Zechariah 9:1 - De Beebaa Dabu

¹ Muna hagadaemaha a Tagi Maolunga i dagodo o de henua o Hadrak ma de aduhale go Damascus. Go hiidinga dangada ma aamuli o Israel alodahi e daumada Tagi Maolunga.

Zechariah 9:1 Iomraidhean Croise

Genesis 14:15

Gai Abram ne vae ono daane hebagi i de boo, ga hebagi ange gi denga daane de baasi gee, ma de doolohi gilaadeu ga hulo gu tae gi Hobah, se mommee i de bido i ngaiho o Damascus.

2 Chronicles 20:12

Demaadeu Maadua, koe gi hagaduasala ina gilaadeu. Go hiidinga gimaadeu e dee pau ange gi de hagabuulinga hebagi soa gu loomai nei e hebagi mai gi gimaadeu. Gimaadeu e dee iloo be ni aha amaadeu ga hai, aagai gimaadeu e tali de bale mai i oo daha.”

Psalm 145:15

Mee alodahi e tali adu goe, gai go koe e gaavange alaadeu gai i de masavaa heohi.

Psalm 25:15

Au e daumada donu huu Tagi Maolunga, i hiidinga go ia e aaua gee luoogu vae mai i lo te sele.

Isaiah 13:1

Muna hagadaemaha i dagodo o Babylon ne hagaago ange gi Isaiah tama daane a Amoz.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Amos 1:9

E hagadaba Tagi Maolunga: “Tolu hanonga o Tyre e haisala ai, ga dae ai loo gi de haa hanonga, gai au e dee tuu donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom; gilaadeu tee manadua de hagatoo donu hagaheloongoi madali olaadeu daina.

Amos 3:12

E hagadaba Tagi Maolunga: “De gau Israel e nnoho laa Samaria ma Damascus i honga olaadeu moenga ma olaadeu sea, e hagaola naa bei dagodo o ssiibi, a tangada hagaloosi e dada mai laa ivi o luoono vae, aabe go dahi ono dalinga i lo te ngudu o de laiono.

Nahum 1:1

Muna hagadaemaha i dagodo o Nineveh. De beebaa o de midi hagaago ange a Nahum taane Elkosh.

Zechariah 4:10

Be goai e hagangadi mee ina de laangi o de hegau damaa mee nei, gai gilaadeu e malangilangi naa ma de gidee de uga haide i lo te lima o Zerubbabel. Denga laama e hidu nei go ganomada o Tagi Maolunga e tilo ai laa henua i lalo alodahi.”

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Malachi 1:1

Muna hagadaemaha a Tagi Maolunga ne gaavange gi Malachi gi daalaa ange gi de gau Israel.