Zechariah 9:11 - De Beebaa Dabu

¹¹ Gai oodou dagodo, go hiidinga dagu hagatoo donu hagaheloongoi ne hai i dodo, deenei ai, au e hagassao mai naa oodou dangada i lo te geelonga e deai vai iai.

Zechariah 9:11 Iomraidhean Croise

2 Samuel 13:13

Gai aahee naa ogu dagodo? Dee hee naa dagu hai e hai ai gi helui dogu dogaa? Gai koe e hagabinga naa bolo se daane baubau i Israel. Deenei ai, au e dangidangi adu, basa ange gi de hodooligi; gai ia e dee daohi naa donu au i de goe.”

2 Chronicles 7:17

Gai noo koe e daudali mai i de au bei dagodo o doo damana go David, ma de hai mee alodahi aagu e tala adu gi de goe, ma de daohi agu hainga gu hagasauaa aama agu hagamodu,

De Beebaa go Job 33:30

e hagaahe mai ai ia i de mommee o de gau maakau, gai de maalama o de mouli ga hagamaalama ia.

Psalm 30:3

Tagi Maolunga, koe gu hagaahe mai au i de magau; koe ne hai gi dee hano au gi de mommee o de gau maakau.

Psalm 40:2

Ia ne dada age au i lo te geelonga hagamanavasaa, go de mommee iai bela pigi; gai ia ne hai au gi duu i honga dahi hadu makaga, ma de hai luoogu vae gi tuu i honga de mommee makaga.

Psalm 69:33

I hiidinga Tagi Maolunga e hagallongo talodalo a tangada e duasala, gai ia e dee ngalo ono dangada e nnoho i lo te hale pono.

Exodus 24:8

Gai Moses ga kave denga dodo ga dabudabui ange gi honga o dangada, ga hai ange gi gilaadeu, “Aanei dodo o de hagatoo donu hagaheloongoi a Tagi Maolunga ne hai madali goodou, bei dagodo o muna nei alodahi.”

Isaiah 24:22

Gilaadeu alodahi e dagi mai naa bei dagodo o dangada gu hhao gi lo te geelonga; gilaadeu e tili ange naa gi lo te hale pono gai dua naa huu hanu laangi lagolago, gai gilaadeu e hagaduasala.

Isaiah 42:22

Aagai de huaadangada nei gu gaiaadia ma de haia gi de mahi olaadeu goloa; gilaadeu alodahi gu nnoho i lodo haonga ma de pono ange i lodo hale pono. Gilaadeu gu gaiaadia olaadeu goloa, gai e deai donu se dangada e hagaola ina gilaadeu; gilaadeu gu bei goloa e maua i de hebagi, gai e deai donu se dangada e hagadaba, “Hagaahea mai gilaadeu!”

Isaiah 42:7

e hhuge ai ganomada o dangada e dee kide laa, ma de hagassao mai ai gilaadeu e nnoho i lo te hale pono ma lo te gohu.

Isaiah 49:9

ma de hai ange gi gilaadeu i lo te hale pono, ‘Goodou ssao mai!’, gai e hai ange gi gilaadeu e nnoho i lo te gohu, ‘Ssao mai gi de maalama!’ Gilaadeu e bei naa denga ssiibi e gaimee i gaogao denga haiava, ma de gidee mommee iai helii i honga duuduu.

Isaiah 51:14

Dangada gu hhao gi lo te hale pono gu dai ssao mai naa; gilaadeu e dee maakau naa donu i lo te hale pono, aabe e deai alaadeu gai.

Isaiah 58:12

Gai oo dangada e hagatuu age ange naa mommee gu maoha laa ma de hagaahe age tagelo madagidagi, gai koe e hagaingoo ange naa go de ia e hagaahea age de buibui gu maoha laa, ma de ia e hagaahea age denga haiava i de mommee nnoho.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Jeremiah 38:6

Gai gilaadeu ne kave Jeremiah ga hao ange gi lo te mommee e hagasahu ange aagena vai a Malkijah, tama daane a de hodooligi, se mommee i lo te buibui o de gau hagaloosi. Gilaadeu ne nnoa ia i hanu daula, ga hagasege iho ai ia gi lo te mommee e hagasahu ange aagena vai. Gai gu deai vai iai i de masavaa laa, gai gu ni bela donu huu i kilaa; gai Jeremiah ne abulu gi lodo bela laa.

Daniel 2:29

De hodooligi, de masavaa oou ne dagodo ai i honga doo moenga, gai koe e maanadu be ni aha naa e hai i muli mai. Gai de ia e hagaagona mai laa mee e dee iloo ne hagaago adu gi de goe mee e hai.

Matthew 26:28

go hiidinga mee nei go ogu dodo, go dodo o de hagatoo donu hagaheloongoi, ne hagassali laa i hiidinga o dangada soa, e tala ai haisala.

Mark 14:24

Gai ia ne hai ange gi gilaadeu, “Go ogu dodo aanei, go dodo o de hagatoo donu hagaheloongoi, ne hagassali laa i hiidinga o dangada soa.

Luke 16:24

Gai taane lava laa ga hai ange gi de ia, ‘Tamana go Abraham, lodo aloha mai gi de au, ma gi haia Lazarus gi humai gi hagasulu ina ange dono madannia gi lodo vai gi hagamaluulu ina ai dogu alelo. Au gu kona mmao dogu duasala i lo te ahi nei!’

Luke 22:20

Ia ne poo mai hogi de ubu i dua delaadeu gaimee, gai ia ga hai ange gi gilaadeu, “De ubu nei go de hagatoo donu hagaheloongoi hoou, ne hai laa i ogu dodo ne hagassali laa i oodou hiidinga.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

1 Corinthians 11:25

Gai ia ne poo mai hogi de ubu, i de lava de gaimee, ga hai ange, “De ubu nei go de hagatoo donu hagaheloongoi hoou e hai i ogu dodo. Goodou hagamau ina de unu i de ubu nei, e hagamaanadu ai au.”

Deuteronomy 5:31

Gai koe duu i ogu gaogao i kinei, gai au ga tala adu gi de goe agu muna alodahi, ma agu hainga gu hagasauaa, ma agu mee gu hagamodu, gai koe ga agoago ange ai gilaadeu. Gai gilaadeu gi daohia mee nei i delaadeu hulo ga nnoho i de henua aagu e gaavange gi gilaadeu.”

Hebrews 10:2

Gai noo ne maua, gai tee tuu donu de hai denga sigidaumaha laa. Go hiidinga dangada ne daumaha i mee nei gu gilimalali ga hano ai, gai tagi i olaadeu lodo gu dee daemaha i haisala.

Hebrews 10:29

Gai e laumalie ange donu de hagaduasala o tangada e hagangadi mee ina Tama Daane a de Maadua, ma de dagadagahia gi lalo luoono vae dodo o Klisdo, go dodo o de hagatoo donu hagaheloongoi ne haia ia ga se dangada e dabu, aama de hagadogaa de Hagasaalunga o de abodonu.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

Revelation 20:3

ga tili ange gi lo te geelonga e deai sono dagelo, ga pono de geelonga laa ga hagamakaga, gi dee maua ai e ia i de hagasenga denga huaahenua ga dae ai gi de odi ange de mano ngadau. Gai dua naa huu de masavaa laa gai ia gu tala gi hano saele i dahi masavaa bodobodo.