Zephaniah 1:12 - De Beebaa Dabu

¹² De masavaa laa, gai au e ssala naa mee i Jerusalem i denga laama, ma de hagaduasala dangada e maanadu laa bolo gilaadeu e danuaa donu huu, go gilaadeu e hagataba laa i olaadeu lodo, ‘Tagi Maolunga e deai naa donu ana mee e hai i mee nei.’

Zephaniah 1:12 Iomraidhean Croise

De Beebaa go Job 21:15

Goai donu go de Ia Mmahi Mmao laa, e daumaha ange ai gimaadeu gi de ia? Gai ni aha naa donu amaadeu e maua i demaadeu dalodalo ange gi de ia?’

Psalm 10:4

Tangada baubau e dee ssala de Maadua i dono lodo hagamaolunga; gai de Maadua e dee maleva donu i lodo ana maanadu alodahi.

Psalm 14:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

Psalm 94:7

Gilaadeu e hagataba, “Tagi Maolunga e dee gidee, de Maadua o Jacob e dee anga mai donu.”

Isaiah 5:19

gai dangada e hagataba laa, “Tagi Maolunga gi hagamoolau, ia gi moolau de hai ana hegau gi gidee ai gimaadeu. Haia mee nei gi tae mai, gai gi moolau de hai hegau a de Ia Dabu o Israel, gi iloo ai e gimaadeu!”

Jeremiah 10:5

Olaadeu diinonga e bei de mee e dugi ai laa denga manu i lo te veelenga kiulii; olaadeu diinonga e dee maua i de pasa; gai dangada e saabai saele gilaadeu, i hiidinga gilaadeu e dee maua i de seesee. Goodou aude maatagu i denga diinonga nei; gilaadeu e dee maua donu i de hai adu dahi baubau aabe se danuaa daudahi gi goodou.”

Jeremiah 48:11

Moab ne noho baba mai i dono gauligi, bei dagodo o denga uvaini e dee hagangalungalue laa, tigi llingi ange gi dahi ssaa gee — ia tigi gaavee hogi gi dahi henua gee. Ia goi mami danuaa donu huu, gai dono nnamu tigi dagodo gee donu.

Ezekiel 8:12

Aagai ia ne ssili mai gi de au, “Tama a tangada, koe e gidee naa mee a dagi o de gau Israel e hai i lo te gohu, dahi ma dahi e hano gi de aabi iai ada o ono diinonga? Gai gilaadeu e hagataba, ‘Tagi Maolunga e dee gidee donu gidaadeu; Tagi Maolunga gu tili de henua.’ ”

Ezekiel 9:4

Gai Tagi Maolunga ne hai ange gi de ia, “Hannoo hagadaga i lo te aduhale o Jerusalem maaga ina ai honga lae o dangada alodahi e daemaha ma de gonogono i hiidinga denga mee hakino gee alodahi e hai i lo te aduhale.”

Ezekiel 9:9

Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Obadiah 1:6

Aagai Esau e gaiaadia naa donu ono goloa ga odi, ono goloa hagamogomogo e gaavee naa hogi!

Malachi 2:17

Goodou gu hakoso Tagi Maolunga i oodou muna. Aagai goodou e ssili, “Dee hee demaadeu hai ne hagadalea ai ia?” Go doodou hagataba, “Dangada alodahi e haia de baubau e danuaa donu huu i mada luu mada o Tagi Maolunga, ia e malangilangi donu i gilaadeu,” aabe go doodou ssili, “I hee iai donu de Maadua o de heohi?”

2 Peter 3:4

Gai gilaadeu e ssili naa ga hagataba, “I hee iai de ia gu lava laa i de hagatoo donu bolo e humai? Mai i dua de maakau odaadeu dubuna madagidagi, gai mee alodahi go tagodo mau donu huu, mai i taamada age de hai o henua i lalo.”

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.