Zechariah 8:9 - De Beebaa Dabu

⁹ E hagadaba Tagi o denga hagabuulinga hebagi: Goodou alodahi ne langona laa muna nei i daho denga pelaabisi, i de laangi ne hagadagodo ai tagelo o de hale o Tagi o denga hagabuulinga hebagi, goodou gi lodo mmahi gi maua ai i de hagaahe age de temple.

Zechariah 8:9 Iomraidhean Croise

1 Chronicles 22:13

Gai koe e hagadagadaga age naa, noo koe e daohi mee a Tagi Maolunga gu hagasauaa ma de hagamodu ange gi Moses, ia gi gaavange gi de gau Israel. Koe gi lodo mmahi ma de lo taane. Aude madagu aabe gi baageaa oo lodo.

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

2 Chronicles 15:7

Aagai goodou gi llodo mmahi mage hai hegau, go hiidinga e hanu naa donu hagaoanga o oodou hegau.”

Ezra 6:14

Gai dagi o de gau Ssuu ne duudagi de hagaduu, ma de hagasula de hegau, i de masavaa o luu pelaabisi go Haggai aama Zechariah, tama daane a Iddo. Gai gilaadeu ne hagaduu ga lava de hale daumaha, bei dagodo muna a de Maadua o Israel, aama de hagamodu a Cyrus ma Darius aama Artaxerxes, denga hodooligi o Persia.

Isaiah 35:3

Hagammahi ina oodou lima gu ngadi daudau naa, gai hagammahi ina oodou duli gu baageaa naa;

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Haggai 1:1

De lua ngadau huu o de hodooligi go Darius, i tahi laangi o de ono malama, gai Tagi Maolunga ne hagaago ange gi de pelaabisi go Haggai ana muna ange gi Zerubbabel, tama daane a Shealtiel, de goobenaa o Judah, aama Joshua, tama daane a Jehozadak, tangada haimeedabu maolunga:

Haggai 1:12

Gai Zerubbabel, tama daane a Shealtiel, ma Joshua tama daane a Jehozadak, tangada haimeedabu maolunga, aama dangada alodahi ga hagallongo ange gi muna a Tagi Maolunga, delaadeu Maadua ma muna a de pelaabisi go Haggai, go hiidinga go Tagi Maolunga, delaadeu Maadua ne haia ia gi humai. Gai dangada gu maatagu i Tagi Maolunga.

Haggai 2:18

Goodou hagasaelea gi danuaa mai ailaa nei, mai i de madalua ma haa laangi o ssiva malama, go de laangi oodou ne hagadagodo ai tagelo o de temple o Tagi Maolunga:

Haggai 2:21

“Daalaa ange gi Zerubbabel, de goobenaa o Judah bolo au gu dai hagangalungalue naa de langi ma henua i lalo.

Zechariah 8:13

Dangada o Judah ma dangada o Israel, i mua gai goodou se muna hagamalaia i daho denga huaahenua, aagai iainei au gu hagaola goodou e hai gi se mee hagamanuuia. Goodou aude maatagu, aagai gi lodo mmahi.

Zechariah 8:18

Gai gu hagailoo mai ange muna a Tagi o denga hagabuulinga hebagi gi de au, ga hai mai,

Ephesians 6:10

Denga daina, aanei agu muna hagaodi, hagammahi ina goodou i mahi o Tagi Maolunga ma dono sauaa mmahi.

2 Timothy 2:1

Deenei ai, dagu dama, koe gi lodo mmahi i de abodonu e dagodo laa i daho Klisdo Iesu;

Joshua 1:6

Gai koe gi lodo mmahi ma de lo taane; go hiidinga go koe e dagina de huaadangada nei gi de henua aagu gu hagatoo donu ange gi oodou dubuna madagidagi e gaavange gi gilaadeu.

Joshua 1:8

Koe gi dee dilia muna i de beebaa o denga hainga nei, aagai koe gi hagamaumau ina ga maanadu mee nei i de laangi ma de boo, ma de kana ange ga daudali i mee alodahi e sisi ai, gi hagadagadaga age ai goe ma de sula i mee alodahi aau e hai.