane ma damaa hine ga kave, gai ga dudu dangada e doe i de ahi.

Ezekiel 7:11

De vaivai haia o dangada gu hagadagadaga ange donu de baubau; gai e deai naa donu gilaadeu e ola, e deai naa hogi olaadeu goloa e doe, aabe go hanu alaadeu mee hagamogomogo.

Ezekiel 7:19

Gai gilaadeu e tili ange naa alaadeu selevaa gi honga denga haiava, gai alaadeu goolo e bei naa dagodo o de mee hakino gee. Alaadeu goolo ma selevaa e dee maua naa donu i de hagaola gilaadeu i de laangi o de bole o Tagi Maolunga. Mee nei e dee maua naa donu i de hagaboobosu gilaadeu, aabe hagahoohonu lodo olaadeu dinae, go hiidinga mee nei gu dagi ange gilaadeu gi lo te baubau.

Ezekiel 7:5

E hagadaba de Ia Aamua go Iahweh: Dahi hai ngadaa, de hai ngadaa gu dae mai!

Zephaniah 1:11

Dangada e nnoho i de mommee hagao mee, goodou tangi see; go hiidinga de gau hagao mee e maakau naa, gai alodahi e hagao mee i selevaa gu odi hogi i teai.

Zephaniah 1:15

De laangi laa se laangi niio de bole — se laangi hagamaatagu ma de hagamanavasaa, se laangi hai ngadaa gai e oha ai mee alodahi, se laangi gohu ma tee maalama, se laangi hagausinga ina ma de gohu boo dangodango,

Zephaniah 2:2

i mua de dae mai o de masavaa gu hagasauaa laa, i mua de laangi o denga gili grain e ilihia laa ga gaavee, i mua de dae mai gi goodou de lili laumalie o Tagi Maolunga, i mua de dae mai gi goodou de laangi o de bole o Tagi Maolunga.

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

1 Corinthians 10:22

E aha, gidaadeu e llodo e hai gi lodo gaiaa Tagi Maolunga? E aha, gidaadeu e mmahi ange laa i de ia?

Deuteronomy 31:17

De masavaa laa gai au e lili naa i gilaadeu, ga tili gilaadeu ma de huli gee luoogu mada i gilaadeu, gai gilaadeu e odi naa i de maakau. Denga mee baubau ma hai ngadaa lagolago e hai ange naa gi gilaadeu, gai gilaadeu e hagataba naa i de laangi laa, ‘E dee go hiidinga taadeu Maadua gu dee noho i odaadeu daha, ne tuu mai ai nei hai ngadaa nei gi gidaadeu?’